Luka 9:34 - Luganuzi Luswanu Kuli Wanhu Wose 2002

³⁴ Na Petelo lono yalongaga zizi, ho baho baho likaza yivunde, likawagubika no mubeho: na waza kugubikwa ne livunde, i wejizwa wakogopa muno muno.

I CILAGANE CIPYA 1991

³⁴ Na Petelo lono yalongaga zizi, ho baho baho likaza ivunde, likawagubika no mubeho: na waza kugubikwa ne livunde, i wejizwa wakogopa muno muno.

Luka 9:34 ပူးပေါင်းရင်းမြစ်များ

Isaya 19:1

Ayi yo nghani ya kuli yisi ya Misili. Muwaha Mulungu kokuza ku Misili, yapandile mwi'vunde lyono likumangha. Ne vihwani vya Misili, vikucicima hali mwene, ne wanhu wa Misili vilungo vyawo vyodejepa.

Danyeli 10:8

Wakawa kundeka nene du nili wene, nane nghawa niyilanjiliye yiyo nghani yo wizine. Ninga nane nghawa sina vilungo muli'ne, sunga no wusu wangu wukesima so woga, sunga hakawa hasina munhu wo wose mono yali yanhanje vyono yo nene Danyeli.

Luka 9:33

Kukawa lono wawo walume wejete wawukaga, Petelo yakamutya Yesu, “Muwaha, viswanu vyono cili baha, cizenje vibanda vidatu; cimonga cako, cimonga ca Musa, cimonga ca Eliya.” I mbeka, Petelo yalongaga zizi, akuno hamba siyakumanya na cono yakulonga.

Luka 9:35

Lizi likalawa mwivunde, likutya, “Ayu yo Mwanangu muhagulwa wangu: mweze kumuhulika.”

Wugubule 1:17

Holeka nane naza kumuwona du, hobaho nghagwa ha magulu gakwe nha fwiye. Ninga mwene yakanjeleka muwoko wakwe wo kulume, yakatya, “Wulece kogopa! Ane yo nene wo Mwamulizo na wo Mudumo.

Walamuzi 13:22

Manowa yakamulonjela mugolece wakwe yakamutya, “Mbeka 'lu cofwa, ku soko cewona no Mulungu.”

Walamuzi 6:22

Baho Gideyoni yakamanya vyono mbeka ayu yali Malayika wo Muwaha Mulungu, yakalonga kwe cogopo yakatya, “Woyi he! Gwe go Muwaha Mulungu we mihanga, nakondya kumuwona Malayika wako wusu kwa wusu!”