Luka 9:32 - Luganuzi Luswanu Kuli Wanhu Wose 2002

³² Ale, Petelo, na wono wali hamonga nayo wali watimbile na nhongo, ninga wakenuka, wakayiwona nhojo yakwe, wakawawona na wawalya iwalume wejete wono wali wemile nayo.

I CILAGANE CIPYA 1991

³² Ale, Petelo, na wono wali hamonga nayo wali watimbile na nhongo, ninga wakenuka, wakayiwona nhojo yakwe, wakawawona na wa walya iwalume wejete wono wali wemile nayo.

Luka 9:32 ပူးပေါင်းရင်းမြစ်များ

Isaya 60:19

“Kanyhi ne lizuwa hamba si lyolomumulicilenyi mu misi, hamba mwezi ku cilo. Hambi ane no Muwaha Mulungu, nha yo nene mono nolowa wuzelu wenyu cibitilila. Wuzelu wo lukumyo lwangu wo wolomumulicilenyi.

Danyeli 10:9

Nane nali neza kulihulika lizi lyo munhu yuyo, nghagwa hasi wugubama nzilice.

Danyeli 8:18

Ninga lono yali yakali kulonga, ane nghagwa hasi nghawa kuzilika. Ninga mwene yakanyibata, yakanyinula, yakasimya nghema ne magulu gangu.

Maluko 14:40

Ale, yakaza kanyhi kuli wejizwa wakwe, yakawagana wagonile. Nhondo hamba si wasuma bwete no kunugula ne meso gawo. Hamba siwamanya na yono wopitula.

Yohana 1:14

I Nghani nayo yakawa munhu, yakekala mwetu. Nase cikayiwona i nhojo yakwe, i nhojo yakwe mwene mono mwana we ciwene wa Baba; yamemile lihewa ne mbeka.

Yohana 17:24

“Baba, wono wamhela, nghuhila, wawe hono ho nili nene, ho waluwone ulukumyo lwangu lono wamhela, hambi nha wanyenda ane hamba lono yinze yali yikali nawumbwa.

2 Petelo 1:16

Mu vilo vyono cawejizenyi ze nyiza yakwe mbaha u Mutwa wetu Yesu Kilisito, sicatyatya zisimo ze cibwete bwete zono zisina nhunizo yo yose. Ase cikawuwona ulukumyo lwakwe ne meso getu co weneco.

1 Yohana 3:2

Mo wendece wangu, alu ase cili wana wo Mulungu, ninga yikali sinejela calinze vyono colowa. Ninga cimanyile du vyono i cipango Kilisito kolo yakwijela, colokwihwana nayo, hambi nha colomuwona vyono yenha.