Luka 7:41 - Luganuzi Luswanu Kuli Wanhu Wose 2002

⁴¹ Yesu yakatya “Kwali na wanhu wejete wono wali wamukopile munhu yumonga mapesa. Yunji yali yakopile silinje magana mahano, no muyagwe, silinje makumi mahano.

I CILAGANE CIPYA 1991

⁴¹ Yesu yakatya “Kwali na wanhu wejete wono wali wamukopile munhu yumonga mapesa. Yunji yali yakopile silinje magana mahano, no muyagwe, silinje makumi mahano.

Luka 7:41 ပူးပေါင်းရင်းမြစ်များ

Isaya 50:1

Muwaha Mulungu yakutya, “Alu mukwihwesa nha vyono nali nawawinga wanhu wangu, nha vyono munhu kamupelaga mucekulu wakwe talaka? Alu ceti ce talaka ho cili hayi lo? Hamba mukwihwesa nha vyono nali nawaguza ku wuhamywe lo, nho munhu mono kaguzaga wanagwe ku wuwanda? Ng'o ye! Anye mwabita ku wuhamywe ku soko yo wubi wenyu, mwabita kuko, ku soko ye masutya genyu.”

Yelemiya 3:11

Hanyuma kanyhi, u Muwaha Mulungu yakanonjela, nha vyono, hamba yawe Isilayeli yali yakondya kumuleka, ninga hamba nhavivyo, kelajila nha vyono yali ling'ani si yenha Yuda mono si mwihuwilwa.

Wuwale 27:3

“Alu ase, u sogo yetu yafwila mu nyika, yakafwa yasina hamba wana we cilume yaye. Nayo hamba si yali mutyatyi wa Kola. Kola mono yamubeza Muwaha Mulungu. Nayo yakafwa so wubi wakwe mweneco.

Matayo 18:28

“He, ninga u mwitumami yuyo, yali yeza kuwuka bahalya, yakamwagana yunji muyagwe ne wetumami wayagwe, mono u mwene yuyu yamudayaga yuyo muyagwe mapesa, dinali igana limonga. Hodu yakawa kumwibata, yakawa kumukoma mu mumelo, akuno yakutya, ‘Wundipaje umugawa wangu wono nghukudaya.’

Matayo 6:12

Wucinenelaje imasutya getu, nha vyono nase ciwanenelaga wono wacisutizyaga.

Maluko 6:37

Ninga Yesu yakawatya, “Nyenye nyo weneco muwapelaje zindigwa.” Nawo wakamuwuza wakutya, “Alu cibite cikagule mikate ya pesa, dinali magana mejete, ho ciwapele zindigwa?”

Luka 11:4

Wucinenele wubi wetu hambi na sese, nha ciwanenelaga wose wono wacisutizyaga. Kanyhi wulece kucitegula mu wujelwe.’ ”

Luka 12:48

ninga mono si yali yamanyile yono yimonojeye yetume, nayo ketuma zono zinojeye wulipicizwe, yuyo kotowa hadodo. Mono yapejigwe vinji, vyosakwa vinji, nayo mono wamukoza vinji muno, wolosaka vinji kuciza kuli mwene.

Luka 13:4

Hamba wanhu walya we likumi na munana wono wagwilwa no munala ku Silowami, wakawulagwa, mukuwona wawo wali wabi, wacizize wose wono wekaye ku Yelusalemi?

Luka 7:40

Yesu yakamutya yuyo Mufalisayo “Simoni nina nghani yo kukulonjela.” Nayo Simoni yakatya, “Lonje Mwijizi.”

Luka 7:47

Holeka nghukutya, wendo wakwe wukulajila vyono, hamba yawe yali yena wubi winji, kanenelwa. Ninga wowose mono kanenelwaga nghani ndodo, yo kendaga hadodo.”

Walumi 3:23

Iwanhu wose wetumile wubi no kucepucilwa no lukumyo lo Mulungu.

Walumi 5:20

U Wulajilize waza, wusutye ho wucile, ninga u wubi waza konjezeka, ilihewa likonjezeka muno muno.