Luka 7:38 - Luganuzi Luswanu Kuli Wanhu Wose 2002

³⁸ yakema behi na Yesu, yakulila, ne mahozi gakwe gakamusululila Yesu mu magulu. U Mucekulu yuyo yakayipata migulu ya. Yesu kwe zimvili zakwe. Yakamunonela muno migulu, yakawabaka ne mafuta gagalya.

I CILAGANE CIPYA 1991

³⁸ yakema behi na Yesu, yakulila, ne mahozi gakwe gakamusululila Yesu mu magulu. U Mucekulu yuyo yakayipata migulu ya Yesu kwe zimvili zakwe. Yakamunonela muno magulu, yakagabaka i magulu ne mafuta gagalya.

Luka 7:38 ပူးပေါင်းရင်းမြစ်များ

Mwamulizo 18:4

Nane nomuletelenyi malenga madodo mwizuguze migulu yenyu, mucehe hadodo ahano hasi yo mubici.

Ezila 10:1

Baho Ezila, lono yalombaga ha Nyumba yo Mulungu, akuno yakulila no kunena wubi wuwo, yipuga yiwaha lye Waisilayeli, we cilume na we cicekulu, hamonga ne wana wawo wose, wakamuziza Ezila, akuno wakulila muno muno ko wukalale.

Zabuli 38:18

Alu nghunena masutya gangu gose, no wubi wangu wunghalaze muno muno.

Zabuli 51:17

Langa cilavywa cangu kuli'gwe go Mulungu, yo nhumbula du yono yidejepe, hambi 'gwe go Mulungu, nha si kulemaga nhumbula yono yidejepe na ye cihuliko.

Muganuzi 9:8

Ale wivwikaje viswanu, wibace ne mafuta mu mutwe wako.

Lwimbo Luswanu muno 1:3

Ne manukato gako, gakununyhila viswanu, ne litagwa lyako, yiswanu linha manukato. Holeka ne wacekulu wakukwenda.

Isaya 57:9

Mukwitajila wugutika hamonga ne mafuta ge mhunjile, muwa kubita kumuhemba mulungu Moleki. Kanyhi mukutuma wanhu wabite sunga mu ma'si go kutali, sunga ko ku yisi ye wafu, ho wakamulondolelenyi milungu yono mowa kuyihemba.

Isaya 61:3

Ho niwasangalaze no kuwapela nyemo wanhu wose wono wali mu Sayuni, wono wali wali mu wusungu no wukalale wawuce mu wukalale, wembe lwimbo lo lukumyo. Kanyhi wawe nhe mibici i mihadikwe no Muwaha Mulungu mweneco. Kanyhi wawe kwituma zo mugoloka. Nayo Muwaha Mulungu ho yakumizywe muli zono yetuma.

Yelemiya 31:9

Nawo i wanhu wangu, wolowa kulila, akuno wakulomba, mu cipango cono ane nolowa niwalongoze. Nane nowatonga sunga ko ku vikolongo vye malenga, nolowakoza mu nzila yono yitelemeye, ho walece kwikobala yaye. Hambi ane, nha nihwanile sogo yo munhu kuli Isilayeli, nayo Efulayimu, nha yo mwanangu mulongozi kulelwa.”

Yoweli 2:12

Alu Muwaha Mulungu yakutya, “Munene mu zinhumbula zenyu mumhitucile nene, ko wuleka kulya, no wulila muno.

Zakaliya 12:10

Kanyhi nowamemya Muhe wo lusungu no Muhe wo wulombe, wose we ndelo ya Dawudi, hamonga ne wanhu wose wa Yelusalemi. Nawo womulanga no kumulilila u munhu mono wamuwulaga, kanyhi womulilila cililo kotya nha wakumukalila u mwana we ciwene. Wolila ko wusungu wuwaha wowa kotya nha wono wamwajilize mwana wawo we ciwene hamba u mwana wawo umulongozi kulelwa.

Matayo 5:4

Wamoti wono wena wukalale, hambi nha wosindamikwa.

Luka 22:62

Baho Petelo yakalawila kunze, yakalila muno muno.

Luka 6:21

Muli wamoti 'nye mono muli nzala alu, hambi nha molokwigutywa. Muli wamoti 'nye mono mukulila alu, hambi nha moloseka.

Luka 7:37

Na mwitumbi lilyo, mwali moyuli mucekulu yunji mono yali yena mikalile mibi. Nayo yaza kumanya vyono Yesu yali yekaye yakulya mu kaya yo Mufalisayo, yakaleta supa ya mafuta ge mhunjile swanu,

Luka 7:39

U Mufalisayo yuyo mono yamucema Yesu, yaza kuziwona zizo, yakatya mu nhumbula yakwe, “Munhu ayu yali yawe muwizi, yali yamutanje mucekulu yuyu vyono yenha na vyono mubi.”

Yohana 11:2

Nayo Malyamu yo yulya mono yamubaka Muwaha mafuta maswanu, kanyhi yakawa kumupata mu magulu ne zimvili zakwe. U lumbulye Lazalo yo yali yatamigwe.)

Yakobo 4:9

Muzinguce, mugaye no kulila, uluseko lwenyu luweze cililo, ne nyemo yenyu yiweze wuzinguce wuwaha.