Luka 7:22 - Luganuzi Luswanu Kuli Wanhu Wose 2002

²² Yesu yakawapitula yakawatya, “Mubite mukamulonjele Yohana zono muwene na zono muhulice; i wabofu wakuwona, wono wali citewe wakujenda viswanu, wono watamigwe wukoma wakukwemwa, ne waciwa wakuganulilwa u Luganuzi Luswanu.

I CILAGANE CIPYA 1991

²² Yesu yakawapitula yakawatya, “Mubite mukamulonjele Yohana zono muwene na zono muhulice; i wabofu wakuwona, wono wali citewe wakujenda viswanu, wono watamigwe wukoma wakukwemwa, ne waciwa wakuganulilwa u Luganuzi Luswanu.

Luka 7:22 ပူးပေါင်းရင်းမြစ်များ

Jobu 29:15

Nali nha meso kuli wabofu, ne magulu kuli we citewe.

Zabuli 146:8

kanyhi Muwaha Mulungu, kawanuguzaga meso wono wabofuye. Muwaha Mulungu kawenulaga wono wagwiye, Muwaha Mulungu yawendile wono wali ling'ani.

Isaya 42:16

“Nane nowatonga wanhu wangu wono wali cibofu, wakole mu nzila yono wakali nayikola hamba mwizuwa linji. Nowunoza wutitu wawo, wuwe wuzelu, ne hanhu hono hali sasala-sasala hawe hatelemeye. Nawo wuwu wo wihuwizo wangu, nowebatiliza ho walece kukatala.

Isaya 43:8

U Mulungu yakutya, “Waletenyi ku wuling'anizwe wanhu wangu. Hambi nha wena meso, ninga hamba si wakuwona yaye, wena ne makutu, ninga hamba si wakuhulika yaye!

Yelemiya 31:8

Nane nowakongholeza ku wulawa ku lubavu lwa kusumuka, nowakonghola hamonga ku wulawa mu zimhelo zose ze yinze. Nawo wolokuzana ne wabofu na we vilema, ne wacekulu wono wena mida, hamonga sunga na wose wono wali mu nghunga yo lusawo. Nawo wolowuya kono kwawo nghungugo mbaha muno.

Zefaniya 3:12

Nane nolowaleka baho i wanhu wenenenyhezi ne waciwa, wono wokuza kulondola wutazi kuli'ne.

Matayo 11:5

vyono i wabofu wakuwona kanyhi, we vitewe nawo, wakujenda, nawo wono wena wukoma, wakwezwa, na we ciziwi nawo wakuhulika, kanyhi sunga na wono wafwiye, nawo wakuzukulwa, ne waciwa nawo wakuganulilwa u Luganuzi Luswanu.

Matayo 21:14

Nawo iwabofu, na we vilema, wose wakamubitila kuko ku Nyumba yo Mulungu, nayo Yesu yakawaponya.

Luka 4:18

“U Muhe wo Muwaha yali muli nene Kasiwanula, ho niwaganulile waciwa Luganuzi Luswanu, Kanhuma niwalonjele wono wafunjigwe, nha vyono wowopolelwa, Ne wabofu, vyono wowona kanyhi,

Luka 7:21

Mu cipango cico, Yesu yakawaponya wenji mu zinhamwa, no wugazwe, ne macisi, ne wabofu wenji yakawapela wuwone.

Luka 7:23

Yo mumoti mono si yakuwona cikobazo muli nene.”

Yohana 1:46

Nataneli yakamutya Filipo, “Hambi ku Nazaleti nako kosuma kulawa cinhu ciswanu?” Filipo yakamutya, “Wuze wulanje.”

Metumo ge Watumwa 26:18

Kowabunzulula i meso gawo, ho wasume kuwuka ku wutitu, ho wapitucile kuzelu, wawuce mu vilungo vya Setani, wamupitucile Mulungu, na so wihuwilo, ho watuje wunenelwe wo wubi, ho watuje wuhazi, hamonga na walya wono wakondya kuwa wanhu wo Mulungu.’

Metumo ge Watumwa 8:7

Hambi nha wenji wono wali wena macisi mavu, gawukaga akuno wakuzoza ne mazi mawaha. Na wenji wono wali wadejepe imiwili yawo na we vilema, wakaponywa.

Yakobo 2:5

Wandugu zangu, wendece, hulicizenyi ta! U Mulungu yakondya kuwahagula iwanhu waciwa wa mu yinze yiyi, ho wawe wagoli wo wihuwilo, kanyhi wawubocele wutemi wono yawatemezeza wa walya wono wamwendile.