Luka 7:13 - Luganuzi Luswanu Kuli Wanhu Wose 2002

¹³ Nayo Muwaha yali yeza kumuwona mucekulu yuyo, yakamuwonela lusungu, yakamutya, “Wulece kulila.”

I CILAGANE CIPYA 1991

¹³ No Muwaha yaza kumuwona mucekulu yuyo, yakamuwonela lusungu, yakamutya, “Ulece kulila.”

Luka 7:13 ပူးပေါင်းရင်းမြစ်များ

Zabuli 103:13

Nha vyono sogo yo munhu, kawawonelaga lusungu wanagwe, ale, nha vivyo no Muwaha Mulungu nayo, vyo kawawonelaga lusungu wose wono wamogopile.

Zabuli 86:15

Ninga agwe go Muwaha Mulungu, wuli Mulungu wo lusungu, kanyhi wina lihewa, agwe wuli mukangalizi muno, kanyhi wumemile lusungu ne mbeka.

Zabuli 86:5

Hambi agwe go Muwaha Mulungu, nha wuli muswanu, kanyhi wuli munenezi nhondo zose, kanyhi wuli lusungu kuli wose wono wakukulomba.

Isaya 63:9

ku wulawa mu magayo gawo. Hamba si yali malayika yaye mono yawaponya, langa Muwaha Mulungu mweneco du yo yawaponya. Yawaponya ku soko yo wendo wakwe no lusungu lwakwe. Hambi nha yawadima sunga na mu vilo vyono vyapuluta,

Yelemiya 31:20

“Gwe Isilayeli, nha yo gwegwe go mwanangu, mono nghwendile muno muno. Na mu mapango go gose, lono nghulitambula litagwa lyako, nghuwa kukwihwesa ko wendo wuwaha muno. Ne nhumbula yangu yikugazika so gwegwe. Holeka nane nokuwonela lusungu.

Maluko 8:2

“Nghuwawonela lusungu wanhu wawa, hambi nha cekalana nane vilo vidatu, nawo wasina cinji co kulya.

Luka 10:1

Hanyuma yayo Muwaha yakawahagula wanji makumi mupunghati na wejete, yakawatuma wejete wejete, walongole wabite mu vitumbi vyose na hanhu hose hono kobita mwene.

Luka 11:1

Mwi'zuwa linji, lono Yesu yalombaga hanji, yaza kondya kulomba, yunji muyagwe ne wejizwa wakwe, yakamutya, “Muwaha cikukunena wucijize na sese kulomba nha vyono Yohana u Mubaputizi yawejiza iwejizwa wakwe.”

Luka 11:39

U Muwaha yakamutya, “Alu nye nyo Wafalisayo, mukwemaga cikombe ne sahani kunze yayo, ninga muli'nye mugati, mumemile wuhizi no wubi.

Luka 12:42

U Muwaha yakatya, “Nani 'mbi u mwitumami mwihuwilwa kanyhi we mahala? Yo yulya mono mutwawe komuwika yawe mwitumami mu nyumba yakwe, ho yawagawile ndigwa mu cidaha cono cikwiliye?”

Luka 13:15

Ninga Muwaha yakamupitula, yakatya, “Nye mo wakoci, ma, muli nyenye, moyuli yunji mono si katulusaga ng'ombe yakwe hamba ndogowe yakwe, no kuzing'wesa mwizuwa lye sabato?

Luka 17:5

Iwatumwa wakamutya, “Muwaha, Wuconjeleze wihuwilo.”

Luka 17:6

Nayo Muwaha yakawatya, Hono mwali muwe no wihuwilo wudodo kotya nhe mhece ya haladali, mwali muwulonjele mubici wuwu wo mukuyu mukutya, kulice wukehadice mwi'lenga, nawo wali wumuhulicenyi.

Luka 18:6

U Muwaha yakajendelela kutya, “Hulicenyi ta, zono yalonga yuyo hakimu mubi.

Luka 19:8

Ninga Zakayo yakema, yakamulonjela Yesu, yakamutya, “Lanje ta, Muwaha, Nusu ye sawo yangu nowagawila waciwa; na hono niwe namusolela yunji cinji ko wusugu, nomugomolela mwi'walo lilyo kali kane.”

Luka 22:61

U Muwaha Yesu yakapituka yakamulanga Petelo. Nayo Petelo yakayikumbucila nghani yono yalonjelwa no Muwaha yono yamutya, “Zuwali lono nzogolo yowa yikali si nalila, kowa wakondya kunghana kali kadatu.”

Luka 24:3

Wali weza kwinjila mugati ye citenjelo, hamba siwawuwona u muwili wo Muwaha Yesu.

Luka 24:34

wakutya “U Muwaha kazuka mbeka, kelajila kuli Simoni.

Luka 7:12

Ale, yaza sejelela he 'lango liwaha lyo kwinjilila mwi'kaya, yakawona wanhu wadinghuye muzelelo mono yafwiye, mwana we ciwene wo mucekulu mufwile. Wanhu wenji wa mwi'kaya lilyo, wali wali hamonga no mucekulu yuyo.

Luka 7:14

Yakasejelela behi, yakacipamiza citanda cono wali wamudinghuliye mono yali yafwiye, nawo wono wali wamudinghuye wakema. Nayo Yesu yakatya, “Muzelelo, nghukulonjela, Winuce.”

Luka 7:19

yakawatuma wabite kuli Muwaha wakamuwuze “Alu agwe! Yo yulya mono yakuza, hamba cimulanjilile yunji?”

Luka 8:52

Wanhu wose, walilaga, ku soko yo mwana yuyo. Ninga Yesu yakawatya, “Mulece kulila, hambi mwana nha siyafwiye, langa yagonile nhongo du.”

Yohana 11:2

Nayo Malyamu yo yulya mono yamubaka Muwaha mafuta maswanu, kanyhi yakawa kumupata mu magulu ne zimvili zakwe. U lumbulye Lazalo yo yali yatamigwe.)

Yohana 11:3

Ale wawo walumbuze wakatuma munhu kuli Yesu, wakutya, “Muwaha, mwendece wako yatamigwe!”

Yohana 20:13

Wamalayika wawo, wakamuwuza wakutya, “Alu yaya wukulilila cici?” Mwene yakatya, “Wamuwusa Muwaha wangu, hamba simanyile hono wamuwicile!”

Yohana 20:15

Yesu yakamuwuza “Alu yaya wukulilila cici? Wukumulondola nani?” Nayo Malyamu, yatezaga lunji kowa yo mulindiliza busitani, yakamutya, “Muwaha, hono yo gwegwe wumusolile, wunonjele hono wumuwicile, nane nomusola.”

Yohana 4:1

Wafalisayo wahulika vyono Yesu yabaputizaga no kuwatuga wejizwa wenji si nha Yohana. (

Yohana 6:23

zingalawa zinji zikalawa ku Tibeliya, zikafika behi na baho hono wanhu walila mikate mu cipango cono Muwaha yamulumbila Mulungu.

1 Wakolinto 7:30

nawo wono wakulila, waweze nha kotya wono wasina wukalale, nawo wono wakusangalala, wawe nha kotya wono si wasangalaye, nawo wono wakugula, wawe nha wono wasina cinji,

1 Watesalonike 4:13

Nyo wandugu zangu, cikuhila muyimanye i mbeka ya kuli walya wono wakondya kufwa, ho mulece kuwa na wukalale nhe wanhu wono wasina u witumbilo.

Wahebelaniya 2:17

Holeka yali yimunojeye yehwane wanduguze muli zose, ho yawe Mukohani wawo Muwaha, mono yali lusungu kanyhi mwihuwilwa muli zose zono zibitile kuli Mulungu, ho wubi we wanhu wunenelwe.

Wahebelaniya 4:15

Nayo yuyu u Mukohani wetu Muwaha si yenha mono si kosuma kuhanga nase mu wusocele wetu, langa u mwene yo Mukohani Muwaha mono yajelwa nha sese muli zose, ninga si yetuma wubi.

Walamuzi 10:16

Hobaho wakayileka milungu yawo mijenzi, wakamuhemba Muwaha Mulungu. Nayo Muwaha Mulungu, yakawawonela lusungu, yakagazika muno mu mutima wakwe so wugazwe we Waisilayeli.