Luka 7:12 - Luganuzi Luswanu Kuli Wanhu Wose 2002

¹² Ale, yaza sejelela he 'lango liwaha lyo kwinjilila mwi'kaya, yakawona wanhu wadinghuye muzelelo mono yafwiye, mwana we ciwene wo mucekulu mufwile. Wanhu wenji wa mwi'kaya lilyo, wali wali hamonga no mucekulu yuyo.

I CILAGANE CIPYA 1991

¹² Ale yaza sejelela he lilango liwaha lyo kwinjilila mwikaya, yakawona wanhu wadinghuye muzelelo mono yafwiye, mwana we ciwene wo mucekulu mufwile. Wanhu wenji wa mwikaya lilyo, wali hamonga no mucekulu yuyo.

Luka 7:12 ပူးပေါင်းရင်းမြစ်များ

Mwamulizo 22:12

Malayika yakamutya, “Wulece kumutamisa yuyo mwana, hamba wulece kumutendela nghani yo yose! Alu namanya vyono agwe mbeka wumogopile Mulungu, vyono si wumulemeze mwanago we ciwene Isaka.”

Mwamulizo 22:2

Mulungu yakamutya, “Ale, wumusolaje mwanago Isaka, u mwanago we ciwene, mono wumwendile, wubite nayo sunga ku yisi ya Moliya, wukamulavye kuko, likumbiko linyanywe, mucanyha ye litunda lyono nokulajila nene.”

2 Samwili 14:7

Alu muwaha! Iwandugu zangu wose nha wasula, wakusaka niwapele u mwanangu we cilume yuyo mono yasigaye, nawo wamuwulaje vyono mwene kamuwulaga mwanakwawe. Na hono wanoze nhavivi, hodu ane nokwikala sina mwana we cilume. Nawo wowuwusa witumbilo wangu, hambi nha wowa wamuleka mulume wangu yasina mwana we cilume mono kosuma kulijendeleza kanyhi litagwa lyakwe mono'nze.”

1 Watemi 17:12

Nayo mucekulu mufwile yakamupitula yakatya, “Nghukwilahiza mwi'tagwa lyo Muwaha Mulungu mumi, u Mulungu wako, nha vyono, 'ne sina hamba cibegulwa ca mukate yaye. Ane nina wusaje wudodo vivi du mu bakuli, hamonga ne mafuta yibanhi limonga du mu ciya. Nalu niza nhondole vigwagu, mbite navyo nghatelecele, hambe cidodo vyono cowa cinha, ho nilye ane no mwanangu, ndigwa yetu ye ndumilizo, hanyuma hodu cilindile cifwe ne nzala.”

1 Watemi 17:18

Mucekulu mufwile yakamulonjela Eliya yakutya, “Gwe go munhu wo Mulungu, alo nhawule kunhendela nhavivi lo? Kunyiziza lo, u wubi wangu ho wukumbucilwe no Mulungu, wumbulajile mwanangu?”

1 Watemi 17:23

Eliya yakamusola mwana, yakatima nayo ku wulawa ku golofa sunga kuli nyina. Eliya yakamulonjela nyina yakamutya, “Lanje ta, alu mwanago mumi!”

1 Watemi 17:9

“Alu, wubite ku cikaya ca Zalefati behi na Sidoni wukekale kuko. Nakondya kumulonjela mucekulu yunji mufwile mwikala baho vyono yakulise.”

2 Watemi 4:16

Nayo Elisha yakamutya, “Ale, ku mwaka mwi'pango lili, kolowa wupagate mwana mu miwoko yako.” Nayo mucekulu yuyo yakatya, “Woyi he! Nghukunena muwaha wulece kunghonga, hambi agwe, nha wuli munhu wo Mulungu!”

2 Watemi 4:20

Hodu u mwitumami yakamugomola mwana kuli nyina, nayo nyina yakawa yamupagate du, sunga mwi'pango lya mu misi, lono mwana yafwila.

Jobu 29:13

Ne wanhu wono wali wali mu wusungu wukali mu nhumbula zawo, nawo wandugutiza. Nghawapela wutazi wacekulu wafwile, mu wanjile wawo.

Zakaliya 12:10

Kanyhi nowamemya Muhe wo lusungu no Muhe wo wulombe, wose we ndelo ya Dawudi, hamonga ne wanhu wose wa Yelusalemi. Nawo womulanga no kumulilila u munhu mono wamuwulaga, kanyhi womulilila cililo kotya nha wakumukalila u mwana we ciwene. Wolila ko wusungu wuwaha wowa kotya nha wono wamwajilize mwana wawo we ciwene hamba u mwana wawo umulongozi kulelwa.

Luka 7:11

Hanyuma hadodo, Yesu yakabita kwitumbi lyono litezagwa Nayini, Wejizwa wakwe hamonga na wanhu wenji, wakabitana nayo.

Luka 7:13

Nayo Muwaha yali yeza kumuwona mucekulu yuyo, yakamuwonela lusungu, yakamutya, “Wulece kulila.”

Luka 8:42

hambi nha yali yena mwana wa cicekulu we ciwene, kotya wa myaka yikumi na myejete, nayo yali yeza behi no kufwa. Ninga Yesu lono yabitaga wanhu wenji wakamumemela.

Luka 8:52

Wanhu wose, walilaga, ku soko yo mwana yuyo. Ninga Yesu yakawatya, “Mulece kulila, hambi mwana nha siyafwiye, langa yagonile nhongo du.”

Yohana 11:19

Ne Wayahudi wenji wali wafika kwa wa Malita na Malyamu, ho wawapele pole, so lifwa lyo lumbu lyawo.

Metumo ge Watumwa 9:39

Hobaho baho Petelo yakenuka, vikabitana nawo. Nayo yaza kufika, wakamutegula ku nyumba ya ku golofa kucanyha. Ne wacekulu wafwile, wose wakamumemelela Petelo, wakulila, wakamulajila makoti ne myenda, vyono Dolika yanozaga lono yali yakali mumi.

Metumo ge Watumwa 9:41

Nayo Petelo yakamwibata muwoko yakamwimya wima, hanyuma yakawa kuwacema wawalya iwanhu wo Mulungu, hamonga na walya iwacekulu wafwile, yakamuwika hali wene yeza mumi.

Yakobo 1:27

Hambi dini yono yelile, na yono yisina manamha manamha ha mwande yo Mulungu u Sogo yo munhu, nha yoyi: Kuwataza wana wono wasina walezi wawo, ne wacekulu wafwile mu wugaye wawo, no kwiyilanjilila go mweneco ho wulece kutipizwa ne yinze yiyi.