Luka 6:30 - Luganuzi Luswanu Kuli Wanhu Wose 2002

³⁰ Muli wose mono yakukulomba cinji, wumupelaje, na mono yakukusolela sawo yako, wulece kuyisaka yakugomolele.

I CILAGANE CIPYA 1991

³⁰ Muli wose mono yakukulomba cinji, umupelaje, na mono yakukusolela sawo yako, ulece kuyisaka yakugomolele.

Luka 6:30 ပူးပေါင်းရင်းမြစ်များ

Zabuli 112:9

Kalavyaga ko wuswanu, kawapelaga bwete waciwa, no wuswanu wakwe, wikalaga cibitilila. No munhu we liwala lilyo, kolumbwa cibitilila.

Zabuli 41:1

Yo mumoti munhu mono yakuwataza waciwa, u Muwaha Mulungu komutaza nayo, mu vilo vyo wugaye.

Zimbazi 19:17

Na lono wukuwataza vinhu waciwa, yinha kotya wukuviwika kuli Muwaha Mulungu. Nayo Muwaha Mulungu, hanyuma kanyhi yakukugomolela.

Zimbazi 21:26

Na zizo zono yakwituma, yakwihwesa 'mba mo kotujila vyono yakusaka. Ninga u munhu we ling'ani, kalavyaga hamba kwimila yaye.

Zimbazi 22:9

Weze wuli lusungu, muhanje ndigwa ne waciwa. Nagwe mbeka komoteswa.

Muganuzi 11:2

Wagawile wanhu zisawo zako, hambi nha si wumanyile yimbi yono yokwagana mono'nze.

Muganuzi 8:16

Na lono najelaga kuhidimbala muno, ho sume kumanya mahala, hamonga no kwiyijiza zono zikwitumwa mono'nze, nghatanga vyono kosuma kugona meso bwete,

Matayo 18:35

Ale, no Sogo yangu wa ku wulanga nayo, komutendelenyi nha vivyo nanye, hono mulece kwiyinenela munhu na nduguye kwe mitima yenyu yose.”

Matayo 5:39

Ninga ane nghumutyenyi, wulece kumulipiciza u munhu mubi. U munhu hono yakutowe kofi mu luzagasa lo kulume, ale wumupitusizaje no luzagasa luyagwe.

Matayo 6:12

Wucinenelaje imasutya getu, nha vyono nase ciwanenelaga wono wacisutizyaga.

Luka 11:41

Muwapelaje waciwa vinhu vyono vili mugati; na vinji vyose, vyowa vili ling'ani kuli'nye.”

Luka 12:33

Muguze zisawo zenyu zose zono mwina nazo, muwapele i zipesa waciwa, mwinozeze mifuko yono si yisakalaga, mwiwicile sawo ya ku wulanga kono si yilacepuka. Kono si kasejelelaga muhizi, hamba makuni si gahodangaga.

Luka 18:22

Nayo Yesu yaza kuzihulika zizo, yakamutya, “Wukali wanjiye nghani monga du; wuguze vyose vyono wina navyo, wukawagawile waciwa, nagwe kowa na sawo ku wulanga; hanyuma ho wuze wunhyatye.”

Luka 6:29

Munhu hono yakutowe mu luzagasa lumonga, wumupitusize no luzagasa luyagwe; munhu hono yakuboce likoti lyako, wumulecelaje ne shati yako.

Luka 6:31

Muwatendelaje wanhu wose, nha vyono anye mukusaka wene wamutendelenyi nyenye.

Luka 6:38

Wapelenyi wanji vyono wakusaka, nanye molopegwa, Heya molobocela mu miwoko yenyu cipimo ciswanu cisindilwe, cisinjisizwe, cono cimemeleceye, no kumwajika. Hambi nha mu cipimo cicilya du cono mwitumamilaga kuli wanji, co cico du cono Mulungu nayo kolomujelelenyi na nyenye.”

Metumo ge Watumwa 20:35

Muli zose, namupelenyi nzila yo kwiga, kotya, mu wituma nhavivi ko wuhidimbazi, yicinojele ciwataze wono wasina vilungo, no kukumbucila, zinghani zo Muwaha Yesu zono yatya mweneco, ‘Ciba kulavya, ko yili nyemo, si nho kupegwa.’ ”

2 Wakolinto 8:9

Hambi anye nha mulimanyile lihewa lyo Mutwa wetu Yesu Kilisito, nha vyono mwene hamba yawe yali yakwizize vyose, ninga yakenoza nha muciwa ku soko yenyu, anye ho mugolipile mu wuciwa wakwe.

Waefeso 4:28

Mono yali muhizi, yalece kuhiza kanyhi, langa yanze kwituma i milimo miswanu kwe miwoko yakwe, ho yatuje cinhu co kumutuziza u muciwa.