Luka 6:23 - Luganuzi Luswanu Kuli Wanhu Wose 2002

²³ Mu cidaha cico zilakwijela zizo, nhondo muze musecelele mwizuwa lilyo so nyemo. Hambi wuhumbilizwe wenyu nha wuwaha ku wulanga. Hambi walezi zawo nha vyo wawatendela i wawizi.

I CILAGANE CIPYA 1991

²³ Mucidaha cico zilakwijela zizo, nhondo muze musecelele mwizuwa lilyo so nyemo. Hambi wuhumbilizwe wenyu nha wuwaha ku wulanga. Hambi wasogo zawo nha vyo wawatendela i wawizi.”

Luka 6:23 ပူးပေါင်းရင်းမြစ်များ

2 Samwili 6:16

Nalyo Lisanduku, lono lyenjilaga mwi'kaya, Mikali mwana we cicekulu wa Sawuli, yali yemile he 'dilisha yalanjiliye, hanyuma yakawa kumuwona mutemi Dawudi vyono, yakuzumhazumha yakuvina hali Muwaha Mulungu. Hodu mwene mikali yakawa kumubedegala mu nhumbula yakwe.

1 Watemi 18:4

na lono Yezebeli yawawulagaga i wawizi wo Muwaha Mulungu, mwene Obadiya yakawahundika wawizi wanji mu zimhango, waficile wawizi yigana limonga. Yakawatemanula wakawa mu mapuga mejete ga wanhu makumi mahano mahano, yakawa yakuwalisa ne zindigwa mumo mu zimhango zizo, hamonga ne malenga go kung'wa.

1 Watemi 19:10

Nayo Eliya yakapitula yakatya, “Gwe go Muwaha Mulungu, go Mulungu we mihanga, ane nhondo zose, nali kukwitumamila gwegwe du wuli wene. Ninga i wanhu wa Isilayeli, wakondya kucibena cilagane cako na wene. Wavibenanga vikumbicilo vyako, wawawulaga ne wawizi wako, nane nasigala nili wene du. Nawo lu, wakunondola nane wambulaje!”

1 Watemi 19:14

Nayo Eliya yakapitula yakatya, “Gwe go Muwaha Mulungu, go Mulungu we mihanga, ane nhondo zose nali kukwitumamila gwegwe du wuli wene. Ninga i wanhu wa Isilayeli, wakondya kucibena cilagane cako na wene. Wavibenanga vikumbicilo vyako, wawawulaga ne wawizi wako, nane nasigala nili wene du. Nawo lu, wakunondola nane wambulaje.”

1 Watemi 19:2

Hobaho nayo Yezebeli yakatuma munhu yabite kuli Eliya yakamulonjele yatye, “Hono yifice mitondo kwinha vivi, niwe nghali hamba si nakuwulaga nha vyono agwe wawawulaga wawizi, hodu ciba nane milungu yimbulaje.”

1 Watemi 21:20

Nayo Ahabu yali yeza kumuwona Eliya yakuza, yakamutya, “Alu langa izuwali, wanyibata go mulugu wangu.” Nayo Eliya yakamutya, “Heya nakwibata. Hambi nha kwiyendela gwegwe go mweneco kwituma zimbi hali Muwaha Mulungu.

1 Watemi 22:27

Wuwalonjele wamudindile mu jela, wawe kumulisa mukate mukavu na malenga, sunga kono nilawuyila mholile.”

1 Watemi 22:8

Nayo Ahabu yakapitula yakatya, “Ho yuli muwizi yunji mono yakucemwa Mikaya u mwana wa Imula. Ninga u munhu yuyo, ane nimusulile muno muno, vyono mwene yakali nambilila nghani swanu, hamba kamonga bwete, langa mwene kambililaga nghani 'mbi du nhondo zose.” Yehoshafati yakamutya, “Wulecele lukulu kulonga nhavivyo.”

2 Watemi 6:31

Mutemi yakazoza yakutya, “Ale Mulungu wangu yambulagaje, hono ndece kumuwulaga Elisha izuwa lili lono lizuwa likali si naswa!”

2 Zinghomo 36:16

Ninga wene wakawazwajiza i watumwa wo Mulungu, no kuzibedegala zinghani zakwe, no kuwasekanga wawizi wakwe, sunga nhondo likuwo lyo Muwaha Mulungu likawacila muno wanhu wakwe, na wakawa wasina nzila yinji kanyhi yo kwilega.

Nehemiya 9:26

“Ninga hamba nha vivyo i wanhu wako siwakuhulika yaye. Wene wakakugaluka, wakataga ne malajilizo gako. Wakawawulaga sunga ne wawizi wono wawasugulaga, no kuwalonjela wakupitucile gwegwe. Wakakutovula kenji na kenji.

Zabuli 58:11

Ne wanhu wose wolonga wotya, “Heya mbeka wanhu we ling'ani wahumbilizwaga! Na mbeka u Mulungu, ho yuli mono yakuyiling'aniza yinze!”

Isaya 35:6

Nawo we citewe, wolozumha-zumha no kuvina, nawo wono wali cibwibwi, wolokwimba na nyemo. Vikolongo vye malenga vyolohuluma mu nyika.

Yelemiya 2:30

Nghamulipicizenyi, ninga wulipicize wangu wono nghamulipicizenyi, hamba si wakwila cinji yaye, nanye hamba si mwenda ho nimugomolenyi. Mukawawulaga i wawizi wenyu, mukehwana nhe simba yono yisagahaye muno.

Malaki 4:1

U Muwaha Mulungu we mihanga yakutya, “Lizuwa likuza lyono i wanhu we cibede, hamonga ne wanhu wabi, wolotakamizwa nhe mahanze. Mwi'zuwa lilyo, wene wolotakamizwa. Hamba si wolosigazizwa na cinji co cose.

Matayo 5:12

Musecelele, kanyhi muwe musangalaye, hambi nha mwina wuhumbilizwe wenyu wuwaha ku wulanga. Hambi nha vivyo nha vyo wanhu wawagaza i wawizi wono wamulongolelenyi.

Luka 1:41

Kukawa Elizabeti yali yeza kuhulika du wulamuse wa Malyamu, mwana yakedawala na nyemo mu'nda yakwe. Nayo Elizabeti yakamemywa Muhe Mono Yelile,

Luka 1:44

Nghukulonjela vyono, neza hulika du lizi lyo wulamuse wako, u mwana kawa kwidawala na nyemo mu'nda yangu.

Luka 6:35

Vyo si yinha, ninga muwendaje walugu wenyu, muwatendelaje viswanu, mweze kuwakopesa, kuno si mukulanjilila kugomolelwa. No wuhumbilizwe wenyu wowa wuwaha, nanye mowa wana wo Mulungu Mono Yalawiliciye Muli Vyose: hambi mwene nha muswanu kuli wono wasina lilumbo na kuli wabi.

Metumo ge Watumwa 14:10

yakalonga ne'zi iwaha, yakutya, “Winuce wime wima.” Nayo yuyo mono yali yali citewe, yakenuka musunho, yakanza kujenda.

Metumo ge Watumwa 3:8

Yakazumha, yakema, yakanza kujenda; vikenjilana hamonga nawo mu Nyumba yo Mulungu, yakujenda, yakuzumhazumha, akuno yakumulumbo Mulungu.

Metumo ge Watumwa 5:41

Watumwa wakalawila hanze ye libalaza wasangalaye, vyono wejela wanojeye kukozwa cevu ku soko ye litagwa lya Yesu.

Walumi 5:3

Kanyhi si nhavivyo du, ninga cikusangalala nhavivyo sunga na mu magayo, akuno cimanyile vyono imagayo galetaga wukangalile,

2 Wakolinto 12:10

Holeka nyheye kanyhi nyendezwe du, hono mu wusocele, mu wubedegalwe, mu wugaye, mu wuwinjilizwe, na mu magazo ku soko ya Kilisito, hambi lono nili musocele, nha ho nghuwela nili vilungo.

Wakolosayi 1:24

Alu nghusecelela mu matamiso gangu so nyenye, hambi nha ku soko ye magayo gangu ga baha hono yinze, nghumemeleza cono cali cicepuce mu magayo ga Kilisito ku soko yo muwili wakwe, likanisa.

2 Timoteyo 2:12

Na hono cijendelele no wukangalile, ale, colotemana nayo nhavivyo. Ninga hono cimukane, ale, kolocikana nayo nhavivyo.

Wahebelaniya 11:26

Yakamanya vyono, ku wutuga magazo ku soko ya Kilisito, ko cili cambuzi ciwaha muno muno, si nho u wugoli wose wa mu Misili, hambi nha yali yalanjiliye u wuhumbilizwe wa hanyuma.

Wahebelaniya 11:6

Holeka si yosumika kumwendeza u Mulungu hono hasina wihuwilo. Vyono u munhu wo wose mono yakusaka kumwendeza u Mulungu, yimunojeye yehuwile vyono u Mulungu yali baho, na kanyhi vyono u Mwene kawakamisaga wose wono wakumulondola.

Yakobo 1:2

Wandugu zangu, muweze na nyemo kolo mukuzizwa ne majelo ganji ganji,

1 Petelo 4:13

Langa musangalale vyono mukuhanga imagazo ga Kilisito, ho musume kuwa na nyemo mbaha muno muno mwidaha lono ulukumyo lwakwe lukugubulwa.

Wugubule 2:17

“Mono yena makutu go kuhulicila, yazihulikaje zono u Muhe yakugalonjela i Makanisa! ‘Nawo wono wosuma, nowapela ayilya mana yono hundikwe. Kanyhi nowapela yibwe yidodo yizelu lyono lyandicigwe yitagwa yipya, lyono munhu yunji sikosuma kulimanya, langa wawo du wono wolibocela.’ ”

Wugubule 2:26

“Wono wosuma no kukamisa sunga ko ku ndumo, hamonga no kwituma zo wuhile wangu, wawo nowapela wulajilize muli makungugo.

Wugubule 2:7

“Mono yena makutu go kuhulicila, yazihulikaje zono u Muhe yakugalonjela i makanisa! ‘Nawo wono wosuma, nowapela i ling'ani yo kulye mana go mubici wo wumi, wono wuli mu mugunda wo Mulungu.’ ”

Wugubule 21:7

Nayo munhu wo wose mono kosuma, yuyo kopegwa cino nane nowa Mulungu wakwe, nayo kowa mwanangu.

Wugubule 3:12

“Wono wosuma, nowanoza wawe masumbili mu Nyumba yo Mulungu wangu, nawo hamba si wolowucila lukulu mumo. Kanyhi nokwandika muli wene litagwa lyo Mulungu wangu, ne litagwa lye likaya lyo Mulungu wangu, yo Yelusalemi yimhya, i likaya lyono lyotima kulawa ku wulanga ko Mulungu wangu. Kanyhi nokwandika ilitagwa lyangu yipya muli wene

Wugubule 3:5

“Nawo wono wosuma, wovwikwa vivwalo vizelu nhavivi. Nane hamba si nogapatila lukulu i matagwa gawo mu citabu co wumi, kanyhi nowavumilila hali Baba na hali wamalayika wakwe, vyono wangu.