Luka 5:8 - Luganuzi Luswanu Kuli Wanhu Wose 2002

⁸ Simoni Petelo yaza kuziwona zizo, yakafugama hamwande ya Yesu, yakutya “Wuwuce hono hangu, Gwe Muwaha, hambi ane nha nili munhu mubi.”

I CILAGANE CIPYA 1991

⁸ Simoni Petelo yaza kuziwona zizo, yakafugama hamwande ya Yesu, yakutya “Uwuce hono hangu, Gwe Muwaha, hambi ane nha nili munhu mubi.”

Luka 5:8 ပူးပေါင်းရင်းမြစ်များ

2 Samwili 6:9

Hobaho Dawudi, yakawa kumogopa Muwaha Mulungu, yakawa kutya, “Alu ho nosuma nhawule kulisola Lisanduku lye Cilagane?”

1 Watemi 17:18

Mucekulu mufwile yakamulonjela Eliya yakutya, “Gwe go munhu wo Mulungu, alo nhawule kunhendela nhavivi lo? Kunyiziza lo, u wubi wangu ho wukumbucilwe no Mulungu, wumbulajile mwanangu?”

Jobu 40:4

Ane si nosuma kwijelela kulonga hamba nghani yinji yaye,

Wutuluce 20:19

Wakamulonjela Musa wakatya, “Gwe Musa, agwe yo gwegwe du mono weze kulongana nase, nase cokuhulika du, ninga Muwaha Mulungu yalece kulongana nase, ho cilece kufwa.”

Isaya 6:5

Nane hobaho nghawa kutya, “Woyi hee! Nha najilila! Hambi nghani zose zono nongaga mu mulomo wangu, nha ziwezaga 'mbi du, nane cikalane hamonga ne wanhu wono wekalaga wakulonga makani mabi du. Ninga nane luno ho nakondya kumuwona Mutemi, u Muwaha Mulungu we mihanga!”

Matayo 17:6

Nawo i wejizwa wali weza kuzihulika zizo, wakagwa gubama, akuno wakogopa muno muno.

Matayo 2:11

Hobaho wakawa kwinjila mu nyumba, wakamuwona u mwana yuyo, yali hamonga no nyina Malyamu, wakawa kufugama, wakamuhemba. Waza kukondya, wakawa kuwopola izisawo, wakawa kulavyaniza ivipegwa vyawo, wakawa kumupela zahabu, wubani ne manemane.

Matayo 8:8

U muwaha yuyo yakamutya Yesu, “Muwaha, ane hamba si nghwiliye, ho agwe wusume kwinjila mu nyumba yangu. Ninga agwe wulonje nghani du, no mwitumami wangu kopona.”

Luka 5:7

wakawacema wayawo wono wali mu ngalawa yinzagwe, waze wawataze, nawo wakaza, wakazimemya zisomba mu zi ngalawa zose vyono nyejete, sunga zikawa behi no kudodomela.

Luka 5:9

Simoni hamonga ne wayagwe wose, wezina ku soko yo wunimule we zisomba nyinji nhavivilya.

Yohana 11:32

Nayo Malyamu yaza kufika hono hali ho yuli Yesu, yaza muwona, yakafugama, yakamutya, “Muwaha mhali wali wuwe wuli baha, ulumbu lyangu si yali yafwe ng'o.”

1 Wakolinto 13:12

Cono cikuciwona alu cinha futa du mwi'lole, ninga baho hanyuma langa, ho colowona viswanu ciwonelela. Aluno manyile hadodo vivi du, ninga baho hanyuma langa, ho nolomanyila zose lukulu, nha vyono u Mulungu nayo yamanyile ane.

Wugubule 1:17

Holeka nane naza kumuwona du, hobaho nghagwa ha magulu gakwe nha fwiye. Ninga mwene yakanjeleka muwoko wakwe wo kulume, yakatya, “Wulece kogopa! Ane yo nene wo Mwamulizo na wo Mudumo.

Walamuzi 13:22

Manowa yakamulonjela mugolece wakwe yakamutya, “Mbeka 'lu cofwa, ku soko cewona no Mulungu.”

1 Samwili 6:20

Holeka i wanhu wa Bete-shemeshi wakatya, “Nani 'mbi kanyhi mono kosuma kwima hali Muwaha Mulungu yuyu, u Mulungu mono yelile? Alu hamba cimutegule hayi, ho yawuce kono kwetu?”