Luka 5:26 - Luganuzi Luswanu Kuli Wanhu Wose 2002

²⁶ Wose wakezina no kwibatwa no woga, wakamukumya Mulungu, wakutya, “Nye, ciwona mezino zuwali!”

I CILAGANE CIPYA 1991

²⁶ Wose wakezina no kwibatwa no woga, wakamukumyo Mulungu, wakutya, “Nye, ciwona mezino zuwali!”

Luka 5:26 ပူးပေါင်းရင်းမြစ်များ

Yelemiya 33:9

Naho ha Yelusalemi, holowa wo mwamulizo wo wusangalale, ne cogopo, hamonga no lukumyo ku soko yangu. Ne makungugo gose ga mono'nze, golokwinjilwa no woga no kucicima, kolo gakuzihulika ziswanu zose zono nghuwatendela i wanhu wa Yelusalemi, hamonga no wumoteswe wono nghuliletela likaya.”

Hoseya 3:5

Ninga cipango cikuza cono Waisilayeli wolomuwuyila kanyhi Muwaha Mulungu, u Mulungu wawo, no lulelo lwa Dawudi mutemi wawo. Nawo wolomogopa Muwaha Mulungu, u Mulungu wawo, no kubocela vipegwa vyakwe viswanu.

Matayo 12:23

Ilipuga lyose lye wanhu, likezina muno muno, no kutya, “Ati, Wulenyi, alu yuyu mbeka yadahile kuwa Mwana wa Dawudi?”

Matayo 28:8

I wacekulu wawo, nawo akuno wena no woga, hamonga ne nyemo mbaha, wakawuka mbela mbela ha citenjelo, wakamangha, wakabita wakawalonjela i wejizwa wakwe.

Matayo 9:8

Ne wanhu wose wono wali wali mwi'puga lilyo, waza kuziwona zizo, wakezina muno akuno wakogopa, wakamukumya u Mulungu mono yawapelile wanhu ivilungo vinha vivi.

Maluko 2:12

Ne wanhu wose lono wali wakali wamulanjile, u munhu yuyo yakenuka lwa kamonga yaketwika i citanda cakwe, yakawa kubita.

Luka 1:65

Woga wukawebata wose wono wali wekaye behi nawo, na zizo zose zikahulikwa kose mu matunda ga Yudiya.

Luka 5:8

Simoni Petelo yaza kuziwona zizo, yakafugama hamwande ya Yesu, yakutya “Wuwuce hono hangu, Gwe Muwaha, hambi ane nha nili munhu mubi.”

Luka 7:16

Wanhu wose wakebatwa no woga, wakamulumba u Mulungu, wakutya, “Muwizi muwaha kalawila mwetu; no Mulungu kaza kuwakomboza wanhu wakwe.”

Luka 8:37

Ne wanhu wose we yisi ya Wagelasene wakebatwa no woga wuwaha, holeka wakamunena Yesu yawuce, yabite. Nayo Yesu yakenjila mu ngalawa, yakawuka.

Metumo ge Watumwa 4:21

Nawo wawo iwanyamhala wo Mukung'ano waza cila kuwogofya, hanyuma wakawaleka. Hambi nha si wayiwona yo kuwatamisiza, hambi wanhu wose nha wamukumyaga Mulungu, so nghani yiyo yono yanozeka.

Wagalatiya 1:24

Nawo wakamukumya u Mulungu ku soko yangu.