Luka 5:19 - Luganuzi Luswanu Kuli Wanhu Wose 2002

¹⁹ Ninga so winji we wanhu, si watuga nzila yo kwinjilila, holeka wakapula mwi'tembe, wakamutimizya mutamwa mwi'langa, hamonga ne citanda cakwe sunga ho hali Yesu.

I CILAGANE CIPYA 1991

¹⁹ Ninga so winji we wanhu, si watuga nzila yo kwinjilila, holeka wakapula mwitembe, wakamutimizya mutamwa mwilanga, hamonga ne citanda cakwe sunga ho hali Yesu.

Luka 5:19 ပူးပေါင်းရင်းမြစ်များ

2 Samwili 11:2

Na mwi'zuwa linji mapango ge cinyamihe, Dawudi yakenuka mu citanda cakwe, yakabita mu canyha ye litembe lye nyumba yo wutemi. Na lono yajendajendaga mumo mwi'tembe, yalanje nhavi, yakawona mucekulu yakwihovuga. No mucekulu yuyo ku wulangwe mbeka yali muswanu muno muno.

Yelemiya 19:13

Ne zikaya zose za Yelusalemi, ne zikaya zose ze watemi wa Yuda, du ne zikaya zose, zikaya zono zafusiswaga wuvumba kuli zinyelezi, hamonga ne hanhu hono halavizwaga i vilavywa vye divayi, ku soko yo kuyilavizya milungu yinji. Wawo wose wokwihwana ne Tofeti i nyavufywe.”

Matayo 10:27

Na yono nghumulonjelelenyi mu wutitu, anye muyilonjelaje hazelu, ne nghani yono mukuyihulika yikupwepwa, anye muyanzalikaje cagalanze.

Matayo 24:17

Nayo mono yali mucanyha ye litembe lye nyumba yakwe, yalece kutimila lukulu, ho yasole ivinhu vyakwe, vyono vili mu nyumba yakwe.

Maluko 2:4

Ku soko yo winji we wanhu, siwasuma kumutegula behi na Yesu. Holeka wakapula mwi'tembe hono hali hoyali Yesu. Wali waza kondya kutuga hanhu ho kumukozeza, wakamutimya munhu yuyo mono yali yagonile mu citanda.

Wukumbucize wo Wulajilize 22:8

“Na lono wukuzenga kaya yako mhya, wuyipilimyaje litembe lyayo ne cicitizo. Ho wulece kwiletela wuhoswe go mweneco, hono munhu yagwe ku wulawa mwi'tembe, yafwe.

1 Samwili 9:25

Na lono watenenhukaga wakulawa ha wuhembelo, lono wakubita ku cikaya, wakamutandicila Sawuli citanda mwi'tembe mucanyha. Nayo Sawuli yakagona baho.