Luka 4:23 - Luganuzi Luswanu Kuli Wanhu Wose 2002

²³ Yakawatya, na lunji mononjela nghani yiyi, “Go muganga, wilagule go mweneco, na kanyhi motya, ‘Muli zose zono cahulika wukwituma ku Kapelanawumi, wuzitumaje na baha kanyhi mwitumbi lyako.’ ”

I CILAGANE CIPYA 1991

²³ Yakawatya, na lunji mononjela nghani yiyi, “Go muganga, wilagule go mweneco,” na kanyhi motya, “Muli zose zono cahulika wukwituma ku Kapelanawumi, uzitumaje na baha kanyhi mwitumbi lyako.”

Luka 4:23 ပူးပေါင်းရင်းမြစ်များ

Matayo 13:54

yakawa kubita ku yisi yakwe. Nako kuko yakawa yakuwejiza wanhu mu nhang'anilo yawo yo wuhembelo, sunga ne wanhu wakezina muno muno, wakatya, “Alu mwene nye, yuyu kagatuga hayi i mahala gaga, sunga ne mezino?

Matayo 4:13

Yakawuka ku Nazaleti yakabita ku Kapelanawumi, i likaya lyono lyali lili ha mwejelele we lilamba lya Genesaleti, mu mipaka ye zi'si za Zabuloni na Nafutali, yakekala kuko.

Matayo 4:23

Yesu yapilimaga mose mu yisi ya Galilaya, yakwijiza mu matang'anilo go wuhembelo, no kuluganula u Luganuzi Luswanu lo Wutemi wo Mulungu. No kuponya i mawala gose go wutamwa no wunyenyanjice wa muli wanhu.

Maluko 6:1

Yesu yakawuka baho yakabita ku citumbi cakwe, ne wejizwa wakwe wakamutyatya.

Luka 2:39

Nawo walezi waza kondya kufisiliza zose za mu wulajilize wo Muwaha, wakawuya kwawo ku Nazaleti mu yisi ya Galilaya.

Luka 2:51

Hodu, yakawuya nawo sunga ku Nazaleti. Yakawa ne cihuliko kuli wene. U nyina yakazikamisa zinghani zizi zose mu nhumbula yakwe.

Luka 4:16

Yesu yakabita ku Nazaleti kono yawilucila, yakenjila mu nhang'anilo yo wuhembelo mwizuwa lye sabato nha vyono yali yazoweye, yakema yasome Mandiko Gono Gelile.

Luka 4:31

Hanyuma Yesu yakabita kwitumbi lya Kapelanawumi, mu yisi ya Galilaya yakawa kuwejiza mwizuwa lye Sabato.

Luka 4:35

Ninga Yesu yakalitacila yakutya, “Nyamale, wuwuce muli munhu yuyo.” Ne licisi lyaza kumubamiliza hasi, haciligati yawo, likawa kuwuka muli munhu yuyo, hamba kumutamisa yaye.

Luka 6:42

Hamba kosuma nhawule kumutya nduguyo, ‘Ndugu yangu, leka ta nghuwuse i cilagala cono cili mu liso lyako, na akuno si wukulanga libici lyono lili mu liso lyako go mweneco?’ Go mukoci 'gwe, wamule kuwusa libici lyono lili mu liso lyako, ho kosuma kuwona viswanu no kusuma kuwusa icilagala cono cili mu liso lyo nduguyo.”

Yohana 4:28

Yuyo mucekulu yakayileka njilo yakwe baho, yakabita ku mujini, yakawalonjela wanhu yakutya,

2 Wakolinto 5:16

Holeka ku wulawa lulu, ase si comumanya munhu wo wose mu nzila ye cimunhumunhu. Hamba yiwe camumanyila Kilisito mu nzila ye cimunhumunhu, ninga alu si nhavivyo kanyhi.