Luka 4:18 - Luganuzi Luswanu Kuli Wanhu Wose 2002

¹⁸ “U Muhe wo Muwaha yali muli nene Kasiwanula, ho niwaganulile waciwa Luganuzi Luswanu, Kanhuma niwalonjele wono wafunjigwe, nha vyono wowopolelwa, Ne wabofu, vyono wowona kanyhi,

I CILAGANE CIPYA 1991

¹⁸ “U Muhe wo Muwaha wuli muli nene Kasiwanula, ho niwaganulile waciwa Luganuzi Luswanu, Kanhuma niwalonjele wono wafunjigwe, nha vyono wowopolelwa, Ne wabofu, vyono wowona kanyhi,

Luka 4:18 ပူးပေါင်းရင်းမြစ်များ

Mwamulizo 3:15

Nane nowika wisule hagati yako no mucekulu yuyu, na hagati yo lulelo lwako no lulelo lwakwe, wowa wali wulugu. Lolokutijinha u mutwe, nagwe kolomuluma mu cising'anilo.”

2 Zinghomo 34:27

na kanyhi vyono kunena, kanyhi kuwa kwinenenyheza hali 'ne, kuwa kuwulajila wunene wako, mu nzila yo kudemulanga vivwalo vyako. Kuwa kulila, weza kuhulika nha vyono noyilipiciza Yelusalemi, hamonga ne wanhu wayo. Holeka nane lu, no Muwaha Mulungu, u Mulungu wa Isilayeli, niwuhulika wulombe wako.’

Zabuli 102:20

Yakacihuliciza cililo ca wono wafunjigwe, yakawawopolela wono wali waling'anizwe kufwa.

Zabuli 147:3

Yakuwaponya wono wadejepe zinhumbula, no kuziwopa zinghomele zawo.

Zabuli 2:2

Watemi wa mononze wakwiwikaniza, wawaha nawo wakwiheha hamonga, ho wamubedegale Muwaha Mulungu, hamonga no mwitilwa mafuta wakwe muhagulwa!

Zabuli 2:6

“Namutemya mwitilwa mafuta wangu, yatemile ku Sayuni, litunda lyangu lyono lyelile!”

Zabuli 34:18

U Muwaha Mulungu yali behi na wose wono wena mahwele, kawaponyaga wose wono wasina witumbilo.

Zabuli 45:7

Agwe mbeka wendile wiling'ano, ninga si wendile wubi, na ku soko yiyo, holeka Mulungu, u Mulungu wako yakakuhagula, nayo yakakujidila nyemo mbaha muno kuciza wayago.

Zabuli 51:17

Langa cilavywa cangu kuli'gwe go Mulungu, yo nhumbula du yono yidejepe, hambi 'gwe go Mulungu, nha si kulemaga nhumbula yono yidejepe na ye cihuliko.

Isaya 32:3

Ne meso gawo golowa gawalanjile wanhu, nago makutu gawo golowa gahulicize, ho gahulice visakwa vye wanhu.

Isaya 35:5

Ne wabofu wolonuguzwa meso, wawone, nawo we ciziwi, wolosuma kuhulika.

Isaya 42:7

Nagwe kowanuguza meso i wabofu, kanyhi kowawopolela wose wono wekaye mu wutitu mu jela.”

Isaya 45:13

Ane yo nene mono namusagahiza Kulo ho yawufisilize wuhile wangu yaziwice zose mu mugoloka. Nane nozigolosa zinzila zakwe zose mono kowa kukola. Mwene yo kololizenga kanyhi likaya lyangu lya Yelusalemi. Nayo kowawika welecele i wawingwa wangu wose, nayo hamba si kolopegwa malipo yaye, hamba cihumbilizwa co cose ho yetume zizo.” Vyo yakutya u Muwaha Mulungu.

Isaya 49:9

Nane lulo nolowalonjela wono wali mu jela nitye, ‘Ale, muwuce mubite, mwakondya kuwopolelwa!’ Nawo wono wali mu wutitu, nolowalonjela nitye, ‘Ale, nanye muwuce mulawile ku wuzelu!’ Hambi nha wolowa wenha zingholo zono zikudima mu matunda,

Isaya 50:4

Nayo Muwaha Mulungu nha yanyijiza zono nolonga, ho sume kuwasikamya wono wakataye muno. Nhondo zose hakali mitondo, kanozaga niwe muhidimbazi kuzihulika zono yakunyijiza.

Isaya 57:15

“Hambi ane, nha yonene u Mulungu mono yelile, mono nikalaga cibitilila. Nikalaga i hanhu hono henuce na hono helile. Ninga hamba nhavivyo, nikalaga hamonga ne wanhu wenenenyhezi, kanyhi wono wakondizye kunena. Ho niwasikamye vilungo vyawo vya mu nhumbula, hamonga no witumbilo.

Isaya 59:21

Hambi nha nakondya kunoza cilagane nanye. Nane nakondya kumujidilenyi muhe wangu, nghamwijizenyi ne mejizo gangu ho gawe muli'nye cibitilila. Holeka ku wulawilila lulu, munojeye muhulice'ne, kanyhi muwejize ne wana wenyu hamonga ne zindelo zenyu, vyono wose wanojeye weze ne cihuliko kuli'ne ku wulawa lulu sunga cibitilila.”

Isaya 61:1

Muwaha Mulungu, kamemya'ne no muhe wakwe. Kasiwanula ho niwaganulile luganuzi luswanu i waciwa, niwaponye wono wadejepe mu nhumbula niwanzize zo wulecelwe wawo awalya i wahamywa, no wulecelwe wa kuli wafungwa mu jela.

Isaya 66:2

Nha yo nene mono nayiwumba yinze yose! Kanyhi mono nendezwaga ne wanhu wono wanenile, kanyhi wenenenyhezi, wono wanyogopile, wena ne cihuliko kuli'ne.

Ezekiyeli 9:4

“Alu, wubite wukole muciligati ye likaya lyose lya Yelusalemi, wukawawicile vitanjilo mu vihanda vyo wusu wawo, wanhu wose wono wakuwona wusungu no kugazika mu zinhumbula zawo, ku soko ye makani ge mawifyo gono getumwagwa mwi'kaya lili.”

Danyeli 9:24

“Mu myaka makumi mupunghati kali mupunghati, wo wutali we cipango cono Mulungu yaciwika, co kuwimila wubi, hamonga ne masutya, muli wanhu wako na mwi'kaya lyako lyono lyelile. U wubi wolonenelwa, ne ling'ani ye cibitilila yolotema. Na mwi'pango lilyo, u wugubulilwe hamonga no wuwizi, ho vilawa vya mbeka. Ne Nyumba yo Mulungu nayo, yilasiwanulwa.

Zefaniya 3:12

Nane nolowaleka baho i wanhu wenenenyhezi ne waciwa, wono wokuza kulondola wutazi kuli'ne.

Zakaliya 11:11

Hobaho cilagane cici cikawa cabeneka mwi'zuwa lilyo. Awalya wono wagulaga no kuguza zingholo, wali wananjiliye, nawo wakamanya vyono u Muwaha Mulungu yalongaga nawo mu nzila ya zizo zono nazitumaga.

Malaki 4:2

Ninga kuli'nye mono muhulicile 'ne, i vilungo vyangu vye mhonelo, vyolomulawilenyi nhe'zuwa, no kumuletelenyi mhono, nhe nyhenjezi ye lizuwa. Mowa muli welecele, akuno musangalaye, kotya nyehe ndigulile mu wulawa mwi'kumbo.

Matayo 11:5

vyono i wabofu wakuwona kanyhi, we vitewe nawo, wakujenda, nawo wono wena wukoma, wakwezwa, na we ciziwi nawo wakuhulika, kanyhi sunga na wono wafwiye, nawo wakuzukulwa, ne waciwa nawo wakuganulilwa u Luganuzi Luswanu.

Matayo 12:18

“Langa ta, ayu yo mwitumami wangu mono nimuhaguye, u mwendece wangu mono yakunyendeza mu nhumbula yangu. Nane nowuwika u Muhe wangu muli mwene, nayo koganula ze ning'aniza yangu kuli wanhu wose.

Matayo 12:20

Ilidete lyono libinuce, si kolibena yaye, hamba si kowuzimya u wutambi wono wukulawa lyosi, sunga kolo yakondya kuyitemya i ning'aniza ye ling'ani.

Matayo 4:16

Iwanhu wono wekalaga kutitu alu wawona u wuzelu wuwaha. Na walya wono wekalaga mu yisi nhitu ye lifwa, na mu muzizi we lifwa, alu wuzelu wuwabulilila!”

Matayo 5:3

“Wamoti wono wakwiwona nha waciwa hali Mulungu, hambi u wutemi wo Mulungu nha wawo.

Luka 4:17

Yakapegwa citabu co muwizi Isaya, yakacigubula hanhu hono hali handicigwe nhavi,

Luka 6:20

Yesu yakawapitucila wejizwa wakwe yakatya, “Muli wamoti nyo waciwa: hambi wutemi wo Mulungu nha wenyu.

Luka 7:22

Yesu yakawapitula yakawatya, “Mubite mukamulonjele Yohana zono muwene na zono muhulice; i wabofu wakuwona, wono wali citewe wakujenda viswanu, wono watamigwe wukoma wakukwemwa, ne waciwa wakuganulilwa u Luganuzi Luswanu.

Yohana 1:41

Andeleya yakamula kumulondola u muwahawe Simoni, yakamutya, “Cimuwona Mesiya” (nhunizo yayo Kilisito.)

Yohana 12:46

Ane naza, ho niwe wuzelu kononze, muli wose wono wonyihuwila, walece kwikala mu wutitu.

Yohana 3:34

Hambi mono yatumwa no Mulungu, nha yo kalongaga zinghani zo Mulungu, hambi u Mulungu nha yakumupela munhu yuyo Muhe wakwe wusina cipimo.

Metumo ge Watumwa 10:38

Yo Yesu wa Nazaleti, mono mumumanyile vyono u Mulungu yamwitila Muhe Mono Yelile ne vilungo. U Mulungu yali yali hamonga nayo, umwene yakola ako na ako yakwituma viswanu, no kuwaponya wose wono wagazagwa na Setani.

Metumo ge Watumwa 26:18

Kowabunzulula i meso gawo, ho wasume kuwuka ku wutitu, ho wapitucile kuzelu, wawuce mu vilungo vya Setani, wamupitucile Mulungu, na so wihuwilo, ho watuje wunenelwe wo wubi, ho watuje wuhazi, hamonga na walya wono wakondya kuwa wanhu wo Mulungu.’

Metumo ge Watumwa 4:26

Iwatemi we yinze wakewikaniza, Ne wawaha wakekonghola hamonga, Ho wamuleme Muwaha na Kilisito wakwe.’

Metumo ge Watumwa 4:27

“Kwaco mbeka, Helode na Pontiyo Pilato, wena ne wanhu wono si Wayahudi, ne zimhuga za Isilayeli, nha wekongholela baha mu kaya yiyi ku soko yo mwitumami wako mono yelile, Yesu mono wamunoza yawe Kilisito.

Wakolosayi 1:13

U Mwene yacikomboza mu wulawa mu vilungo vye citi, yakacileta cipolile mu wutemi wo Mwanagwe u mwendece,

Yakobo 2:5

Wandugu zangu, wendece, hulicizenyi ta! U Mulungu yakondya kuwahagula iwanhu waciwa wa mu yinze yiyi, ho wawe wagoli wo wihuwilo, kanyhi wawubocele wutemi wono yawatemezeza wa walya wono wamwendile.

1 Petelo 2:9

Ninga anye muli ndelwa hagulwa, iwakohani wo Mutemi, inghungugo yono yelile, i wanhu wo Mulungu mweneco, mono muhaguywe ho mwanze ze metumo mawaha go Mulungu mono yamucemenyi kulawa ku wutitu, yakamwinjizenyi mu wuzelu wakwe wo kwizina.