Luka 3:11 - Luganuzi Luswanu Kuli Wanhu Wose 2002

¹¹ Yakapitula yakawatya, “Mono yena misweko myejete, yamugawile muyagwe mono yasina, na mono yena ndigwa, yatende nhavivyo.”

I CILAGANE CIPYA 1991

¹¹ Yakapitula yakawatya, “Mono yena misweko myejete, yamugawile muyagwe mono yasina, na mono yena ndigwa, yatende nhavivyo.”

Luka 3:11 ပူးပေါင်းရင်းမြစ်များ

Ezekiyeli 18:7

Hamba si yamukonya munhu, langa yamulipa viswanu mono yamudayaga, hamba si yamuboka yunji sawo yakwe kwe vilungo. Kanyhi yawe yakuwalisa wono wadabuce, no kuwapela vivwalo wono wasakaze.

Danyeli 4:27

Holeka Gwe mutemi, nghukunena wibataje nghani yangu yono nghukupela, nghutya nhavi, ‘Wulecele lukulu kwituma wubi, langa wanze kwituma ze ling'ani, kanyhi weze kuwawonela lusungu i waciwa.’ Baho ho kojendelela kwikala viswanu hamonga ne nyemo mu vilo vyose vyo wikale wako.”

Matayo 25:40

Nayo u Mutemi kowapitula yawe kutya, ‘Mbeka nghumutyenyi, vyono co cose cono mwamutendela yumonga wa muli wawa i wandugu zangu wadodo, ale, mwanhendela nene.’

Luka 11:41

Muwapelaje waciwa vinhu vyono vili mugati; na vinji vyose, vyowa vili ling'ani kuli'nye.”

Luka 18:22

Nayo Yesu yaza kuzihulika zizo, yakamutya, “Wukali wanjiye nghani monga du; wuguze vyose vyono wina navyo, wukawagawile waciwa, nagwe kowa na sawo ku wulanga; hanyuma ho wuze wunhyatye.”

Luka 19:8

Ninga Zakayo yakema, yakamulonjela Yesu, yakamutya, “Lanje ta, Muwaha, Nusu ye sawo yangu nowagawila waciwa; na hono niwe namusolela yunji cinji ko wusugu, nomugomolela mwi'walo lilyo kali kane.”

Yohana 13:29

Ninga ku soko vyono Yuda yo yatunzaga u mufuko we zipesa, holeka wanji wakehwesa vyono, kowa Yesu yamulonjelaga yakagule vyono vikusakwa so sikukuu, hamba lunji yamulonjelaga yalavye cinji kuli waciwa.

Metumo ge Watumwa 10:2

yali munhu mwihuwilwa, u mwene hamonga na wa mu nyumba yakwe wose, wali wehuwilwa na kanyhi wali wogopo Mulungu, nayo yetuma zi nyinji, ko kuwataza iwaciwa we Ciyahudi, kanyhi yali yendile kumulomba u Mulungu nhondo zose.

Metumo ge Watumwa 10:31

yakatya, Kolineliyo, Mulungu kawubocela wulombe wako, hamonga ne vilavywa vyako kuli waciwa.”

Metumo ge Watumwa 10:4

Nayo Kolineliyo yakamunugulila meso yuyo Malayika kuno yakogopa, yakatya, “Alo ko cilici Muwaha?” Nayo Malayika yakamutya, “Mulungu kawubocela wulombe wako, hamonga no wulavye wako kuli waciwa.

Waefeso 4:28

Mono yali muhizi, yalece kuhiza kanyhi, langa yanze kwituma i milimo miswanu kwe miwoko yakwe, ho yatuje cinhu co kumutuziza u muciwa.

1 Timoteyo 6:17

Wuwalonjelaje iwanhu wagoli we vinhu vye mikalile ya lulu, walece kwidunhumula, hamba kuwika u witumbilo wawo mu sawo yono siyidahile kwitumbilwa, langa wamwitumbilaje Mulungu, mono ko wuswanu wakwe, kacipela i vinhu vyose civisangalalile.

1 Timoteyo 6:18

Wuwalonjelaje wetume viswanu, wawe wagoli mu metumo maswanu, kanyhi wawe wacemezi, wono wewikanize mu wuhanga ne wanji zisawo zawo.

Wahebelaniya 6:10

Hambi u Mulungu nha si kawezaga yasina ling'ani, u mwene si kowusemwa mulimo wenyu wono mwetuma, hamba u wendo wono mwawulajila ku soko ye litagwa lyakwe, mu witumami wenyu wono mwawetumamila, na vyono sunga na lulu mukali mukuwetumamila i wanhu wakwe.

Yakobo 1:27

Hambi dini yono yelile, na yono yisina manamha manamha ha mwande yo Mulungu u Sogo yo munhu, nha yoyi: Kuwataza wana wono wasina walezi wawo, ne wacekulu wafwile mu wugaye wawo, no kwiyilanjilila go mweneco ho wulece kutipizwa ne yinze yiyi.

Yakobo 2:14

Nye wandugu zangu, alu kocili cambuzici, hono munhu yatye yena wihuwilo, ninga kuno ho siyakulajila imetumo gayo? Alu wuwo wihuwilo wosuma kumuponya wule?

1 Yohana 3:17

Holeka munhu hono yawe yena zisawo za baha mononze, na hanyuma yamuwone nduguye yali mu wugaye, ninga ho yawe na nhumbula nghamu hamba kumuwonela lusungu ng'o, alu kosuma nhawule kutya yamwendile Mulungu?

1 Yohana 4:20

No munhu hono yatye vyono yamwendile Mulungu, akuno ho yamusulile nduguye, ayo yuyo mulambi. Vyono munhu mono si yamwendile nduguye mono yakumuwona ne meso, si kosuma kumwenda Mulungu mono si yakumuwona kwe meso.