Luka 24:41 - Luganuzi Luswanu Kuli Wanhu Wose 2002

⁴¹ Na lono wali wakali si wakwihuwila so nyemo no wizine, Yakawatya “Mwina cinji co kulya baha?”

I CILAGANE CIPYA 1991

⁴¹ Na lono wali wakali si wakwihuwila so nyemo no wizine, Yakawatya “Mwina cinji ca kulya baha?”

Luka 24:41 ပူးပေါင်းရင်းမြစ်များ

Jobu 9:16

Hamba mhali yandece nongane nayo, si nihuwiye vyono yali yasume kuhuliciza.

Maluko 16:11

Ninga waza kuhulika vyono Yesu nha mumi, na vyono Malyamu Magadalena kamuwona, hamba siwehuwila yaye.

Maluko 16:13

Nawo wakabita wakawalonjela iwayawo. Nawo nhavivyo hamba siwehuwila yaye.

Maluko 16:14

Na ku ndumilizo, Yesu yakejela kuli wejizwa we likumi na monga, lono walizanaga ha meza. Nayo yakawatacila muno so wuleka kwihuwila kwawo, no wukamu we zinhumbula zawo, hambi nha siwawehuwila wawalya wono wamuwona lono yali yazuka.

Maluko 8:7

Kanyhi wali wena ne visomba vicefu. Nayo Yesu yakavilugutiza, yakalajiliza wavigawe kuli wanhu nhavivyo.

Luka 24:11

Nawo i watumwa wakaziwona nghani zizi kotya nha nzwaji du, holeka si wehuwila.

Luka 24:40

Yaza longa zizi, yakawalajila mawoko gakwe, ne magulu gakwe.

Luka 24:42

Wakamupela cibimha ca somba cinyanywe.

Yohana 16:22

Anye nanye mu cidaha cici, mwina wukalale, ninga nolomuwonenyi kanyhi, ne zinhumbula zenyu zolosecelela, ne nyemo yenyu, hasina mono yakumuwusizenyi.

Yohana 21:5

Baho Yesu yakawawuza, yakutya, “Alu wazelelo, mukali nebata hamba cinji hongo?” Nawo wakatya, “Heya, cikali nebata hamba cinji.”

Metumo ge Watumwa 12:14

Nayo yuyo muhinza yakalitanga lizi lya Petelo, yakasangalala muno, sunga yakaleka na zo wudigula mulango, umwene kanyhi yakawamanyhila kugati, yakawalonjela vyono Petelo yemile ha mulango hanze.