Luka 22:61 - Luganuzi Luswanu Kuli Wanhu Wose 2002

⁶¹ U Muwaha Yesu yakapituka yakamulanga Petelo. Nayo Petelo yakayikumbucila nghani yono yalonjelwa no Muwaha yono yamutya, “Zuwali lono nzogolo yowa yikali si nalila, kowa wakondya kunghana kali kadatu.”

I CILAGANE CIPYA 1991

⁶¹ U Muwaha Yesu yakapituka yakamulanga Petelo. Nayo Petelo yakayikumbucila nghani yono yalonjelwa no Muwaha yono yamutya, “Zuwali lono nzogolo yowa yikali si nalila, kowa wakondya kunghana kali kadatu.”

Luka 22:61 ပူးပေါင်းရင်းမြစ်များ

Jobu 33:27

Nayo ho kolonjela mwi'puga lye wanhu yawe kutya, ‘Ane nili mubi, ninga Mulungu kambonela lusungu du, hambe ane si netuma ze ling'ani yaye.

Ezekiyeli 16:63

Nane baho, ho nolomunenelenyi i masutya genyu gose gono mwetuma. Ninga anye molowa mugakumbuciye no kukolwa cevu, hamba no kulonga cinji kanyhi.” Vyo yakutya u Muwaha Mulungu.

Hoseya 11:8

“Nosuma nhawule kukuleka 'gwe Isilayeli? Nosuma wule kukutaga? Hamba si nosumila lukulu kukongomeza, nha vyono nayongomeza Adima. Hamba kukunozeza nha vyono nayinoza Zeboyimu? Nhumbula yangu siyonghombola ho nitume zizo! Hambi wendo wangu kuli'gwe, nha wuwaha muno.

Matayo 26:34

Yesu yakamutya “Petelo, ane nghukulonjela mbeka, vyono i cilo ce zuwalili du, lono i nzogolo yikali nalila, agwe kowa wanghana kali kadatu.”

Matayo 26:75

Nayo Petelo, hobaho yakazikumbucila izinghani zono yalonjelwa na Yesu yakumutya, “Lono inzogolo yikali nalila, agwe Petelo kowa wakondya kunghana kali kadatu.” Hobaho yakalawila kunze yakalila muno muno.

Maluko 5:30

Nayo Yesu yakamanya kamonga vyono vilungo vya muli mwene vyalawa. Hobaho, yakalipitucila lipuga lye wanhu, yakawuza, yakutya, “Alo nani mwene mono yamhamize i civwalo cangu?”

Luka 10:41

Ninga Muwaha yamupitula yakatya, “Gwe Malita, Malita, nhawule wukwigaza no kwihwelela ku soko ya vinhu vinji,

Luka 22:34

Yesu yakamupitula yakatya, “Nghukulonjela Petelo, zuwali lono nzogolo yowa yikali sinalila, kowa wakondya kunghana kali kadatu wukutya, si wumanyile ane.”

Luka 22:60

Ninga Petelo yakatya, “Go munhu 'gwe, si manyile zono wukulonga.” Na lulo baho du lono yali yakali kulonga zizo, nzogolo yikalila.

Luka 22:62

Baho Petelo yakalawila kunze, yakalila muno muno.

Luka 7:13

Nayo Muwaha yali yeza kumuwona mucekulu yuyo, yakamuwonela lusungu, yakamutya, “Wulece kulila.”

Luka 7:19

yakawatuma wabite kuli Muwaha wakamuwuze “Alu agwe! Yo yulya mono yakuza, hamba cimulanjilile yunji?”

Yohana 13:38

Yesu yakatya, “Wule, wiwikanize mbeka kufwa ku soko yangu? Mbeka nghukulonjela Petelo, Nzogolo yowa yikali sinalila, nagwe kowa wanghana kali kadatu, wukutya vyono si wumanyile'ne.”

Metumo ge Watumwa 5:31

Yuyo yo Mulungu yamwinula sunga ko ku muwoko wakwe wo kulume, yakawa Mulongola no Muponyi, yawapele wanhu Isilayeli u wunene, ho wanenelwe uwubi wawo.

Waefeso 2:11

Nanye mono ku cihuma cenyu, muli wanhu mono si muli Wayahudi, mono mukucemwa, “Wono si mwalame” ne Wayahudi wono wakiyitya “Walame” u walame wono wanozwa ne miwoko mu miwili yawo, ninga mukumbucile nanye vyono mwali katali.

Wugubule 2:5

Ale, wukumbucile vyono wali winha ha mwamulizo, lono wali wukali sinagwa, nalu lono wakondya kugwa! Holeka alu wunene wubi wako, witume nha vyono wali kwituma ha mwamulizo. Na hono wulece kunena no kuwuleka wubi wako, nokuza kuli'gwe, nowuwusa u wuwiko wako we tala hanhu hayo.