Luka 22:30 - Luganuzi Luswanu Kuli Wanhu Wose 2002

³⁰ Musume kulya no kung'wa ha wulilo wangu mu wutemi wangu. Nanye molokwikala mu magoda go wutemi mukuwaling'aniza i milango yikumi na myejete ya Isilayeli.”

I CILAGANE CIPYA 1991

³⁰ Musume kulya no kungʼwa ha wulilo wangu mu wutemi wangu. Nanye molokwikala mu magoda go wutemi mukugalingʼaniza makungugo ikumi na mejete ga Isilayeli.”

Luka 22:30 ပူးပေါင်းရင်းမြစ်များ

2 Samwili 19:28

Hambi nha wumanyile vyono, mhuga yose ya baba, nha wali wanojeye wose wawulagwa du hali'gwe. Ninga wikamhela ane ling'ani, yo kulya zindigwa hamonga nagwe ha meza yako. Holeka ane sina ling'ani ‘Gwe Mutemi, yo kujendelela kanyhi kulomba wuswanu wunji wono wucizize wuwo.’ ”

Zabuli 49:14

Kuli wene, lifwa yo mudimi wawo, lyono lyowategula sunga ko ku citenjelo, nhe zingholo zono ziwiciywe kuwulagwa. Nawo we ling'ani, wokwilumbila muli wabi, i miwili yawo yilawa yeza kuwola kuko ku yisi ye wafu, kutali muno ne zikaya zawo zono wali wekaye.

Matayo 19:28

Yesu yakawalonjela, yakatya, “Ane nghumulonjelenyi mbeka, vyono u Mwana wo Munhu yalaza kwikala mwi'goda lye nhojo, lyo lukumyo lwakwe, mu yinze yimhya, nanye mono mukunhyatya, molokwikala mu magoda yikumi na mejete, akuno mukuwaling'aniza we milango yikumi na myejete ya Isilayeli.

Matayo 5:3

“Wamoti wono wakwiwona nha waciwa hali Mulungu, hambi u wutemi wo Mulungu nha wawo.

Matayo 8:11

Holeka nghumulonjelenyi nha vyono iwanhu wenji wokuza, wakulawa kucilima na kumwezi, nawo wokwikala ha zindigwa mu wutemi wa ku wulanga, wena hamonga na Abulahamu na Isaka, na Yakobo.

Luka 12:37

Wowa wamoti wetumami wawo wono mutwa wawo kolo yakuza, yakuwagana wekaye meso, mbeka nghumutyenyi, yuyo mutwa wawo, kokwiwopa musipi mu ciwino, kowekaza wene ha zindigwa, no kuwetumamila.

Luka 14:15

Na yunji muyagwe na wono wali wekalane na Yesu ha ndigwa, yaza kuhulika zizi, yakatya, “Yo mumoti mono kololya ndigwa mu wutemi wo Mulungu.”

2 Timoteyo 2:12

Na hono cijendelele no wukangalile, ale, colotemana nayo nhavivyo. Ninga hono cimukane, ale, kolocikana nayo nhavivyo.

Yakobo 1:1

Nene Yakobo, umwitumami wo Mulungu, na wo Muwaha Yesu Kilisito, nghumwandicilenyi nyenye, nyo we milango yikumi na myejete, mono mwiyagaye kono'nze kose. Lamucenyi!

Wugubule 19:9

Nayo malayika yakanonjela yakutya, “Wuzandikaje azino, Wamoti wono wacemeywe ku zindigwa ze halusi yo Mwana we ngholo!” Yakanonjela kanyhi yakutya, “Zizo zo nghani ze mbeka yo Mulungu.”

Wugubule 3:21

“Wono wosuma, wawo nowekaza hamonga nane mwi'goda lyangu lyo wutemi nha vyono ane no mweneco nasuma, nghawa kwikalana hamonga na Baba mwigoda lyakwe lyo wutemi.

Wugubule 4:4

Hakawa hogali magoda makumi mejete na mane gono gali galipilime ligoda lyo wutemi, na mu magoda gago, wali wekaye wawaha makumi mejete na wane, nawo wali wavwalile vivwalo vizelu, na mu mitwe yawo, wali wavwalile mikumbo ya zahabu.