Luka 2:41 - Luganuzi Luswanu Kuli Wanhu Wose 2002

⁴¹ Ne walezi wa Yesu wabitaga myaka yose ku Yelusalemi, mu cidaha ce Pasaka.

I CILAGANE CIPYA 1991

⁴¹ Ne walezi wa Yesu wabitaga myaka yose ku Yelusalemi, mu cidaha ce Pasaka.

Luka 2:41 ပူးပေါင်းရင်းမြစ်များ

Wutuluce 12:11

Kanyhi lono mukuyilya, muyilizaje ko musunho, akuno muvwalile ne myenda yenyu hamonga ne malatu genyu mu migulu, akuno mwina ne zinghome zenyu, mu miwoko yenyu. Yiyo yo sikukuu ye Pasaka yono yikulajila cogopo cenyu kuli'ne no Muwaha Mulungu.”

Wutuluce 12:14

Nanye molisiwanula lizuwa lilino, liwe sikukuu yo wuhembi, yono yojendelela kumukumbucizenyi zono nizitumile ane no Muwaha Mulungu. Holeka mojendelela kuyibata sikukuu yiyi mu vilo vyose vyono vikuza.”

Wutuluce 34:23

Na we cilume wose, yiwanojeye kadatu mu mwaka, wekongholele hali'ne no Muwaha Mulungu, mono nili Mulungu wa Isilayeli.

Walawi 23:5

“Sikukuu ye Pasaka, yeze kunozwa so cogopo ca kuli Muwaha Mulungu, nayo yeze kwanziza hono lizuwa likugwila, mwi'zuwa lye likumi na yine lyo mwezi mulongozi.

Wuwale 28:16

Nayo sikukuu ye Pasaka yo kumupela lilumbo Muwaha Mulungu, yinojeye yinozwe mwi'zuwa lye likumi na yine lya mu mwezi mulongozi.

Luka 2:42

U mwana yaza ficila myaka yikumi na myejete, wabitana nayo ku Pasaka nha vyono wali wazoweye.

Yohana 11:55

Ale, Isikukuu ye Wayahudi yo ye Pasaka, yali yeza yili behi, na wanhu wenji wakabita ku Yelusalemi, ho weyeze lono sikukuu yiyo yikali.

Yohana 13:1

Isikukuu ye Pasaka, lono yali yikali nafika, Yesu yakamanya vyono cidaha cakwe cafika, co kuwuka mono yinze yiyi, yabite kuli Sogwe. Nayo yakawendela lukulu iwanhu wakwe, wono wali mononze sunga ko ku ndumo.

Yohana 2:13

Sikukuu ye Wayahudi yono yicemwaga Pasaka, yikawa yasejelela, holeka Yesu yakabita ku Yelusalemi.

Yohana 6:4

I Pasaka, sikukuu ye Wayahudi yali yasejelela.

Wukumbucize wo Wulajilize 12:11

Nayo Muwaha Mulungu, kokwihagulila mweneco, i hanhu hono mosuma kumuhembela. Na kanyhi hanhu baho, ho mowa kumulavizya vilavywa vyenyu vyose, nha vyono nghamulajilizenyi. I vilavywa vyenyu vinyanywe, ne makumbiko ganji ganji, ne zaka zenyu, hamonga ne vilavywa vinulwe vyono nyenye nyo weneco mwehuwiza nha vyono momulavizya Muwaha Mulungu.

Wukumbucize wo Wulajilize 12:18

Ne vilavywa vivyo vyose, munojeye muvilile hali Muwaha Mulungu, u Mulungu wenyu. Muvilile i hanhu bahalya du hono yahahaguye u Muwaha Mulungu, u Mulungu wenyu. Muvilye nyenye, ne wana wenyu, hamonga ne wetumami wenyu, hamonga ne Walawi wono mwikalane nawo mu makaya genyu. Nanye muzisangalalile zose zono mwitumile.

Wukumbucize wo Wulajilize 16:16

“Wanhu we cilume wa mwi'kungugo lyenyu, yiwanojeye wose, waze ha wuhembelo wamuhembe Muwaha Mulungu nghanghulo yidatu mu mwaka, mu mazuwa ge sikukuu ye Pasaka, sikukuu ye nhwanga ne sikukuu ye vibanda. No munhu wowose mono kokuza ku wuhembi, yimunojeye yaleteleze ne cipegwa,

1 Samwili 1:21

Lizuwa likawa lyafika lyo wubita ku Shilo, Elikana hamonga na we mhuga yakwe, ho wakamulavizye Muwaha Mulungu likumbiko lye myaka yose, lyono yali yehuwiza.

1 Samwili 1:3

Elikana yalawaga ku Lama yakubita ku Shilo kamonga kwa mwaka, ho yakahembe, no kumulavizya Muwaha Mulungu Mudaha vyose, makumbiko kuko ku Shilo. Ne wana wejete wa Eli, Hofuni na Finehasi, i wakohani wo Muwaha Mulungu wo wali wali kuko.