Luka 2:36 - Luganuzi Luswanu Kuli Wanhu Wose 2002

³⁶ Kwali koyuli muwizi yumonga wa cicekulu, mukombi muno, mwana wa Fanuweli, wo mulango wa Asheli, nayo yali yekalana no mulume wakwe myaka mupunghati du kulawa vyono wetola.

I CILAGANE CIPYA 1991

³⁶ Kwali koyuli muwizi yumonga wa cicekulu, mukombi muno, mwana wa Fanuweli, we nghungugo ya Asheli, nayo yali yekalana no mulume wakwe myaka mupunghati du kulawa vyono wetola.

Luka 2:36 ပူးပေါင်းရင်းမြစ်များ

Mwamulizo 30:13

Nayo Leya yakatya, “Ka! Mwene ayi nyemoci yono nayituga! Alu i wacekulu wonyhema nene Nyemo.” Holeka yakamucemela mwana yuyo litagwa lya Asheli.

2 Watemi 22:14

Nawo Hilikiya, hamonga na Ahikamu na Akeboli, na Shafani, na Asaya, wakawa kubita kuli mucekulu yunji muwizi, mono yacemwaga Hulida, mono yali yekaye ha citumbi cono cili behi muno na Yelusalemi. (U mulume wakwe yacemwaga Shalumu u mwana wa Tikiva, kanyhi mwizukulu wa Halihasi, nayo yali yo mulanjilizi we vivwalo vyo witumami mu Nyumba yo Mulungu.) Nawo wali weza kumwagana, wakamuloloseza zose zono zijeye.

Jobu 5:26

Kolofwa lono weza wuli mukombi kokolo, nha kotya liso lyo wuhemba lyono ligwiye.

Zabuli 92:14

Hamba wawe wakombipe, ninga wojendelela kulela mana sunga ku wukombi, womema moso, nawo wodedewala, no kuwa ne vilungo ho wasume kulwanza u wiling'ano, lo Muwaha Mulungu,

Wutuluce 15:20

Nayo Milyamu u muwizi we cicekulu, u lumbulye wa Haluni, yakawa kusola ng'oma. Ne wacekulu wanji wose, nawo wakawa kumutyatya wena ne zing'oma zawo akuno wakuvina.

Ezekiyeli 13:17

U Muwaha Mulungu kanyhi yakatya, “Alu 'gwe go munhu, luno ta, wuwalangaje i wacekulu wose wa mu wanhu wako, wono wawilaga. Wuwaling'anize nawo,

Luka 2:35

Nayo kowa citanjilo cono wanhu siwocisaka, ho gagubulwe mahweso ga wenji, sunga na gwegwe, wusungu wono winha mumaje mukali, wocinya nhumbula yako.”

Luka 2:38

Na mu cipango cico Ana yakalawila, nayo yakanza kumulumba Mulungu, nayo yakalonga zo mwana yuyo kuli wose wono walanjililaga wukombozi wa Yelusalemi.

Metumo ge Watumwa 2:18

Heya, sunga ne wetumami wangu we cilume na we cicekulu, nolowetila zo Muhe wangu mu vilo vivyo, nawo woloyiganula inghani yangu.

Metumo ge Watumwa 21:9

Na yuyo Filipo, yali yena wanagwe wadatu wahinza, wono wali wena cipegwa co kuwila.

1 Wakolinto 11:5

No mucekulu nayo hono yawe yakuhemba hamba yakuganula inghani yo Mulungu akuno si yagubicize mutwe wakwe, nayo yakumubedegala mulume wakwe, nayo mucekulu mono yakunoza nhavivyo, wali sawa du no mucekulu mono yanyonyoye u mutwe wakwe.

1 Wakolinto 12:1

Nye wandugu zangu, kuli ze vipegwa vyo Muhe, ane nyendile hono muzimanye viswanu zinghani zizino,

1 Timoteyo 3:2

Ninga u mulongola we likanisa, yimunojeye yeze munhu mono yasina yilema, na kanyhi yimunojeye yeze mono yena mugolece yumonga du, kanyhi yeze mwiyimizi, mulula, we cisindo, kanyhi yimunojeye yeze mucemezi na mono yasumile kwijiza,

1 Timoteyo 5:9

Ale, wulece kumwandika mu wityatye we matagwa ge wafwile, u mufwile wo wose mono yakali sinafisa myaka makumi mutandatu. Nayo kanyhi yeze mono yakatolwa kali kamonga du,

Yoshuwa 19:24

Ligawo lye hano lyono lyawagwa, lyali lye zimhuga zo wo mulango wa Asheli.

Wugubule 7:6

Wo mulango wa Asheli, elufu yikumi na nyejete. Wo mulango wa Nafutali, elufu yikumi na nyejete. Wo mulango wa Manase, elufu yikumi na nyejete.

Walamuzi 4:4

Nayo Debola u mugolece wa Lapidoti yali yo muwizi, nayo yo yawetumamilaga Waisilayeli, kotya mulongola mu mapango gago.

1 Samwili 1:2

Elikana yakawa na wagolece wejete, Hana na Penina. Penina yakawa yena wana, ninga Hana yakawa yasina mwana hamba monga.