Luka 18:11 - Luganuzi Luswanu Kuli Wanhu Wose 2002

¹¹ Yuyo Mufalisayo yakema, yakawa kulomba cinyele mu nhumbula yakwe yakutya, “Gwe Mulungu, nghukulumba vyono ane si ninha wanhu wanji, wabugu, wakonyi, wasenyha, nghukulumba vyono ane si ninha ayu mutoweza kodi.

I CILAGANE CIPYA 1991

¹¹ Yuyo Mufalisayo yakema, yakawa kulomba cinyele mu nhumbula yakwe yakutya, “Gwe Mulungu, nghukulumba vyono ane si ninha wanhu wanji, wabugu, wakonyi, wasenyha, nghukulumba vyono ane si ninha ayu mutoweza kodi.

Luka 18:11 ပူးပေါင်းရင်းမြစ်များ

Zabuli 134:1

Ale nzonyi mumulumbe Muwaha Mulungu, anye nyo wetumami wakwe wose, anye wose mono mumwitumamilaga, ne cilo mu Nyumba yakwe.

Zabuli 135:2

anye mono mwimaga mu Nyumba yo Muwaha Mulungu, mu Nyumba yo Mulungu wetu.

Zimbazi 20:6

Ne wanhu wose, wendile kwiwona wali cihuliko, kanyhi wehuwilwa. Ninga u mwihuwilwa, yo nani mono komuwona!

Zimbazi 30:12

Ko wali wanhu wanji, wono wewonaga wazelu, ninga kumbe wene ho watipiye du ne makwe gawo.

Isaya 1:15

“Na lono mowa kunyasula miwoko yenyu kucanyha mu wulombe, hamba si nomutondowozenyi yaye. Hamba mulombe muhidimbaye, si nomuhulicizenyi ng'o, hambi miwoko yenyu, nha yimemile wuwulaji wose.

Isaya 58:2

Hambi wene nha wahembaga'ne nhondo zose, wakwiyitya vyono wena wuhile muno wo kumanya zinzila zangu, no kwibata wulajilize wangu. Wakulonga wakutya vyono wakusaka muno wapegwe malajilizo ge ling'ani, na kanyhi vyono wendile muno ho wahembe nene.”

Isaya 65:5

Hanyuma, wawa kuwalonjela wanhu wanji wakutya, ‘Mulece kucisejelela behi, hambi 'se nha si cinojeye cipamizwe na nyenye, hambi 'se nha celile!’ Holeka nane, si nosuma kwikalana ne wanhu we liwala lilyo. Ne likuwo lyangu kuli wene, nha lyacile kotya moto wono si wuzimaga.

Yelemiya 2:28

“Alu i milungu yono mweyinozeza nyenye nyo weneco, yili hayi lu? Nanye kolo mwenjila mu magayo, mweze yileka le yimuponyenyi, hono mbeka yosuma kumuponyenyi! Nagwe Yuda, wina milungu minji muno, hambi liwalo lye milungu yako, nha liling'aniye ne liwalo lye zikaya zako.

Yelemiya 2:35

anye mukutya nhavi, ‘Ane sina masutya go gose, holeka u Muwaha Mulungu, si kongholelwa likuwo yaye.’ Ninga mumanye vyono ane no Muwaha Mulungu, nomulipicizenyi du, hamba yiwe nyenye nyo weneco, si mukulumba yaye vyono mwitumile wubi.

Ezekiyeli 33:31

Nawo baho wawa kwikonghola wenji du ha mwande yako ho wahulice zono kolonga, ninga hamba si wakwituma zono wukuwalonjela wetume. Wakulonga zinghani mu milomo yawo du, ninga vyo wajendeleye du no wituma zimbi.

Mika 3:11

Nawo i walongola, wakulitema likaya kwe mafupo, nawo wakohani, wakuwejiza wanhu Wulajilize ho watuje musahala, nawo wawizi, wakulonga zo wugubulilwe wawo ho walipwe mapesa. Nawo wawa wose wakwiyitya ti, vyono Muwaha Mulungu yali hamonga nawo. Kanyhi wakutya, “Hasina zimbi zono zocagana, hambi Muwaha Mulungu nha yali hamonga nase.”

Matayo 10:3

Filipo na Batolomayo, Tomaso na Matayo mono yali mutoweza kodi, na Yakobo u mwana wa Alifayo, na Tadayo,

Matayo 5:20

Holeka nghumulonjelenyi nghutya, u wuswanu wenyu, hono wulece kuciza awulya we Wafalisayo ne wejizi wo Wulajilize, nanye si mokwinjilila lukulu mu wutemi wa ku wulanga.”

Matayo 6:5

“Nanye lono mukulomba, mulece kuwa nhe wakoci. Hambi iwene wakoci, nha wendile kwima wima mu matang'anilo go wuhembelo, sunga na mu zinzila, no kulomba, ho welajile kuli wanhu. Mbeka nghumulonjelenyi, vyono wawo wakondya kucituga icihumbilizwa cawo.

Maluko 11:25

Kolo mukwima no kulomba, muwanenelaje wose wono wamusutizyenyi nghani yo yose, nayo u Sogo yenyu mono yali ku wulanga ho komunenelenyi nanye i masutya genyu. [

Luka 20:47

Wene wakuwewonela iwacekulu wafwile, no kuwasolela ivinhu vyawo, akuno wakwinoza nha waswanu, so wulomba wulombe wutali muno ko wukoci. Wawo wotuga wulipicizwe wuwaha muno muno mwizuwa lye ning'aniza.”

Luka 22:41

Yakatemanuka kuli wene yakabita wutali wa nghanzo ye'bwe lyono ligumiywe, yakafugama yakalomba, yakutya,

Wagalatiya 3:10

Holeka wose wono wetumbiye kufisiliza za mu Wulajilize du, wali mu wulijitwe, hambi i Mandiko Gono Gelile nha gakutya, “Muli wose mono si yakwibata no kufisiliza zose zono zandikwe mu citabu co Wulajilize, mulijitwe.”

Wafilipi 3:6

nane nali nili mupiligazi muno, ninga naligazaga likanisa. Na ku so wiling'ano wono wukutujilwa mu wuhulika u wulajilize, ane nghawa sina yilema lyo lyose.

Wugubule 3:17

Agwe wukwiyitya, ‘Ane nili mugoli, nina vinhu vyose, hamba si nyanjize cinji co cose.’ Kumbe si wumanyile vyono agwe wuli musocele, kanyhi wuli munhu wo kuwonelwa lusungu, wuli muciwa, kanyhi wuli mubofu, kanyhi wusawuce!