Luka 18:1 - Luganuzi Luswanu Kuli Wanhu Wose 2002

¹ Hanyuma Yesu yakawalonjela cihwanicizo Wejizwa wakwe, yakuwalajila vyono yiwanojeye kulomba nhondo zose, walece kukatala.

I CILAGANE CIPYA 1991

¹ Hanyuma Yesu yakawalonjela cihwanicizo Wejizwa wakwe, yakuwalajila vyono yiwanojeye kulomba nhondo zose, walece kukatala.

Luka 18:1 ပူးပေါင်းရင်းမြစ်များ

Zabuli 102:17

Nayo kowuhuliciza wulombe wo muciwa, no wulombe wawo hamba si kowulema yaye.

Zabuli 27:13

Nane nihuwiye vyono nowuwona wuswanu wo Muwaha Mulungu, mu wikalo we womi.

Zabuli 65:2

Hambi 'gwe nha wukuwuhulika wulombe wetu. Ne wanhu wose wokuziza no kunena wubi wawo.

Zabuli 86:3

Agwe yo gwegwe go Mulungu wangu, holeka wumbonele lusungu, ane nghukulilila misi yose.

Isaya 40:31

“Ninga wono wamwitumbiye Muwaha Mulungu yawapele wutazi, wawo wolopegwa vilungo vipya. Wologuluka kucanyha kotya 'ndi, kanyhi wolomangha hamba kukatala yaye wolowa kujenda hamba si wolozilika ng'o.”

Isaya 62:7

Kanyhi hamba si womuleka yaceheze yaye, sunga kolo yakondya kuyigomolela Yelusalemi lilumbo lyayo. No kulinoza liwe yikaya lyo lukumyo mono yinze yose.

Yelemiya 29:12

Nanye molonyhemeleza. Kanyhi molonyiziza, mololomba, nane nolomupitulenyi.

Yona 2:7

Ne nhumbula yangu yali yeza kuzilika, ane nghakulomba gwegwe go Muwaha Mulungu, nagwe wukahulika mu wulawa mu Nyumba yako.

Luka 11:10

Hambi mono yakulomba nha yakupegwa; na mono yakulondola, yakutuga; na mono yakukong'onha, yakudigulilwa.

Luka 21:36

Ninga mwikalaje meso mu mapango gose, mweze kulomba, ho mutuje vilungo vyo kusumila kugatiza gaga gose gono golowa, no kwima hali Mwana wo Munhu.”

Walumi 12:12

No witumbilo wenyu wumuwicenyi na nyemo nhondo zose, mweze na ngola mu wugaye, kanyhi mweze kuswelelela mu wulombe nhondo zose.

2 Wakolinto 4:1

Holeka, u Mulungu ku soko yo lusungu lwakwe luwaha, yacipela u mulimo wuwuno ho ciwitume, holeka nase si cikutukuwika mitima.

Wagalatiya 6:9

Holeka cilece kukatala mu wituma ziswanu, ku soko hono cilece kukatala, codudula i nhwanga mu cipango cayo.

Waefeso 6:18

Mweze kulomba nhondo zose, mukulomba u wutazi wo Mulungu. Mweze kulomba madaha gose mu vilungo vyo Muhe. Mwikalaje meso, mulece kukatala, mukuwalombela i wanhu wose wo Mulungu.

Wafilipi 4:6

Mulece kwihwelela muli cinji co cose, langa mu wulombe wenyu, mumulombaje u Mulungu i visakwa vyenyu, mumulombaje akuno mukumulumba mu zinhumbula zenyu.

Wakolosayi 4:12

Na Epafala nayo u munyawusi muyenyu, kanyhi u mwitumami wa Kilisito Yesu, nayo yakumulamusenyi. Kanyhi yakumulombelenyi nyenye nhondo zose ko wupiligazi, ho mwime mukamile, mukangale, mulece kusinjisika muli zose zono yakuzisaka u Mulungu.

Wakolosayi 4:2

Mweze kulomba nhondo zose, kanyhi mweze kulanjilila lono mukulomba, akuno mukumulumba u Mulungu.

1 Watesalonike 5:17

akuno mukulomba musina wudile,

1 Samwili 1:12

Nayo Hana yakajendelela kumulomba Muwaha Mulungu du kwa cidaha citali. Nayo Eli mukohani, yakawuwona mulomo wa Hana vyono wukuvina.