Luka 16:3 - Luganuzi Luswanu Kuli Wanhu Wose 2002

³ Mwitumami yakehwesa mu nhumbula yakwe, alu muwaha wangu yeza kumbusa mu mulimo wo wukalani, alu nonoza cici? Vilungo vyo kulimila sina; ku wilombelezi nako kotya nili muciwa, yo nghani ya cevu.

I CILAGANE CIPYA 1991

³ Mwitumami yakehwesa mu nhumbula yakwe, alu muwaha wangu yeza kumbusa mu mulimo wo wukalani, alu no noza cici? Vilungo vyo kulimila sina; ku wilombelezi nako kotya nili muciwa yo nghani ya cevu.

Luka 16:3 ပူးပေါင်းရင်းမြစ်များ

Esita 6:6

Hamani yakawa kwinjila. Nayo mutemi yakamutya Hamani, “Hoyali munhu yunji mono nghusaka kumuhumbiliza muno muno, alu noze wule kuli munhu yuyu?” Hamani yakehwesa mu nhumbula yakwe yakatya, “Alu nani mono mutemi yadahile kumuhumbiliza muno muno, hono si nene du?”

Zimbazi 13:4

Ne nhumbula yo munhu mudoba, hamba yisulumile cinji, si kosuma kucituga yaye. Ninga munhu muhidimbazi, katugaga vyose vyono kasakaga.

Zimbazi 15:19

Na hono wuwe mudoba, kokwitang'anila ne zimbali hanhu hose. Ninga hono wuwe wuli muhidimbazi, hamba si kogazika yaye.

Zimbazi 18:9

No mudoba ku milimo, yo munhu mubi muno, Yehwanile no munhu muhodanji.

Zimbazi 19:15

Ale du, weze mudoba hono gwegwe wendile kuwa mudoba, wugone nhongo. Ninga wumanye vyono nzala yokwinjila.

Zimbazi 20:4

No mulimi mudoba, hono yalece kulima migunda yakwe, mu vipango vyono vinojeye, hamba si kokwambulila cinji.

Zimbazi 29:21

Na hono wumuzoweleze mwitumami wako, ku wulawa wudodo wakwe, wuwe kumupela du cono yakusaka, mwi'zuwa linji, kolo kwisolela du mweneco vinhu vyako.

Isaya 10:3

Hamba monozaci kolo Mulungu yakumulipicizenyi? Hamba monoza nhawule, kolo yakumuletelenyi magazo ku wulawa ku yisi yo kutali? Hamba motiziza hayi hene mukalondole wutazi? Hamba hayi hene hono mozihundika zisawo zenyu?

Yelemiya 5:31

Hambi i wawizi nha weza wasina nghani zo kulonga, langa wakuwila zo wulambi du. I wakohani nawo, wakulondola zawo du weneco. I wanhu wangu nawo, wasina hamba zo kulonga muli zizo wene wakuwona zose swanu du. Ninga lu magu ta, hamba wolotendaci nhondo, kolo zeza kuza baho ku ndumo yayo?”

Hoseya 9:5

Ninga cipango cilawa kufika ce sikukuu yo kumulavizya cogopo Muwaha Mulungu, wolonoza nhawule?

Matayo 20:8

“Ilizuwa lyali lyeza kuswa, u munya mugunda yakamulonjela u mukamisi wakwe, we zipesa, yakatya, ‘Ale wuwacemaje iwetumami wose, ho wuwalipe u musahala wawo wulawilile kuli walya wono watumigwe ku mulimo ha ndumilizo wujendelele sunga wumalilizize kuli walya i walongozi.’

Maluko 10:46

Ale, wakafika ku Yeliko, nayo Yesu lono yawukaga mwi'kaya lilyo, yena ne wejizwa wakwe, hamonga ne lipuga yiwaha lye wanhu, u munhu yunji mwilombelezi we cibofu, mono yacemwaga Batilimayo mwana wa Timayo, yali yekaye ha mhelo ye libalabala.

Luka 12:17

Yakehwesa mu nhumbula yakwe yakatya, ‘Alu 'mba notenda wule, hambi nha sina ho kuwika ndigwa zangu?’

Luka 16:2

Nayo mugoli yakamucema, yakamutya, nghanici yiyi yono hulice muli gwegwe?” Ale wulavye liwalo lya vyono kubocelaga, na vyono kwitumamilaga mu sawo yangu, hambi nha si kosuma kuwa kalani kanyhi.

Luka 16:20

Hali ho yuli muciwa yunji, litagwa lyakwe Lazalo, mono yali yena vilonda mu muwili wose, nayo yali yawicigwe ha mulango wa yuyo mugoli.

Luka 16:22

“Baho u muciwa yakafwa, wamalayika wakamusola, yakekala behi na Abulahamu, u mugoli nayo yakafwa, yakawikwa mu citenjelo.

Luka 16:4

Aa! Alu namanya vyono notenda, kolo nawuswa mu mulimo, wanhu ho wanyhemele mu zinyumba zawo.

Luka 18:4

Hakimu yuyo yakamula kulemalema kali kenji, ninga hanyuma yakehwesa mu nhumbula yakwe, yakatya, ‘Hamba niwe sinimogopaga Mulungu, hamba kumucelelela munhu wo wose,

Yohana 9:8

Holeka iwayagwe, na wono wamuwonaga katali, vyono yali muciwa na mwilombelezi, wakatya, “Si yo yuyu mono yekalaga yakwilombeleza?”

Metumo ge Watumwa 3:2

Na baho behi no mulango we Nyumba yo Mulungu, wono wucemwaga “Mulango muswanu,” hali hoyuli munhu yumonga, mono yali yali citewe kulawa vyono yalelwa. Wanhu wamudinghulaga nhondo zose, no kumuwika baho, ho yelombeleze vye lihewa kuli wanhu wono wenjilaga mu Nyumba yo Mulungu.

Metumo ge Watumwa 9:6

Ninga winukaje wukenjile mwi'kaya, na kuko kolonjelwa yono yikunojeye witume.”

2 Watesalonike 3:11

Cikuzilonga zizo vyono cihulika vyono muli nyenye mo wali wanji wayenyu wadoba kanyhi wono si wendile kwituma mulimo wo wose, langa wene wendile kwiyinjiza du mu zinghani za wanhu wanji.