Luka 15:6 - Luganuzi Luswanu Kuli Wanhu Wose 2002

⁶ Nayo kolo yakuwuya kwakwe, yakuwacema wendece wakwe ne wayagwe, yakuwatya, ‘Cisangalalane nane, hambi nha niyiwona ngholo yangu yono yali yajiliye.’

I CILAGANE CIPYA 1991

⁶ Nayo kolo yakuwuya kwakwe, yakuwacema wendece wakwe ne wayagwe, yakuwatya, ‘Cisangalalane nane, hambi nha niyiwona ngholo yangu yono yali yajiliye.’

Luka 15:6 ပူးပေါင်းရင်းမြစ်များ

Zabuli 119:176

Nghuyumba-yumba, nha ngholo yono yajiliye, holeka wuze wunondole ane no mwitumami wako, hambi nha si nigasemwaga malajilizo gako.

Luka 1:58

I wayagwe ne wanduguze waza kuhulika vyono Muwaha kamupela kwa winji lihewa lyakwe, wakasangalalana nayo.

Luka 15:10

Ale, nghumutyenyi, vyo wosangalala wamalayika wo Mulungu, ku soko yo munhu monga munyo wubi mono yakunena.”

Luka 15:24

Hambi yuyu mwanangu nha yali nha yafwiye, kumbe mumi, yali yajiliye, ninga alu kejela.’ Hobaho wakawa kwanza kuyinoza sikukuu.

Luka 15:5

“Na kolo yayiwona, yakuyiwegala mu mawega gakwe yasangalaye.

Luka 15:7

Ale, nghumutyenyi, kowa nyemo nhavivyo ku wulanga so munhu mubi monga mono yakunena, si nha awalya wanhu makumi cenda ne cenda wono wakiwona wali ling'ani wono si wakusaka kunena.

Yohana 15:14

Anye muli wendece wangu, hono muzitume zono nghumulajilizenyi.

Yohana 3:29

Bibi halusi yo wa bwana halusi, ninga mwendece wa bwana halusi, mono yemile yakuhuliciza, yakuwa na nyemo mbaha muno muno, lono yakumuhulika bwana halusi yakulonga. Ne nyemo yangu vyo yifisilizwe.

Metumo ge Watumwa 11:23

Nayo yaza fika kuko, no kuwona vyono Mulungu yawamotizye wanhu, yakasecelela, yakawanena wose wajendelele kuwa wehuwilwa muli Muwaha.

Metumo ge Watumwa 15:3

Ilikanisa likawelaga, nawo lono wakolaga mu Foyinike na mu Samaliya, wawasimulizizaga wanhu nha vyono i wanhu wono si Wayahudi nawo wamupituciye Mulungu. Ne nghani yiyi yikawasangalaza muno we zindugu wose.

Wafilipi 1:4

na kolo nghumulombelenyi wose, nghulomba nina nyemo,

Wafilipi 2:17

Ninga hamba ndavywe hamonga no wihuwilo wenyu wono lye kumbiko kuli Mulungu, hodu nosecelela muno kanyhi nosangalalana na nyenye wose mu nyemo yiyo.

Wafilipi 4:1

Holeka wandugu zangu wendece, nina nyhilu muno yo kumuwonenyi, hambi anye nha yo nyenye nyemo yangu, no mukumbo wo lukumyo lo wusume wangu. Holeka nyo wendece wangu, vyo yinojeye kuli anye, mweze mukamile muli Muwaha.

1 Watesalonike 2:19

Wulenyi cilaza kwima hali Muwaha Yesu yalaza kuza, u lukumyo lo wusume wetu wolowa cici? Wolowa nyenye nyo weneco, vyono anye yo nyenye, wo witumbilo wetu ne nyemo yetu.

1 Petelo 2:10

Mu mapango ganji, anye mwali si muli wanhu wo Mulungu, ninga'lu anye mweza muli wanhu wakwe, kanyhi mwali si muwoneywe lusungu lo Mulungu, alu ninga mwawonelwa lusungu.

1 Petelo 2:25

Nanye mwali mwinha zingholo zono zali zajiliye, ninga lu mumuwuyila Mudimi no mulanjilizi we zinhumbula zenyu.