Luka 15:4 - Luganuzi Luswanu Kuli Wanhu Wose 2002

⁴ “Mwene, munhu hono yawe yena ngholo yigana, na hono yajilize monga, kanozaga wule? Kozileka azilya makumi cenda ne cenda kwidimo, yabite yakayilondole yono yajiliye, sunga yayiwone.

I CILAGANE CIPYA 1991

⁴ “Mwene munhu hono yawe yena ngholo igana, na hono yajilize monga, kanozaga wule? Kozileka azilya makumi cenda ne cenda kwidimo, yabite yakayilondole yono yajiliye, sunga yayiwone.

Luka 15:4 ပူးပေါင်းရင်းမြစ်များ

Zabuli 119:176

Nghuyumba-yumba, nha ngholo yono yajiliye, holeka wuze wunondole ane no mwitumami wako, hambi nha si nigasemwaga malajilizo gako.

Isaya 53:6

Ase wose cinha zingholo zono zajiliye, munhu yakubita na nzila yakwe mweneco. Ninga Muwaha Mulungu yakamulipiciza so sese, u wulipicizwe wono wali wucinojeye sese co weneco.

Yelemiya 33:13

Na mumo mu vikaya vya mu matunda, na mu mwalambalo we matunda, na mu yisi ya Yuda, ku lubavu lwa kutakama, na mu yisi yose ya Benyamini, na mu vitumbi vyose vyono vipilime Yelusalemi, sunga na mu vikaya vyose vya Yuda, mumo mose, molowa kanyhi hanhu hono wanhu wolowa kuziwalila zingholo zawo. Vyo nghutya, ane no Muwaha Mulungu.”

Yelemiya 50:6

“I wanhu wangu wehwanile zingholo zono u mudimi wazo yazajiliza mu matunda. Nalu wakuyega-yega nhe zingholo, wakwitananhiza mu matunda, wakondya kusemwa no kwawo kwihi.

Ezekiyeli 34:16

“Nolozilondola zono zajiliye, nizigomole, na zono ziyagaye caka, noloziwopa bandeji, zono zina nghomele, noloziponya na zono zitamigwe. Langa zingholo zono zijinile zina ne vilungo, azo zose nolozongomezeza lukulu. Hambi ane nha yo nene u mudimi mono ketumaga ze ling'ani.

Ezekiyeli 34:31

Holeka anye nyo ngholo zangu, nyo litewa lyangu, mono nghumulisenyi, anye muli wanhu wangu, nane yo nene u Mulungu wenyu.” Vyo yakutya u Muwaha Mulungu.

Ezekiyeli 34:4

Ninga hamba si muzitondowozaga yaye zono zisoceye, hamba kuzilagula, zono zitamigwe, hamba kuziwopa zono zina nghomele, hamba kuzikongholeza zono ziyagaye ako na ako, hamba kuzilondola zono zajiliye. Langa anye muzikunhulangaga du.

Ezekiyeli 34:8

Na mbeka, anye nyo wadimi, yowa viswanu hono muhulicize ane no Muwaha Mulungu mumi. Hambi zingholo zangu nha zebatwa ne malimu ga mu mbago, zakondya kuwulagwa no kuligwa nago, vyono zali zisina mudimi. Nawo i wadimi wangu, si wajela yaye hamba kuzilondola kose. Wene wakawa kwiyidima weneco du, hamba si zingholo yaye.

Matayo 12:11

Nayo Yesu yakawatya, “Alu citye nhavi, lunji yunji muli nyenye, yawe yena ngholo yakwe yono yowa yigwiliye mwikombo, alu sikosuma kuyilavyaniza mumo mwikombo mwizuwa lye Sabato?

Luka 13:15

Ninga Muwaha yakamupitula, yakatya, “Nye mo wakoci, ma, muli nyenye, moyuli yunji mono si katulusaga ng'ombe yakwe hamba ndogowe yakwe, no kuzing'wesa mwizuwa lye sabato?

Luka 15:3

Yesu yakawalonjela cihwanicizo cici yakutya:

Luka 19:10

Hambi Mwana wo Munhu nha yaza kulondola no kuponya i wanhu wono wajiliye.”

Walumi 2:1

Holeka go munhu, wusina cikojelo, mono wukuwaling'aniza iwayago, hamba wuwe vyono winha. Hambi hono wukuwaling'aniza i wanji, nha wukwilijita go mweneco, ku soko vyono na gwegwe go mweneco, nha wukwituma zizo zono wukuwaling'aniza iwayago.

1 Petelo 2:25

Nanye mwali mwinha zingholo zono zali zajiliye, ninga lu mumuwuyila Mudimi no mulanjilizi we zinhumbula zenyu.