Luka 13:8 - Luganuzi Luswanu Kuli Wanhu Wose 2002

⁸ Nayo yakapitula yakamutya, “Muwaha, wuwulekaje kanyhi mwaka 'wu, niwuzuwile, niwukupile ne suji;

I CILAGANE CIPYA 1991

⁸ Nayo yakapitula yakamutya, “Muwaha, uwulekaje kanyhi mwaka wu, niwuzuwile, niwutajile ne mboleya;

Luka 13:8 ပူးပေါင်းရင်းမြစ်များ

Zabuli 106:23

Mulungu nayo yakasaka yawongomeze, ninga Musa, muhagulwa wakwe, yakema hagati yakalimila likuwo lyo Mulungu, ho yalece kuwongomeza.

Wutuluce 34:9

Hanyuma Musa yakawa kutya, “Gwe go Muwaha Mulungu, alu vyono wakondya kumhela lihewa lyako, nane lu nghukunena, wujendane hamonga nase. Hambi wanhu wawa nha wasina cihuliko. Ninga hamba nhavivyo, wucinenele wavu wetu hamonga no wubi wetu. Nagwe wucibocele du nha wanhu wako go mweneco.”

Yelemiya 15:1

Hanyuma u Muwaha Mulungu yakanonjela yakatya nhavi, “Gwe Yelemiya, hamba yali yaze Musa na Samwili, wawe wemile bahano izuwali, wakuneneleza 'ne, nane hamba si nali niwawonele lusungu wanhu wawa ng'o. Holeka wuwawuse wabite, wawuce ha meso gangu.

Yelemiya 18:20

Alo 'mbi u wuswanu, wukuwa kulipwa i zimbi? Hambi nha wakondya kuhimbila likombo, ane ho ngwile mumo. Ninga wukumbucile nha vyono, nakuziza nghalongana nagwe ku soko ya wene, nghukunena, nha vyono wulece kuwatendela mwi'kuwo lyako.

Yoweli 2:17

Nawo wakohani, hamonga ne wetumami wono wakumwitumamila Muwaha Mulungu, haciligati ye cikumbicilo no mulango we Nyumba yo Mulungu, yiwanojeye walile no kulomba muno muno, watye, “Gwe go Muwaha Mulungu, weze no lusungu kuli wanhu wako, wulece kugaleceleza makungugo ganji gacibedegale, hamba kucisekanga kose, wawe kutya, ‘Alu yali hayi Mulungu wenyu?’ ”

Luka 13:7

Yakamutya u mulindiliza mugunda, langa ta, myaka yiyi midatu, nizaga ho hepe mikalo mu mukuyu wuwu, hamba kuyiwona ng'o, ale wutemangaje; so cici lo wukwidawalila muhangha bwete?”

Luka 13:9

nawo hono wulele mikalo hanyuma, viswanu; ninga hono wulece kulela, langa ho kowutemanga.”

Luka 14:35

Si wukwiliye kanyhi hamba mu mugunda, hamba kuwa mboleya bwete langa wawutagaga du kunze caka. Holeka muhulice, hono mwina makutu!”

Walumi 10:1

Nye wandugu zangu, nghulanjilila kanyhi nghuhila mu nhumbula yangu, wawo wanyawusi wayangu waponywe. Kanyhi si nghudila kuwalombela kuli Mulungu.

Walumi 11:14

ho sume kuwanoza i Wayahudi wayangu, wamuwonelenyi nyenye wivu, nane ho sume kuwaponya wayawo wanji.

2 Petelo 3:9

Hambi Muwaha nha sikacelaga kuzifisiliza zizilya zono yehuwiza, nha vyono wanhu wanji wehwesaga vyono kocela. Umwene yena ngola ku soko yenyu, hambi nha siyendile hamba hadodo muyenyu yunji yajilile, langa yakuwasaka wose wafice ku wunene.