Luka 13:34 - Luganuzi Luswanu Kuli Wanhu Wose 2002

³⁴ “Yelusalemi! Gwe Yelusalemi! Kuwawulagaga wawizi, no kuwatowa na mabwe wono wakutumwa kuli'gwe! Kalinga nali kuhila kuwakongholela wanago hamonga, nha vyono nghuku yikunyanjilaga viziyoziyo vyayo mu mabawa gayo, ninga walemaga?

I CILAGANE CIPYA 1991

³⁴ “Yelusalemi! Gwe Yelusalemi! Kuwawulagaga wawizi, no kuwatowa na mabwe wono wakutumwa kuliʼgwe! Kalinga nali kuhila kuwakongholela wanago hamonga, nha vyono nghuku yikunyanjilaga viziyoziyo vyayo mu mabawa gayo, ninga walemaga?

Luka 13:34 ပူးပေါင်းရင်းမြစ်များ

Nehemiya 9:26

“Ninga hamba nha vivyo i wanhu wako siwakuhulika yaye. Wene wakakugaluka, wakataga ne malajilizo gako. Wakawawulaga sunga ne wawizi wono wawasugulaga, no kuwalonjela wakupitucile gwegwe. Wakakutovula kenji na kenji.

Nehemiya 9:30

Mu myaka yose, agwe wawasugulaga ko wukangalile. Wukawejiza wawizi, ho wawalonjele, ninga wanhu wako wakawa wali ciziwi. Holeka nagwe wukawaleka, wakatowa ne walugu wawo wa mu makungugo ganji.

Zabuli 149:2

Wusangalale, 'gwe Isilayeli, hambi mwene nha yo muwumbi wako, nanye nyo wekala ku Sayuni, sangalalenyi, hambi mwene nha yo mutemi wenyu.

Zabuli 17:8

Wunghamisaje, nha vyono kuyikamisaga nenje ye liso lyako, wuhundice mu mubeho we mabawa gako,

Zabuli 36:7

No lusungu lwako go Muwaha Mulungu, luwaha muno! Ne wanhu watizizaga mu mubeho we mabawa gako.

Zabuli 57:1

Wumbonele lusungu, 'gwe Mulungu wumbonele lusungu, ane nghutiziza kuli'gwe. Hambi mu mubeho we mabawa gako, nha mo mowuli wihundiko, sunga kolo magazo gaga mawaha gakupuluta.

Zabuli 81:13

Ninga yali yiwe ciba, wanhu wangu wali wahulice! Yali yiwe ciba hono Isilayeli wali watyatye u wutonji wangu!

Zabuli 91:4

Mwene kokuhundiciza ne mabawa gakwe, nagwe kodimwa no mwene viswanu, no muwoko wakwe wokudima no kukucitila.

Isaya 30:15

Kanyhi Muwaha Mulungu we Mihanga, mono yelile, u Mulungu wa Isilayeli, yakuwalonjela wanhu yakutya, “Ale mumbuyilaje wose, kanyhi munyitumbile, nanye ho mowa ne vilungo, kanyhi mowa mupolile.” Ninga nye mukulema!

Isaya 50:2

Alu so cici wanhu wangu si wanhuciza lono nawabitila ho niwaponye? Na so cici lo, na lono nawacemaga, hamba si wanyidika yaye? Hamba wakuwona ane nili musocele si nosuma kuwaponya lo? Alo wene si wamanyile nha vyono ndahile kulilajiliza lilenga linyale lwa kamonga, no kuganyaza makolongo, yiwe nyika, ne zisomba za mumo zifwe so wula malenga.

Yelemiya 2:30

Nghamulipicizenyi, ninga wulipicize wangu wono nghamulipicizenyi, hamba si wakwila cinji yaye, nanye hamba si mwenda ho nimugomolenyi. Mukawawulaga i wawizi wenyu, mukehwana nhe simba yono yisagahaye muno.

Yelemiya 26:23

Nawo wakabita, wakamuleta Uliya kuli mutemi Yehoyakimu, nayo mutemi Yehoyakimu yakawa kumuwulaga, yakawa kuwuzika muwili wakwe mu vitenjelo vye wanhu wose.)

Yelemiya 35:14

Ninga mulanje vyono i wana wa Yonadabu wamuhulika u sogo yawo, lono yawalonjela vyono walecele lukulu kung'wa divayi. Na mbeka si wang'wezaga divayi, sunga nalu. Ninga ane nikalaga nghulonga nanye du nhondo zose, nanye hamba si mukuhulika yaye.

Yelemiya 35:17

Holeka ku soko yiyo, alu mowona! Ane no Muwaha Mulungu, u Mulungu wa Isilayeli, nomuletelenyi anye nyo wanhu wa Yuda na Yelusalemi, i magazo gose gono nehuwiza. Nomutendelenyi nhavivyo, vyono anye si mukusaka kuwa ne cihuliko kuli 'ne, nghamucemenyi, nanye hamba kumhitula yaye.”

Yelemiya 6:16

U Muwaha Mulungu yakuwalonjela wanhu wakwe yakutya nhavi, “Nye nyo wanhu wangu, ale mwime mu zinzila zimbaha, mulanje. Mukawuze zinghani zo wukolo we katali, muyiwone nzila yo mugoloka. Nanye muyikole nzila yiyo, holeka nanye mokwikala mupolile.” Ninga wene wakatya, “Ase calema, hamba si cokola mu nzila yiyo ng'o.”

I Cililo 1:16

“Na yo soko yono yikuleka meso gangu gakulawa mahozi. Hasina hamba monga mono konhuza, hamba kusikamya. Hambi walugu wangu nha wakondya kusuma 'ne, ne wanhu wangu wasina hamba cono ciwasigaliye.

I Cililo 4:13

Heya, zizi zejela, ku soko wawizi wawo wetuma wubi, ne wakohani nawo wakasutya, no kwambuza lifwa, kuli wanhu wono wasina masutya.

Hoseya 11:2

Ninga nha vyono nacila kumucema, nayo vyo yakacila kundeka no kutyatya zakwe. I wanhu wangu wakawalavizya makumbiko Mabaali, wakafusiza wuvumba ivihwani.

Hoseya 11:7

Wene wakucila kuwuya ne nyuma. Ninga wololila ku soko yo lubano lono luli muli wene, hamba hasina munhu mono kololuwusa muli wene.

Yoweli 2:23

“Holeka muweze ne nyemo anye wanhu wa Sayuni, musangalalile zono Muwaha Mulungu wenyu yamutendelenyi. Hambi mwene nha kamupelenyi mvula ye lifuku yono yikwiliye, kanyhi komutonyezezenyi ne mvula ye mhinga na ye mafuso ku soko yenyu, nhe vilo vyono vipulute.

Zakaliya 1:4

Mulece kwihwana nhe wasogo zenyu wono katali i wawizi wawapela zinghani zangu ho wagalece metumo gawo mabi, hamonga no wubi wawo. Ninga wene siwahulika, hamba kumvumila 'ne yaye.

Matayo 22:3

Hanyuma yakawa kuwatuma i wetumami wakwe ho wabite wakawaceme wono walalikwe, waze ku halusi, ninga iwalalikwa hamba si wasaka kuza.

Matayo 22:6

ne wanji nawo, wakawebata wawalya wetumami, wakawaliganga, wakawawulaga.

Luka 15:28

“Yuyo muwahawe yakakolwa ne likuwo, hamba si yenda kwinjila na mu kaya. Nayo sogwe yakalawila kunze, yakamuneneleza yenjile.

Luka 19:44

Wolokongomeza gwegwe, hamonga ne wanago wono wali mumo. Nawo si wolokusigaziza hamba libwe limonga mucanyha mwibwe liyagwe, vyono si watanga ilipango lyono Mulungu yaziza kukuponya.”

Luka 23:28

Ninga Yesu yakawapitucila, yakatya, “Nye wacekulu wa Yelusalemi! Mulece kundilila ane, langa mwiyililile nyenye nyo weneco ne wana wenyu.

Metumo ge Watumwa 7:52

Wahayi muyagwe ne wawizi, mono si wamugaza iwakuku zenyu? Wakawawulaga awalya wono Mulungu yawatuma wawalonjele wanhu zo wuze wa Mono yali ling'ani, alu nanye mukamugaluka, no kumuwulaga.

Metumo ge Watumwa 7:59

Wakajendelela kumutowanga Sitefano ne mabwe, akuno u mwene yakulomba yakutya, “Go Muwaha Yesu, wubocele Muhe wangu!”

Metumo ge Watumwa 8:1

Izuwa lilyo wejela wugazwe wuwaha mwi'kanisa lyono lyali ku Yelusalemi. Wono wali wehuwila wose, wakeyagalila ku zisi za Yudiya na Samaliya, langa hono si watumwa du.

Wukumbucize wo Wulajilize 32:29

Hamba si wakusuma kumanya i sokoci yono yilecile wakusumwa, hamba kumanya bwete cono ciwejeleye yaye.

Wukumbucize wo Wulajilize 5:29

Na hono mbeka nhondo zose wawe kwihwesa nhavivi! Na hono mbeka wawe wanyogopile, no kuwa ne cihuliko kuli'ne nhondo zose, muli ze malajilizo gangu, nawo wojendelela kuwa no wumoteswe muli zose, ne wana wawo cibitilila.

Wugubule 11:8

Ne mivimba yawo, yokwikala mu zibalabala ze likaya liwaha, ihanhu hono u Muwaha wawo yatumbicilwa mu musalaba, i litagwa lye colecezo ce likaya lilyo, yo Sodoma, hamba Misili.

Lutu 2:12

Holeka Muwaha Mulungu, u Mulungu we Waisilayeli, yakumotye so zizo zono wetuma. Kanyhi wutuje cihumbilizwa cono cimemeleceye, ku wulawa kuli yuyo Muwaha Mulungu we Waisilayeli, yuyo mono wumuzize ho yakukamise.”