Luka 13:11 - Luganuzi Luswanu Kuli Wanhu Wose 2002

¹¹ Baho hali na mucekulu mono yali mutamwa myaka yikumi na munana, yali yena licisi lyavu lyono lyali limwinjiye, na ku soko yiyo, u muwili wakwe yali yekunyile, hamba siyasumaga kugoloka hamba nhavi.

I CILAGANE CIPYA 1991

¹¹ Baho hah na mucekulu mono yali mutamwa myaka ikumi na munana, yali na icisi lyavu lyono lyali limwinjiye, na ku soko yiyo, u muwili wakwe yali yekunyile, hamba siyasumaga kugoloka hamba nhavi.

Luka 13:11 ပူးပေါင်းရင်းမြစ်များ

Jobu 2:7

Hobaho Setani yakawa kuwuka hali Muwaha Mulungu, yakawa kumupela Jobu mapu mawaha muwili wose, wulawilila mu magulu sunga ko kwi ndosi.

Zabuli 145:14

Muwaha Mulungu kawatazaga wose, wono wali mu wugaye, kanyhi kawenulaga wose wono wagwiye.

Zabuli 146:8

kanyhi Muwaha Mulungu, kawanuguzaga meso wono wabofuye. Muwaha Mulungu kawenulaga wono wagwiye, Muwaha Mulungu yawendile wono wali ling'ani.

Zabuli 38:6

Nekunga, nenama ho hasi, nghulila ko wukalale misi yose.

Zabuli 42:5

Alo nhawule nghalaye nhavivi mu nhumbula? Hamba nhawule nghugazika nhavivi? Alu hodu, nomwitumbilo Mulungu nomukumya, kanyhi Mulungu wangu no muponyi wangu.

Zabuli 6:2

Wumbonelaje lusungu, 'gwe go Muwaha Mulungu, hambi ane nha nili musocele, holeka wumhonye 'gwe go Muwaha Mulungu, hambi nha nghucicima sunga mo mu mafupa mugati.

Matayo 4:23

Yesu yapilimaga mose mu yisi ya Galilaya, yakwijiza mu matang'anilo go wuhembelo, no kuluganula u Luganuzi Luswanu lo Wutemi wo Mulungu. No kuponya i mawala gose go wutamwa no wunyenyanjice wa muli wanhu.

Maluko 9:21

“Alu zizino zamwijelela ku wulawa nili?” Nayo yakapitula, yakatya, “Kulawa wudodo wakwe.

Luka 13:12

Yesu yaza kumuwona yakamucema, yakamutya, “Yaya, waponywa wutamwa wako.”

Luka 13:16

Alu yuyu, nayo mwana wa Abulahamu, mono Setani yali yamulemaze mu myaka yiyi yikumi na munana, wulenyi, si vyali viswanu kumuponya mu wutamwa wakwe wuwo mwizuwa lye Sabato?”

Luka 21:28

Ninga gaga kolo gakwamula kwijela, mwinule mitwe yenyu mugalamile kucanyha, vyono wukombozi wenyu wasejelela.”

Luka 8:2

Hamonga ne wacekulu wanji wono Yesu yawaponya macisi ne zinhamwa zinji, nawo wali wali hamonga nayo. Wawo wo wa Malyamu mono (yacemwaga Magadalena,) muli yuyo galawa macisi mupunghati.

Luka 8:27

Nayo Yesu yaza kutima mu'si viketang'anila na munhu monga mono yali yena macisi, yakulawa mwi'kaya, u munhu yuyo mu vilo vinji si yavwalaga myenda, hamba si yekalaga mu kaya, langa yekalaga mu vitenjelo.

Luka 8:43

Na mumo mwi'puga lye wanhu, mwali na mucekulu yunji mono yali yena wutamwa wo wuzaze we sakami myaka yikumi na myejete, [nayo hamba yawe yali yetumamila sawo yakwe yose mu waganga,] ninga hasina hamba yumonga mono yasuma kumuponya.

Metumo ge Watumwa 3:2

Na baho behi no mulango we Nyumba yo Mulungu, wono wucemwaga “Mulango muswanu,” hali hoyuli munhu yumonga, mono yali yali citewe kulawa vyono yalelwa. Wanhu wamudinghulaga nhondo zose, no kumuwika baho, ho yelombeleze vye lihewa kuli wanhu wono wenjilaga mu Nyumba yo Mulungu.

Metumo ge Watumwa 4:22

Nayo u munhu yuyo mono yaponywa nha yali yaficile myaka makumi mane no musapu.