Luka 11:9 - Luganuzi Luswanu Kuli Wanhu Wose 2002

⁹ “Nane nghumutyenyi: Lombenyi mopegwa; londolenyi nanye motuga; mukong'onhe nanye modigulilwa.

I CILAGANE CIPYA 1991

⁹ “Nane nghumutyenyi: Lombenyi mopegwa; londolenyi nanye motuga; mukongʼonhe nanye modigulilwa.

Luka 11:9 ပူးပေါင်းရင်းမြစ်များ

Zabuli 118:5

Nane mu wugaye wangu, nghamulilila Muwaha Mulungu, nayo yakahulika, yakamhonya.

Zabuli 27:4

Hoyili nghani monga du yono nimulombile Muwaha Mulungu, nghani monga du yono nghuyilondola, nayo yoyi, “Nikale mu nyumba yo Muwaha Mulungu, vilo vyose vyo wikale wangu, niwuwone wuswanu wo Muwaha Mulungu, no kuwulondola wutonji wakwe mu Nyumba yakwe.”

Zabuli 27:8

Nghwihwesa zono walonga wukatya, “Wuze kuli'ne!” Nane nghukuziza, gwe go Muwaha Mulungu.

Zabuli 34:10

Sunga ne zisimba nazo hanji, si zitugaga co kulya, ninga wono wamogopilo Muwaha Mulungu, wakwizize vyose.

Zabuli 34:4

Nghamulomba Muwaha Mulungu, nayo yakahuliciza, yakambusiza woga wangu wose.

Zabuli 50:15

Ale wunyhemaje lono wuli mu wugaye, nane nokuponya, nagwe konghumya.”

Lwimbo Luswanu muno 5:6

Hobaho, nghawa kumudigulila mulango mwendece wangu, ninga kumbe yali yakondya kuwuka, yabita. Hee! Mwene! Nane ho nali nyendile kulihulika lizi lyakwe. Hodu, nghawa kwanza kumulondola, ninga hamba si namuwona yaye. Nghamucemeleza, ninga hamba si yedika yaye.

Isaya 45:19

Nane hamba si nonjile zizi cinyele, hamba kuwuhundika yaye wuhile wangu. Hamba lunji kuwalomba wanhu wa Isilayeli ho wandime mu yisi nyhiwa yono ndekwe. Ane yo nene no Muwaha Mulungu, nane nghulonga ze mbeka, no kuzinoza zo mugoloka zimanyice.”

Yelemiya 29:12

Nanye molonyhemeleza. Kanyhi molonyiziza, mololomba, nane nolomupitulenyi.

Yelemiya 33:3

“Wunyheme 'ne, nane nokupitula, nane nokulajila zinghani zimbaha, zono si wuzimanyile yaye.

Danyeli 9:3

Nane nghamulomba Muwaha Mulungu ko winenenyhezi, nghaleka kulya, nghavwala magunila, nghawa kwikala mu mavu.

Matayo 21:22

Na hono muwe no wihuwilo du, co cose cono mocilomba mu wulombe wenyu, cico mocituga.”

Matayo 21:31

Alu wa hayi wa muli wawa i wejete mono yetuma u wuhile wo sogwe?” Nawo wakamupitula wakatya, “Yuyulya u mwana mulongozi.” Yesu yakawatya, “Nane nghumulonjelenyi mbeka, vyono i watoweza kodi, sunga ne wasenyha, womulongolelenyi kwinjila mu wutemi wo Mulungu.

Matayo 6:29

Ninga nghumulonjelenyi mbeka, vyono sunga no mutemi Solomona mweneco, hamonga ne nhojo yakwe, hamba si yasuma kuvwala myenda miswanu nha vyono linha limonga lye maluwa gaga.

Maluko 11:24

Holeka nghumutyenyi, lono mukulomba no kusaka cinji, mwihuwile du vyono mwakondya kupegwa, nanye mozituga.

Maluko 13:37

Na zono nghumulonjelenyi nyenye, nghuwalonjela na wose, nghutya, Mwikalaje meso!”

Luka 11:10

Hambi mono yakulomba nha yakupegwa; na mono yakulondola, yakutuga; na mono yakukong'onha, yakudigulilwa.

Yohana 14:13

Na yo yose yono molomba mwitagwa lyangu, nokwituma, ho Sogo yo Munhu yakumizywe muli mwanagwe.

Yohana 15:16

Anye si mwanyihaga ane, langa ane yo namwihajenyi nyenye, kanyhi nghawa kumuwagulenyi ho mubite mukalele mikalo, i mikalo yono yikalaga, nayo Baba ho yasume kumupelenyi co cose cono mukumulomba mwitagwa lyangu.

Yohana 15:7

Hono mwikale muli nene ne zinghani zangu hono zikale muli nyenye, ale, mulombe co cose cono mukusaka, nanye mopegwa.

Yohana 4:10

Yesu yakamupitula yakamutya, “Mhali wuwe wumanyile i cipegwa ca kuli Mulungu, nayo yo nani mono yakukutya, wumhele malenga ning'we, nagwe wali wumulombe, nayo yali yakupele malenga go wumi.”

Walumi 2:7

Awalya wono wakulondola u lukumyo ne lilumbo vyo Mulungu no wusangalale, no kuwulondola uwumi, wawo wotuga u wumi we cibitilila.

2 Wakolinto 6:2

Hambi u Mulungu nha yakutya nhavi; “Mwi'daha lyono lyali linojeye, lo nakuhulicila. Mwi'zuwa lyono lyali linojeye wuponywe, baho ho nakutaziza.” Lanje, aluno ho hanojeye muno muno, kanyhi izuwalili lyo lizuwa lye mhonelo!

Wahebelaniya 11:6

Holeka si yosumika kumwendeza u Mulungu hono hasina wihuwilo. Vyono u munhu wo wose mono yakusaka kumwendeza u Mulungu, yimunojeye yehuwile vyono u Mulungu yali baho, na kanyhi vyono u Mwene kawakamisaga wose wono wakumulondola.

Wahebelaniya 4:16

Holeka cisejelele kwi'goda lye lihewa lyo Mulungu, cisina woga, ho ciwonelwe lusungu, kanyhi cilituje ne lihewa lyono lyosuma kucitaza mwidaha lono cikusaka u wutazi.

Yakobo 1:5

Na hono muyenyu yunji yawe yanjiye mahala, ale, yimunojeye yamulombe Mulungu mono komupela, hambi Mulungu nha kawapelaga wose ko winji, na kwe nhumbula swanu.

Yakobo 5:15

Na hono walombe wehuwiye yuyo mutamwa koponywa, u Muwaha komupela ciba, no wubi wono yali yetuma wonenelwa.

1 Yohana 3:22

nase cosuma kubocela co cose cono colomba, hambi nha cigebate malajilizo gakwe, no kwituma zono zikumwendeza.

Wugubule 2:24

“Ninga anye mo wanji mono muli kuko ku Tuwatila, mono si mukugatyatye mafundo gakwe yuyo Yezebeli, na kanyhi mono si mweyijiza cico cono wakucicema wakutya, ‘Ze cinyele za Setani,’ nghumulonjelenyi vyono si nomutwicenyi mutegulo wunji.