Luka 11:32 - Luganuzi Luswanu Kuli Wanhu Wose 2002

³² I wanhu wa Ninawi wolokwima ha wuling'anizwe wo lulelo lulu, nawo wololuwona vyono lwina masutya. Hambi wene nha wanena so wuganule wa Yona; na langa ta, mono yamucizize Yona yali baha.”

I CILAGANE CIPYA 1991

³² I wanhu wa Ninawi wolokwima ha wulingʼanizwe wo lulelo lulu, nawo wololuwona vyono lwina masutya. Hambi wene nha wanena so wuganule wa Yona; na langa ta, mono yamucizize Yona yalibaha.”

Luka 11:32 ပူးပေါင်းရင်းမြစ်များ

Yona 3:4

Yona yali yeza kwinjila mwi'kaya, muhinzo we zuwa limonga, yakanza kuwalonjela yakutya, “Kolo vikupuluta vilo makumi mane, Ninawi yokongomezwa!”

Yona 3:5

Nawo i wanhu wa Ninawi wakehuwila i nghani yo Mulungu. Holeka wakawa kulamula nha vyono wanhu wose walece kulya, ne wanhu wose, ku wulawa wanhu mututu, sunga ne wadodo wose wavwale magunila, ho walajile nha vyono wakondya kunena.

Yona 4:9

Ninga Muwaha Mulungu yakamutya, “Alo nhawule wukucikalalila cilimwa?” Yona yakapitula yakatya, “Heya, ane nina soko yono yikuleka nghukolwa likuwo, sunga nifwe!”

Matayo 12:39

Nayo Yesu yakawapitula yakawatya, “Ululelo lubi kanyhi lono si lumogopile Mulungu! Mukusaka citanjilo, si mopegwa i citanjilo co cose, langa citanjilo ca Yona u muwizi.

Matayo 12:41

Ne wanhu wa Ninawi, wolokuza he zuwa lyo wuling'anizwe nawo walaluhosa u lulelo lulu nha vyono lusutizye. Hambi Waninawi nha wanena, so wuganule wa Yona. Na kumbe yali baha mono yamucizize Yona!

Luka 11:31

U mutemi we cicekulu wa kutakama, kolokwima ha wuling'anizwe we wanhu wo lulelo lulu, nayo kololuwona vyono lwina masutya. Hambi mwene nha yaza kulawa kutali, yakaza yahulicize mahala ga Solomona; kumbe mono yamucizize Solomona, yali baha.

Wahebelaniya 7:26

Holeka Yesu yo Mukohani Muwaha mono kocikwila muno muno mu visakwa vyetu. U mwene Yelile, yasina hamba yilema, hamba wubi muli mwene musina, yali musina mwipuga lya wanyo wubi, nayo yenuywe sunga ko ku wulanga.