Luka 11:2 - Luganuzi Luswanu Kuli Wanhu Wose 2002

² Yesu yakawatya, “Kolo mukulomba mweze kutya, ‘Baba, Itagwa lyako lyezwe, Wutemi wako wuze.

I CILAGANE CIPYA 1991

² Yesu yakawatya, “Kolo mukulomba mweze kutya, ‘Baba, Itagwa lyako lyezwe Wutemi wako wuze.

Luka 11:2 ပူးပေါင်းရင်းမြစ်များ

1 Watemi 8:43

wumuhulice wulombe wakwe. Wamuhulice wulombe wakwe kuko ku wulanga kono wikaye, kanyhi wumutendele zose zono yakukulomba. Ne wanhu wose wa mono'nze holeka wakumanye no kukuhulika gwegwe, nha vyono wanhu wako wa Isilayeli wakukuhulika. Kanyhi ho womanya nha vyono Nyumba yiyi yono nzenjile, ho hanhu hono hanojeye wakuhembele gwegwe.

2 Watemi 19:19

Holeka aluno go Muwaha Mulungu go Mulungu wetu, cikukunena wuciponye mu miwoko ye Waashuli. Ne makungugo gose ga mononze, ho gomanya nha vyono yo gwegwe du wuli wene, go Muwaha Mulungu.”

2 Zinghomo 20:6

Yakalomba kwe'zi waha yakutya, “Gwe go Muwaha Mulungu we walezi wetu, mono wutemile muli makungugo gose ga mono'nze, kuko ku wulanga. Yo gwegwe du mono wuli vilungo, hamba hasina munhu wo wose mono kosuma kukwimila nghani yo yose.

Zabuli 103:20

Nanye nyo wamalayika mono muli vilungo, mumukumye Muwaha Mulungu, mukumyenyi anye mono mwibate ze malajilizo gakwe, mono mwibate ne nghani yakwe!

Zabuli 108:5

Gwe go Mulungu, wulawiliciye ku wulanga kucanyha, no lukumyo lwako luficile mono'nze yose.

Zabuli 11:4

U Muwaha Mulungu, yali mu Nyumba yakwe yono Yelile, ne ligoda lyo wutemi lyo Muwaha Mulungu, lili ku wulanga. Meso gakwe gakuwalanga wanhu wose, nayo yazimanyile zose zono wakwituma.

Zabuli 57:11

Wunojeye wukumywe, ko ku wulanga 'gwe go Mulungu, ne nhojo yako yiwe mu yinze yose.

Muganuzi 5:2

Kanyhi weze kwamula kwihwesa lono wukali si nalonga cinji, hamba wulece kuwa wuli mupelu ku wihuwiza co cose kuli Mulungu, hambi Mulungu nha yali ku wulanga nagwe wuli mono'nze. Holeka wulece kulonga nghani nyinji nha vyono yikunojeye.

Isaya 63:16

Hambi'gwe nha wuli sogo yetu. Sunga ne walezi wetu Abulahamu na Yakobo, si wacimanyile ase yaye. Ninga agwe go Muwaha Mulungu, agwe yo gwegwe sogo yetu. Yo gwegwe mono kuciponyaga nhondo zose.

Ezekiyeli 36:23

Ninga nane kolo neza kuwalajila we makungugo zo wuwaha wo wele we litagwa lyangu, i litagwa lyono lyatajililwa cevu muli wene, nawo baho ho womanyila vyono ane yo nene Muwaha Mulungu. Vyo nghutya, ane no Muwaha Mulungu. Ane nomwitumamilenyi nyenye du, ho niwalajile makungugo, nha vyono ane nyelile.

Danyeli 2:28

Langa Mulungu du wa ku wulanga, mono kagubulaga zono hundikwe no kuzilajila calinze. Alu kakulajila Gwe go mutemi zono zokwijelela agwe ku mwande. Holeka nokuloloseza ze ndoto hamonga no wugubulilwe wono wapegwa lono wali wugonile.

Danyeli 2:44

Na mu vilo vyo wutemi wuwo wose, Mulungu wa ku wulanga, kolowusimya wutemi wunji wono siwuladuma yaye, hamba kusumwa yaye. No wutemi wuwo, wolowongomeza wutemi wose, ninga wene wokwikala cibitilila ne cibitilila.

Danyeli 7:18

Nawo i wanhu wo Mulungu Mono Yalawiliciye, wolowubocela wutemi, no kutema cibitilila.”

Danyeli 7:27

Baho, i vilungo no wuwaha wo wutemi wose wa mono'nze, wolopegwa i wanhu wo Mulungu Mono Yalawiliciye. Ne vilungo vyo wutemi wawo, si viladuma yaye. Ne watemi wose wa mono'nze, wolowetumamila no kuwahulika.”

Hoseya 14:2

Muwuyilenyi Muwaha Mulungu, no wulombe awu wuwe co cilavywa cenyu kuli mwene. “Gwe Muwaha Mulungu, wucinenelaje wubi wetu wose, kanyhi wubocele wulombe wetu nase cokukumya agwe nha vyono cehuwiza.

Walawi 10:3

Hodu, Musa yakamulonjela Haluni yakatya, “Gwe Haluni, ayi yo nghani yono Muwaha Mulungu yayilongaga, lono yatya nhavi, ‘Munhu wo wose mono yakunyitumamila, yimunojeye yawupele cogopo u wele wangu, nane holeka noyilajila nhojo yangu kuli wanhu.’ ” Ninga mwene Haluni hamba si yapitula cinji yaye.

Walawi 22:23

Langa mu vilavywa vye lihewa, mosuma kulavya mutugo we cilema hamba yono yicepuciywe vilunzwa vyayo vinji. Ninga mu vilavywa vyo wilahize, mutugo wuwo si wovumilwa yaye.

Habakuki 2:14

Ninga yinze yolowa yimemile wumanye wo lukumyo lo Mulungu nha vyono lilenga limemile malenga.

Matayo 10:32

“U munhu wo wose mono yakumvumila calinze, nha vyono wangu, ale, nane nhavivyo, nomuvumila hali Baba mono yali ku wulanga.

Matayo 3:2

“Ale munene, hambi u wutemi wa ku wulanga nha wasejelela.”

Matayo 5:16

Nha vivyo vyo yinojeye no wuzelu wenyu wumulice hali wanhu, ho wagawone imetumo genyu maswanu, nawo wamulumbe u sogo yenyu wa ku wulanga.

Luka 11:1

Mwi'zuwa linji, lono Yesu yalombaga hanji, yaza kondya kulomba, yunji muyagwe ne wejizwa wakwe, yakamutya, “Muwaha cikukunena wucijize na sese kulomba nha vyono Yohana u Mubaputizi yawejiza iwejizwa wakwe.”

Walumi 1:7

Holeka, nghumwandicilenyi anye wose mono muli kuko ku Lumi, iwendece wo Mulungu, mono mwasiwanulwa Nayo ho muwe wanhu wakwe. Nghumulombelenyi ilihewa no mulamu, vyono vikulawa kuli Mulungu u Sogo yetu, no Muwaha Yesu Kilisito.

Walumi 8:15

Hambi u Muhe mono mwamubocela, nha si Muhe mono komunozenyi muwe wawanda kanyhi, no kumuwicenyi mu woga, ninga mwamubocela u Muhe mono yakumunozenyi anye, ho muwe wana wo Mulungu, na mu vilungo vyo Muhe yuyo, nase cosuma kumucema u Mulungu, “Aba” wo wutya, “Baba.”

1 Wakolinto 1:3

Ilihewa no mulamu, wono wukulawa kuli Mulungu u Sogo yetu, na kuli u Muwaha Yesu Kilisito, viwezane nanye.

2 Wakolinto 1:2

Ilihewa no mulamu vyono vikulawa kuli Mulungu u Sogo yetu, na kuli u Muwaha wetu Yesu Kilisito, viweze muli nyenye.

Wagalatiya 1:4

Kilisito yelavya mweneco ku soko yo wubi wetu, ku soko yo wendo wo Mulungu wetu no Sogo yetu, ho yaciponye mu yinze yiyi yimbi ya lulu.

Waefeso 1:2

Nghumulombelenyi lihewa no mulamu vyono vikulawa kuli Mulungu u Sogo yetu na kuli Muwaha Yesu Kilisito.

Wafilipi 1:2

Ilihewa no mulamu vyono vikulawa kuli Mulungu Sogo yetu, no kulawa kuli Muwaha Yesu Kilisito.

Wafilipi 4:20

Ale u lukumyo lweze kuli Mulungu wetu no Sogo yetu, cibitilila ne cibitilila. Heya.

Wakolosayi 1:2

cikumwandicilenyi anye mo wanhu wo Mulungu mono muli ku Kolosayi, mo wandugu zetu wehuwilwa muli Kilisito. Ilihewa no mulamu wono wukulawa kuli Mulungu u Sogo yetu viwezane nanye.

1 Watesalonike 1:1

Ane Pawulo, hamonga na Silivano na Timoteyo, cikumwandicilenyi anye mo mhuga ye likanisa lya ku Tesalonike, mo wanhu wo Mulungu Baba, no Muwaha Yesu Kilisito. Lihewa lyeze muli nyenye hamonga no Mulamu.

1 Watesalonike 1:3

Nase cikumukumbucilenyi hali Mulungu Baba, vyono mukulajila u wihuwilo wenyu mu witume, na vyono u wendo wenyu wo wukumupelenyi u witume wo wupiligazi, kanyhi na vyono u witumbilo wenyu wukamile muli u Muwaha wetu Yesu Kilisito.

2 Watesalonike 2:16

Nase cikumulomba u Muwaha wetu Yesu Kilisito mweneco, hamonga no Mulungu Baba mono yacenda, na so lihewa lyakwe yakacipela u wutuzwe we cibitilila hamonga no witumbilo wuswanu,

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Wugubule 15:4

Go Muwaha, alo nani'mbi mono si yakogopile gwegwe? Hamba nani'mbi mono si yakulikumya ilitagwa lyako? Agwe yo gwegwe mono welile du wuli wene. Ne makungugo gose gokuza kwako ho gakuhembe, hambi i metumo gako, nha gali ling'ani kanyhi gejeye ne wanhu wose.”

Wugubule 19:6

Hanyuma kanyhi nghahulika lizi yiwaha lye lipuga yiwaha lye wanhu, na lye malenga menji, na lye mabalalusi mawaha, nalyo lizi lilyo likutya, “U Mulungu yalumbwe! Hambi u Muwaha, u Mulungu wetu, u Mudaha vyose, nha yo Mutemi!

Wugubule 20:4

Nghawona magoda ge citemi hamonga ne wanhu wono wali wagekaliye. I wanhu wawo, wakapegwa vilungo vyo kuling'aniza. Nghawona kanyhi ne zinhumbula za wono wadumulwa mitwe yawo ku soko yo kumuganula Yesu, na ku soko yo kuyiganula nghani yo Mulungu. Wawano wo wawo wono si walihemba lilimu lililya hamonga ne cihwani calyo, kanyhi hamba si wawicilwa citanjilo mu mahanda go wusu wawo, hamba mu miwoko yawo. Wakawumipa kanyhi, no kutema hamonga na Kilisito myaka elufu monga.