Luka 10:40 - Luganuzi Luswanu Kuli Wanhu Wose 2002

⁴⁰ Ninga Malita yepiganzaga na milimo minji. Malita yakamubitila Yesu, yakamutya, “Ati Muwaha, si wukuwona vyono vibi, hono mwanakwetu yakundeceleza nitumame nili wene? Ale wumutye yanhaze.”

I CILAGANE CIPYA 1991

⁴⁰ Ninga Malita yepiganzaga na milimo minji Malita yakamubitila Yesu, yakamutya, “Ati Muwaha si wukuwona vyono vibi hono mwanakwetu yakundeceleza nitumame nili wene? Ale umutye yanhaze.”

Luka 10:40 ပူးပေါင်းရင်းမြစ်များ

Matayo 14:15

Yaza kuwa cinyamihe, i wejizwa wakwe wakamubitila, wakamutya, “Alu ahano nha nyika, ne lizuwa alu lyaswa. Holeka wuwelagaje i wanhu, ho wasume kubita wakegulile ndigwa ku vitumbi.”

Matayo 16:22

Baho Petelo yakamusola Yesu, yakamuteza hamhelo hadodo, yakamutacila, yakutya, “Gwe Muwaha, yilece kuwa nhavivyo! Inghani yiyi si yo kwijelela ng'o.”

Maluko 3:21

Ale, iwanduguze za Yesu waza kuyihulika inghani yiyo, wakabita kumwibata, hambi i wanhu nha watezaga vyono yamangha lukwale.

Luka 10:38

Ale, lono wajendaga, wakenjila mu citumbi cinji, na mucekulu yunji litagwa lyakwe Malita, yakawabocela ku nyumba yakwe.

Luka 10:41

Ninga Muwaha yamupitula yakatya, “Gwe Malita, Malita, nhawule wukwigaza no kwihwelela ku soko ya vinhu vinji,

Luka 12:29

Holeka mulece kugazika mu mahala genyu, akuno mukuhangawicila cono molya, hamba cono mong'wa.

Luka 9:55

Yesu yakapituka yakawatacila. [Yakatya, “Si mumanyile vyono winha muhe wenyu.”]

Yohana 11:1

Munhu yunji, litagwa lyakwe Lazalo munya Betaniya, yali yatamigwe. (Icitumbi ca Betaniya, ho hanhu hono wekalaga wa Malita no mwanakwawe Malyamu.

Yohana 11:5

Yesu yali yawendile wa Malita, no mwanakwawe Malyamu, na Lazalo.

Yohana 12:2

Wakamwitumamila kuko ndigwa za cinyamihe, nayo Malita yakawa kuwetumamila. Ninga Lazalo yali muyagwe na awalya wono wali wekaye ha zindigwa hamonga na Yesu.

Yohana 6:27

Mulece kuyipiligalila indigwa yono yihodanjikaga, langa muyipiligalilaje indigwa yono yikalaga sunga ku wumi we cibitilila. U Mwana wo Munhu mono u Sogwe yamuwicila i citanjilo, yo komupelenyi indigwa yiyo.”