Luka 10:21 - Luganuzi Luswanu Kuli Wanhu Wose 2002

²¹ Mu cipango cico Yesu yakamemywa Muhe Mono Yelile yakatya; “Nghukulumba, Gwe Baba, Mukala wulanga ne yinze, vyono kuzihundika zizi kuli we mahala no wizuce, wukawagubulila i wadodo, heya Baba, vyo yakwendeza gwegwe.”

I CILAGANE CIPYA 1991

²¹ Mu cipango cico Yesu yakamemywa Muhe Mono Yelile yakatya; “Nghukulumba, Gwe Baba, Mukala wulanga ne yinze, vyono kuzihundika zizi kuli we mahala no wizuce, ukawagubulile wadodo, heya Baba, vyo yakwendeza gwegwe.”

Luka 10:21 ပူးပေါင်းရင်းမြစ်များ

Zabuli 24:1

Yinze hamonga na vyose vyono vili mugati yayo, yo sawo yo Muwaha Mulungu, yinze hamonga na wose wono wekaye mumo, yo sawo yakwe.

Zabuli 25:14

U Muwaha Mulungu, yawendile wose wono wakumuhulika, nayo kawamanyizaga ze cilagane cakwe nhondo zose.

Zabuli 8:2

Ne milomo ye wana wadodo na wono wakongha, yose yikukukumya gwegwe. Agwe wizenjeye ligomawakali, kuwemila walugu wako, nagwe kuwapezyaga i walugu wako.

Isaya 29:14

Ninga nane nowatowa nhinicizo kali kenji. Na muli wanhu wawo we mahala, wolelepa, nawo wasugu, no wusugu wawo wowa wa bwete du.”

Isaya 35:8

Kanyhi baho holowa na nzila mbaha, ne nzila yiyo yolocemwa “Nzila yo Wele.” No munhu mubi si koloyikola nzila yiyo langa yowa ku soko ye wanhu wono wayityatizye hamba wawe walele, ninga si wokwajilila mu nzila yiyo.

Isaya 53:11

Nayo yalaza kuwa yapuluta mu magazo, hanyuma kolowa na nyemo, baho ho komanyila vyono kumbe magazo gakwe si gali ga bwete yaye. U mwitumami wangu mwihuwilwa mono nyendezwe nayo, yuyo yo kowudinghula wuling'anizwe wa wenji, nane nowanenela ku soko yakwe.

Isaya 62:5

Kokwihwana nho muzelelo mono yakumusola muhinza mono si yamanyile walume, yawe bibi halusi wakwe. Holeka nagwe, yuyo mono yakuwumba, yuyo yo mono kokutola agwe. Kanyhi nha vyono bwana halusi kendezwaga na bibi halusi wakwe, Ale nhavivyo no Mulungu wako nayo vyo kokwendezwa nagwe.

Isaya 66:1

Muwaha Mulungu yakutya nhavi, “U wulanga lye 'goda lyangu, nayo yisi, wo wukanyago we magulu gangu. Alo ho monzenjela kaya yono yinha wule, yono ane nosuma kwikala, hamba hayi hene hono ane nosuma kwinjila nikale mumo?

Zefaniya 3:17

Muwaha Mulungu wako, yali hamonga nagwe, ne vilungo vyakwe, vyokupela wusume. Muwaha Mulungu, kotuga wendezwe kuli'gwe, na mu wendo wakwe, kokupela wumi. Kokwimbila no kukusangalalila

Matayo 16:17

Nayo Yesu yakamutya, “Wuli mulugutwe, agwe Simoni go mwana wa Yona, hambi nha si munhu mono yakugubuliye i mbeka yiyi, langa Baba mono yali ku wulanga.

Matayo 21:16

Hobaho wakamutya Yesu, “Alu ho siwukuhulika vyono wakutya?” Nayo Yesu yakawatya, “Heya nghuhulika! Alu anye, mukali si nagasoma lo Mandiko gaga Gono Gelile? Gono gakutya, ‘Kuwejiza iwana wadodo, sunga ne wagalika wose, ho wakulavizye lilumbo lyono likwilaniciye!’ ”

Matayo 3:7

Ninga yaza kuwawona i Wafalisayo ne Wasadukayo wenji, wakumuziza ho yawabaputize, u mwene yakawalonjela yakatya, “Anye nyo lulelo lwe zinzoka! Alo nani mono yamulonjelenyi vyono mosuma kwilega ilikuwo lyono likuza?”

Maluko 10:15

Nane nghumulonjelenyi mbeka, vyono, munhu wo wose mono siyakuwubocela u Wutemi wo Mulungu nha mwana mudodo, hamba sikokwinjila mu wutemi wuwo ng'o.”

Luka 15:5

“Na kolo yayiwona, yakuyiwegala mu mawega gakwe yasangalaye.

Luka 15:9

Nayo kolo yakuyiwona, yakuwacema wendece wakwe ne wayagwe, yakutya, ‘Cisangalalane nane, hambi nha nayiwona silinje yangu yono nali nyajilize.’

Yohana 11:41

Hodu, wakawa kuliwusa libwe. Nayo Yesu yakagalamila ku wulanga, yakatya, “Baba nghukulumba vyono agwe wukuhuliciza ane.

2 Wakolinto 4:3

Hambi u Luganuzi Luswanu lono cikuluganula, hono luhundikwe, lowa luhundikwe kuli wono wakwajilila du.

Waefeso 1:11

Ivinhu vyose vinozezwaga mu wuhile no wulamuzi wo Mulungu, nayo u Mulungu yakacihagula ase, ho ciwe wanhu wakwe mu wendo wakwe, so wilunze wetu na Kilisito, ku soko yo wutemye wakwe wo wulawa mwamulizo.

Waefeso 1:5

U Mulungu yali yehwesize ku wulawa mwa mulizo vyono yacilete kwakwe ho ciwe wakwe mu nzila ya Yesu Kilisito. Vyo yali yendile na vyo yali yehwesize.