Luka 10:14 - Luganuzi Luswanu Kuli Wanhu Wose 2002

¹⁴ Hamba nhavivyo, mwi'zuwa lyo wuling'anizwe, anye molobocela wulipicizwe wuwaha muno, sinha we wanhu wa Tulo na Sidoni.

I CILAGANE CIPYA 1991

¹⁴ Hamba nhavivyo, mwizuwa lyo wulingʼanizwe, anye molobocela wulipicizwe wuwaha muno, sinha we wanhu wa Tulo na Sidoni.

Luka 10:14 ပူးပေါင်းရင်းမြစ်များ

Yoweli 3:4

“Alo nanye nyo Tulo na Sidoni, hamonga ne zi'si zose ze Wafilisiti, mukusaka mwitume nghanici kuli'ne? Hono muwe mukusaka kwituma nghani yinji yo yose kuli'ne, ale, ko kwenyu, ninga nane nomugomolelenyi nanye musunho zo wulipicizwe wenyu.

Amosi 1:9

Muwaha Mulungu yakutya, “Iwanhu wa Tulo, nawo wetuma wubi kali kenji. Na ku soko yiyo, nane nowalipiciza. Hambi nha wayisola nghungugo yose no kuyihamizizya ku yisi ya Edomu wawe wawanda, hamba siwacikumbucila ne cilagane ce ndugu cono wacinoza.

Amosi 3:2

“Muli makungugo gose ga mono yinze, ane nghamumanyenyi nyenye no kumukamisenyi. Na yiyi yo yikuleka no wubi wenyu wukuwa wakogofya. Holeka nane yinojeye nimulipicizenyi so masutya genyu.”

Matayo 10:15

Mbeka nghumutyenyi, Mwizuwa lye ning'aniza, ilikaya lilyo lyolotuga wulipicizwe wuwaha muno kuciza, si nho wulipicizwe wulya wono galipicizwa i makaya ga Sodoma na Gomola.”

Matayo 11:21

“Woyi he, kuli'gwe go Kolazini, woyi he, kuli'gwe, go Betesayida. Hambi i mapoto gono ganozezwa kuli'gwe, hono gali ganozezwe ku Tulo na Sidoni, iwanhu wa mumo mhali wavwala katali vivwalo vye magunila, no kwibaka i mavu, ho walajile vyono wanena.

Yohana 3:19

Ne ning'aniza yeneco nha yoyi, uwuzelu waza kononze, ninga wanhu wakenda wutitu si nho wuzelu, vyono metumo gawo mabi.

Walumi 2:1

Holeka go munhu, wusina cikojelo, mono wukuwaling'aniza iwayago, hamba wuwe vyono winha. Hambi hono wukuwaling'aniza i wanji, nha wukwilijita go mweneco, ku soko vyono na gwegwe go mweneco, nha wukwituma zizo zono wukuwaling'aniza iwayago.

Walumi 2:27

Iwanhu wono si Wayahudi, wokuling'aniza agwe go Muyahudi kotya nha wuli mubena Wulajilize, hamba wuwe wina imandiko go Wulajize, na kanyhi walame, na kumbe wene ho wakwituma zo Wulajilize, hamba wawe si walame yaye.