Luka 1:72 - Luganuzi Luswanu Kuli Wanhu Wose 2002

⁷² Yakatya, kowawonela lusungu walezi wetu. No kukumbucila cilagane cakwe cono celile.

I CILAGANE CIPYA 1991

⁷² Yakatya, kowawonela lusungu wasogo zetu. No kukumbucila Cilagane cakwe cono celile.

Luka 1:72 ပူးပေါင်းရင်းမြစ်များ

Mwamulizo 12:3

“Nayo mono kokulugutiza, nane nomulugutiza. Nayo mono yakukulijita, nane nomulijita. Ne zimhuga zose za kono'nze zolomotela muli gwegwe.”

Mwamulizo 22:18

Na muli lulelo lwako, imakungugo gose mo golugutizizwa vyono agwe kulihulika lilajilizo lyangu.”

Mwamulizo 26:4

Kanyhi nolunoza lulelo lwako, luwe lwinji nha vyono zinha zinyelezi za ku wulanga, hamonga no kuwapela zi'si zizino zose. Kanyhi ne zinghungugo zose zolugutizizwa muli gwegwe,

Mwamulizo 28:14

No lulelo lwako, wowa wenji muno nho muhangha wa mono'nze, nagwe kotandala mose, kumwezi, kucilima, kusumuka, na kutakama. Na muli gwegwe no lulelo lwako, i zinghungugo zose mo zolugutizizwa.

1 Zinghomo 16:16

I cilagane cono yacinoza na Abulahamu no wihuwizo wono yamwihuwiza Isaka.

Zabuli 105:42

Mulungu yakakumbucila, cilagane cakwe cono celile, cono yalagana no mwitumami wakwe Abulahamu.

Zabuli 106:45

Mulungu yakacikumbucila cilagane cakwe, na ku soko yo lusungu lwakwe lwinji, hodu yakawa kulituza likuwo lyakwe.

Zabuli 111:5

Mwene kawalisaga wono wamogopile mwene, hamba si kacisemwaga cilagane cakwe yaye.

Zabuli 98:3

Kawukumbucila wuswanu wakwe, no wihuwilwa wakwe kuli wanhu wa Isilayeli. Nazo zimbavu zose ze yinze zakondya, kuwuwona wusume ne vilungo vyo Mulungu wetu.

Ezekiyeli 16:60

Ninga ane nocikumbucila cilagane cono nacinoza nanye, lono mwali mukali wadodo. Na kanyhi nonoza cilagane nanye, cono cokwikala cibitilila.

Ezekiyeli 16:8

“Ninga nali neza kukola lwe kejete, nghawona nha vyono, alu cipango cakondya kufika, co kukwenda. Hobaho nghawugubika muwili wako ne likoti lyangu, nghakwihuwiza, nghanoza cilagane nagwe nha vyono nokutola, nagwe ku wulawilila baho, wukawa wuli wangu.” Azi zo Muwaha Mulungu yakutya.

Walawi 26:42

nane ho nolocikumbucilila cilagane cangu kuli Yakobo na Isaka, hamonga na Abulahamu. Nane nolowusipula wihuwizo wangu wo kuwapela yisi wanhu wangu.

Mika 7:20

Agwe kolajila wihuwilwa wako no lusungu lwako kuli wanhu wako, mu lulelo lwa Abulahamu na Yakobo, nha vyono wawehuwiziza i walezi wetu ku wulawa mu vilo vye katali.

Walumi 11:28

Ninga i Wayahudi, vyono wakululema u Luganuzi Luswanu lo Mulungu, waweza vili sili no Mulungu, ninga so cambuzi cenyu anye mo wanhu mono si muli Wayahudi. Ninga vyono wahagulwa no Mulungu, holeka wakali vyo wendece wo Mulungu ku soko ye walezi wawo.

Walumi 9:4

Wawo wo wanhu wa Isilayeli, wono u Mulungu yawasiwanula wawe wanagwe, nayo yakawapela no lukumyo lwakwe, vikalagana nawo, yakawapela lilajilizo lyakwe, wihuwilo we mbeka no wihuwizo wakwe.