Luka 1:7 - Luganuzi Luswanu Kuli Wanhu Wose 2002

⁷ Ninga wali wasina mwana, vyono Elizabeti yali mugumba, nawo wene Zekaliya na Elizabeti, wose wali wakombipa muno.

I CILAGANE CIPYA 1991

⁷ Ninga wali wasina mwana, vyono Elizabeti yali mugumba, nawo wa Zakaliya na Elizabeti wose wali wakombipa muno.

Luka 1:7 ပူးပေါင်းရင်းမြစ်များ

Mwamulizo 17:17

Baho Abulahamu, yakafugama, yakenama, sunga no wusu wakwe wukapamiza ho hasi, yakaseka, yakawa kwihwesa mu nhumbula yakwe, “Alu mwene mbeka yosumika mwana yalelwe kuli munhu mukombi nha nene, mono yaficile myaka yigana limonga? Hamba wule, alu mbeka Sala mono yaficila myaka makumi 'cenda, hongo aluno kosuma kutuga mwana?”

Mwamulizo 18:11

Nawo wa Abulahamu na mwene Sala, wali weza wakombi, nawo wali wakondya kuficila mu mazika mawaha muno. Nayo Sala i vilo vyakwe vyo mwezi vyali vyakondya kuduma.

Mwamulizo 25:21

Nayo Labeka yali sikalelaga, holeka Isaka yakamulomba u Muwaha Mulungu. Nayo u Muwaha Mulungu yawubocela u wulombe wakwe, nayo Labeka yakadinghula 'nda.

Mwamulizo 30:1

Nayo Laheli yali yeza kuwona vyono siyakumulelela Yakobo wana, hodu hobaho yakawa kwanza kumuwonela wivu muwahawe Leya, hobaho yakawa kumulonjela Yakobo yakutya, “Gwe Yakobo wumhelaje wana, na hono wulece kumhela du, langa ane nghufwa.”

1 Watemi 1:1

U mutemi Dawudi, nhondo yakawa yakombipa muno muno. Sunga ne wetumami wakwe wamugubikaga ne mabulanjeti ho yatuje civuce. Ninga hamba nhavivyo si yacitugaga civuce yaye.

2 Watemi 4:14

Elisha yakamutya Gehazi, “Ale wumuwuzaje cono kosaka nimutendele.” Nayo Gehazi yakamutya Elisha, “U mucekulu yuyu yasina mwana, no mulume wakwe nayo yeza mukombi.”

Luka 1:5

Mu vilo vyono Helode yali mutemi wa Yudiya, kwali na mukohani mono yacemwaga Zekaliya, mono wali wali hamonga mu witumami na Abiya, Mugolece wakwe yacemwaga Elizabeti, muyagwe ne wana wa Haluni.

Luka 1:6

Wose vyono wejete, wali wali ling'ani hali Mulungu, wali webate myoto ne malajilizo gose go Mulungu.

Luka 1:8

Mwizuwa linji, lono Zekaliya yetumaga mulimo wakwe wo Wukohani mu Nyumba yo Mulungu,

Walumi 4:19

Yali mukombi mono yali yaficile kotya nha myaka yigana limonga, ninga u wihuwilo wakwe hamba si wacepuka, hamba yawe yali yamanyile vyono, u muwili wakwe wali kotya nha wufwiye, no mugolece wakwe Sala nayo yali mugumba.

Wahebelaniya 11:11

So wihuwilo, sunga Sala yehuwila vyono u Mulungu kawufisilizaga u wihuwizo wakwe, holeka yakapegwa vilungo vyo kutuga 'nda, hamba yawe yali yakondya kupuluta i vilo vyo kutujila i mida so wukombi.

1 Samwili 1:2

Elikana yakawa na wagolece wejete, Hana na Penina. Penina yakawa yena wana, ninga Hana yakawa yasina mwana hamba monga.