Luka 1:68 - Luganuzi Luswanu Kuli Wanhu Wose 2002

⁶⁸ “Yalumbwe Muwaha Mulungu wa Isilayeli. Hambi nha kawaziza, kawanozeza wukombozwe wanhu wakwe.

I CILAGANE CIPYA 1991

⁶⁸ “Yalumbwe Muwaha Mulungu wa Isilayeli. Hambi nha kawaziza, kawanozeza wukombozwe wanhu wakwe.

Luka 1:68 ပူးပေါင်းရင်းမြစ်များ

Mwamulizo 14:20

U lukumyo lweze kuli Muwaha Mulungu mono yakupelile vilungo vyo kuwasumila walugu wako!” Nayo Abulamu yakawa kumulavizya Melikizedeki, lipinga lye monga kwe 'kumi lya muli vyose vyono yali yena navyo.

Mwamulizo 24:27

yakatya, “U lukumyo lweze kuli Muwaha Mulungu, u Mulungu wo muwaha wangu Abulahamu, mono sikalekaga u lusungu lwakwe ne mbeka yakwe, kuli muwaha wangu. U Muwaha Mulungu kanhonga mu nzila, sunga kafisa kuli wanduguze wo muwaha wangu Abulahamu.”

Mwamulizo 9:26

Kanyhi yakatya, “Nayo Semu, u Mulungu wangu yamulugutize Nayo Kanani yaweze muwanda wa Semu.

1 Watemi 1:48

yakutya, ‘Alenyi cimukumye Muwaha Mulungu, u Mulungu wa Isilayeli, mono izuwali kamunoza yumonga wa muli wanangu, yahale wutemi wangu, kanyhi na vyono yanghamise niwe mumi sunga niziwona zizi!’ ”

1 Watemi 8:15

Hanyuma yakawa kutya, “Yalumbwe Muwaha Mulungu, u Mulungu wa Isilayeli! Hambi nha yakamisa wihuwizo wakwe wono yamwihuwiziza baba Dawudi lono yatela.

1 Zinghomo 29:10

Mutemi Dawudi yakawa kumukumya Muwaha Mulungu ha mwande ye wanhu wose wono wali wehangulize baho, yakatya, “Gwe go Muwaha Mulungu, wo mulezi wetu Yakobo, Agwe yo gwegwe mono wunojeye lukumyo cibitilila ne cibitilila!

1 Zinghomo 29:20

Hanyuma Dawudi yakawalajiliza wanhu yakatya, “Ale, mukumyenyi Muwaha Mulungu, u Mulungu wenyu.” Ne lipuga lyose lye wanhu, wakamukumya Muwaha Mulungu, u Mulungu we walezi wawo, wakenama, wakamupela lilumbo Muwaha Mulungu, hamonga no mutemi.

Zabuli 106:48

Yalumbwe Muwaha Mulungu, Mulungu wa Isilayeli, ku wulawa cibitilila, sunga cibitilila! Ne wanhu wose walonje watye, “Heya!” Yalumbwe Muwaha Mulungu!

Zabuli 111:9

Mwene yawakomboza wanhu wakwe, kanyhi yakanoza cilagane nawo ce cibitilila. Mwene yelile, kanyhi wa kogofya muno muno.

Zabuli 130:8

Heya, kowakomboza wanhu wakwe Isilayeli, mu wulawa mu wubi wawo wose.

Zabuli 41:13

Yalumbwe Muwaha Mulungu, u Mulungu we Waisilayeli wulawa cibitilila ne cibitilila! Heya! Heya!

Wutuluce 4:31

Nawo wanhu wakehuwila. Nawo wali weza kuhulika vyono Muwaha Mulungu kawaziza, kawona na vyono wakugazwa muno, hodu, wakenamya mitwe yawo hasi, wakahemba.

Luka 1:71

nha vyono kocikomboza wulawa mu walugu wetu, na mu miwoko ya wose wono wacisulile.

Luka 19:44

Wolokongomeza gwegwe, hamonga ne wanago wono wali mumo. Nawo si wolokusigaziza hamba libwe limonga mucanyha mwibwe liyagwe, vyono si watanga ilipango lyono Mulungu yaziza kukuponya.”

Luka 2:38

Na mu cipango cico Ana yakalawila, nayo yakanza kumulumba Mulungu, nayo yakalonga zo mwana yuyo kuli wose wono walanjililaga wukombozi wa Yelusalemi.

Luka 24:21

Nase cetumbilaga cikutya, yo mwene mono kokomboza Isilayeli. Na muli zizi zose, izuwali lye zuwa lye kadatu kulawa vyono zanozwa zizi.

Luka 7:16

Wanhu wose wakebatwa no woga, wakamulumba u Mulungu, wakutya, “Muwizi muwaha kalawila mwetu; no Mulungu kaza kuwakomboza wanhu wakwe.”

Waefeso 1:3

Alenyi cimulumbe u Mulungu u Sogo yo Mutwa wetu Yesu Kilisito! Hambi mu wilunza na Kilisito, mumo mo yacimotezye ko kucipela ivipegwa vyose vye cimuhe kulawa ku wulanga.

Waefeso 1:7

Hambi nha cikukombozezwa mu sakami ya Kilisito, nha cinji u wubi wetu wukuwuswa, nhavivyo vyo winha u wuwaha we lihewa lyakwe,

Wahebelaniya 9:12

U Mwene yenjila i Hanhu Hono Helile kamonga du, kanyhi hamba si yasoleleza ne sakami ye mhene, hamba ya ng'ombe, langa yenjila so sakami yakwe mweneco, yakaciletela u wukombozi we cibitilila.

1 Petelo 1:3

Yalumbwe Mulungu, u Sogo yo Mutwa wetu Yesu Kilisito! Ko lusungu lwakwe luwaha, yacinoza cilelwe wupya, ko kumuzukula Yesu muli wafu. Yakondya kucipela u witumbilo wo wumi,

1 Samwili 25:32

Nayo Dawudi yakamupitula Abijeli yakatya, “Ale, Muwaha Mulungu yalumbwe, u Mulungu wa Isilayeli, mono yakuletile ho wuze witang'anile nane izuwali!