Luka 1:6 - Luganuzi Luswanu Kuli Wanhu Wose 2002

⁶ Wose vyono wejete, wali wali ling'ani hali Mulungu, wali webate myoto ne malajilizo gose go Mulungu.

I CILAGANE CIPYA 1991

⁶ Wose vyono wejete, wali wali lingʼani hali Mulungu, wali webate myoto ne malajilizo gose go Mulungu.

Luka 1:6 ပူးပေါင်းရင်းမြစ်များ

Mwamulizo 17:1

Mu vilo vyono Abulamu yali yaficila myaka makumi cenda ne 'cenda, u Muwaha Mulungu yakamulawila, yakamutya, “Ane yo nene mono nili Mulungu u Mudaha Vyose. Holeka agwe wutyatye wutonji wangu du, ho wuwe wusina yilema.

Mwamulizo 6:9

Awuno wo wityatye we zinghani za Noha. Yuyo Noha yo yali yo munhu mono yali yali ling'ani du yali wene, mono yali yasina yilema mu wikale wakwe. Noha vyawezanaga hamonga no Mulungu.

Mwamulizo 7:1

U Muwaha Mulungu yakamulonjela Noha yakatya, “Alu, vyono yo gwegwe du, mono nghuwene yo wuli munhu we ling'ani, mu vilo vyako vyose, ale, alu winjile mu Safina, gwegwe, hamonga ne mhuga yako yose.

1 Watemi 15:5

Nayo Muwaha Mulungu yetuma zizo, vyono Dawudi yetuma zono zamwendezaga Mulungu, kanyhi yakagakamisa muno ne malajilizo gakwe gose. Langa nghani monga du yono yasutya, yo nghani ya Uliya Muhiti.

1 Watemi 9:4

Nagwe hono wunyitumamile kwe cogopo na ko wihuwilwa, nha vyono sogo Dawudi yanoza, na hono wuwukamise wulajilize wangu no kwituma zose nha vyono nakulajiliza,

2 Watemi 20:3

“Gwe go Muwaha Mulungu, wukumbucile nha vyono, ane nakwitumamila ko wihuwilwa ne cogopo, na mu vilo vyose, nghawa kuhidimbala kwituma zo wuhile wako.” Hezekiya yali yeza kudumya wulombe wakwe, hodu yakanza kulila ko wusungu wuwaha muno muno.

2 Zinghomo 17:4

Mwene yamwitumamila du u Mulungu wo sogwe, yakagebata malajilizo go Mulungu, hamba si yetuma nha vyono i watemi we Waisilayeli wetuma.

Jobu 1:1

Kwali na munhu litagwa lyakwe Jobu, munhu yuyu, yekalaga mu yisi ya Uzi. Munhu yuyu yali muhembi muno, kanyhi mwihuwilwa kuli Mulungu. Kanyhi yali munhu muswanu, mono si yali yendile kwituma nghani yo yose 'mbi.

Jobu 1:8

Muwaha Mulungu yakamuwuza Setani yakamutya, “Ninga wumuwene mwitumami wangu Jobu? Hambi nha hasina munhu yunji mononze yiyi, mwihuwilwa, kanyhi munhu muswanu, mono yehwanile yuyu Jobu. Hambi Jobu nha kahembaga nene, kanyhi kelanjililaga muno, ho yalece kwituma nghani yo yose 'mbi.”

Jobu 9:2

“Heya! Nane manyile vyono zose zizi zono wukuzilonga za mbeka. Ninga munhu kosuma wule kuwa yali ling'ani hali Mulungu?

Zabuli 119:6

Na hono mbeka nigakamise malajilizo gako, mbeka si nokozwa cevu yaye.

Luka 1:7

Ninga wali wasina mwana, vyono Elizabeti yali mugumba, nawo wene Zekaliya na Elizabeti, wose wali wakombipa muno.

Luka 16:15

Nayo yakawatya, “Anye mwinozaga muli waswanu ha meso ge wanhu, ninga Mulungu yo yazimanyile zinhumbula zenyu, hambi cono cijelaga cina lukumyo hali wanhu, Mulungu yakuciwona nha takataka du.”

Luka 2:25

Baho hali na munhu ku Yelusalemi litagwa lyakwe Simiyoni, no munhu yuyo, yali yali ling'ani na mwihuwilwa kuli Mulungu, yalanjililaga muno wukombozwe we Waisilayeli. No Muhe Mono Yelile yali yali muli mwene.

Metumo ge Watumwa 2:25

Hambi Dawudi nha yakulonga zo mwene nhavi, ‘Namuwonaga Muwaha ha mwande yangu nhondo zose, hambi nha yali hamonga nane ku lubavu lwangu lo kulume, holeka sinosinjisika.

Metumo ge Watumwa 23:1

Nayo Pawulo, yakawalanga muno wanhu wono wali wali baho he balaza, hanyuma yakawa kutya, “Nye wandugu zangu, ane nikalaga na nhumbula nzelu hali Mulungu sunga nalu.”

Metumo ge Watumwa 24:16

Ku soko yiyo, nene no mweneco, nghwihidimbaza, ho niwe na nhumbula swanu kuli Mulungu, na kuli wanhu, nhondo zose.

Metumo ge Watumwa 8:21

Nha wusina yigawo hamba lifungu mu nghani yiyi, hambi inhumbula yako nha si yiling'aniye hali Mulungu.

Walumi 8:4

Nayo Mulungu yakanoza nhavivyo, wiling'ano wo Wulajilize, wufisilizizwe lukulu muli sese mono cili womi, si mu vilungo vye cimunhu-munhu, langa mu vilungo vyo Muhe.

1 Wakolinto 11:2

Nghumulumbenyi muno muno vyono mukunghumbucila, na vyono kanyhi muzibate muno na zizilya zono nghamulajilizenyi.

2 Wakolinto 1:12

Ase cikwilumbila cinhu cimonga du, vyono viselinji vyetu vikucihomelela vyono, mu wikale wetu wa mono yinze yiyino na ko muno muli'nye, cekala ko winenenyhezi wose hamonga no wele wa mu nhumbula, wono wukulawa kuli Mulungu, hamba si catongwa ne lihala lye cimunhu-munhu, langa catongwa ne lihewa lyo Mulungu.

Wukumbucize wo Wulajilize 5:33

Mweze mwina cihuliko muli zose, ho musume kutuga wumoteswe, na kanyhi ho musume kwikala vilo vinji, mu yisi yono moyisola yiwe.”

Wafilipi 2:15

ho muwe wanhu waswanu, wono wasina yilema, kanyhi mweze watelevu nha wana wo Mulungu wono wekaye mu yinze yiyi yo wubi yono yajiliye. Mobulila muli wene, kotya i zinyelezi vyono zikuwa kuwumulika u wulanga,

Wakolosayi 1:22

Ninga alu so wufwe wo Mwanagwe mono yekala baha mono'nze, u Mulungu yakondya kwilamula nanye, ho yamuletenyi hali mwene mwelile, musina yilema.

1 Watesalonike 3:13

Holeka nayo komukamyenyi zinhumbula zenyu, nanye mowa mukwilaniciye mu wele hali Mulungu no Sogo yetu, mwipango lono kolokuziza u Muwaha wetu Yesu hamonga ne wakwe wose.

2 Petelo 3:14

Holeka nyo wendece wangu, vyono mulilindiye lizuwa lilyo, mupiligale kwiyeza muno muno, muwe musina manamha-manamha hali Mulungu, ho mowa no mulamu nayo.

1 Yohana 2:29

Mumanyile nha vyono Kilisito yo we ling'ani muno, holeka yinojeye munhu wo wose yamanye vyono mono yakwituma zo wiling'ano, yuyo yo mwana wo Mulungu.

1 Yohana 2:3

Hono cigakamise i malajilizo go Mulungu, ale ho cosuma kumanyila lukulu vyono cimumanyile.

1 Yohana 3:7

Anye wanangu, mulece kuvumila munhu yunji yamwajilizenyi. Na munhu wo wose mono yakwituma ze ling'ani, yuyo yo we ling'ani nha vyono Kilisito yali ling'ani muno.