Luka 1:32 - Luganuzi Luswanu Kuli Wanhu Wose 2002

³² Mwene kowa Muwaha, nayo kocemwa mwana wo Mulungu Mono Yalawiliciye, no Muwaha Mulungu, komupela ligoda lyo sogwe Dawudi;

I CILAGANE CIPYA 1991

³² Mwene kowa Muwaha, nayo kocemwa mwana wo Mulungu mono yalawiliciye, no Muwaha Mulungu, komupela ligoda lyo sogwe Dawudi;

Luka 1:32 ပူးပေါင်းရင်းမြစ်များ

2 Samwili 7:16

Nane nowusimya wutemi wako muli wanago cibitilila. No wutemi wako hamba si wuladuma yaye.’ ”

Zabuli 132:11

Hambi nha yo gwegwe mono wamwihuwiza Dawudi, wihuwizo wono wukangaye, wono si kowubena yaye, lono watya, “Nomutemya yumonga wa muli wanago yawe mutemi, nayo kotema agwe kolo wakondya kufwa.

Zabuli 132:12

Na hono wanago wasume kwibata cilagane cangu du, hamonga no kukamisa malajilizo gangu, gono nawalajiliza, ale ne wana wawo nawo, nhavivilya wojendelela kuwuhala wutemi wako, vilo vyose.”

Isaya 16:5

Hanyuma ya zizo, yunji wa muli wana wa Dawudi, yo kolowa mutemi. Nayo mutemi yuyo, kolowatema wanhu ko wihuwilwa na ko wendo. Nayo kanyhi kolowa mupelu ku wituma zo wiling'ano, kanyhi kolosaka ling'ani du yo yitumwe mu wutemi wakwe.

Yelemiya 17:25

Holeka ne watemi wawo, hamonga ne wawaha wawo, wolosuma kwinjila mu milango ya Yelusalemi, wekale mwi'goda lyo wutemi lya Dawudi, ne wanhu wose wa Yuda na wa Yelusalemi, wose wolopanda mu mituka yo wulugu na mu zifwalasi. Ne likaya lya Yelusalemi, lyolowa likaye limemile wanhu nhondo zose.

Yelemiya 22:2

Nghamulonjele u mutemi ne wetumami wakwe wose, hamonga ne wanhu wose wa Yelusalemi, wayihulicize nghani yono yakulonga u Muwaha Mulungu, yakutya,

Danyeli 2:44

Na mu vilo vyo wutemi wuwo wose, Mulungu wa ku wulanga, kolowusimya wutemi wunji wono siwuladuma yaye, hamba kusumwa yaye. No wutemi wuwo, wolowongomeza wutemi wose, ninga wene wokwikala cibitilila ne cibitilila.

Matayo 1:1

U wityatye we ndelwa ya Yesu Kilisito mono yali we ndelwa ya Dawudi, wa mu ndelo ya Abulahamu. Na awuno ahano wo wityatye we mhuga yakwe vyono yinha.

Matayo 12:42

U mutemi we cicekulu wa kutakama kolokuza mu cipango lono u lulelo lulu lweza kuling'anizwa, nayo kololuhosa nha vyono lwina masutya. Hambi u mwene nha yajenda muhinzo mutali, kulawa kutali, yakaza kuzihuliciza zinghani ze mahala no wizuce wa Solomona, na kumbe, ahano hoyuli u muwaha mono yamucizize Solomona.”

Matayo 28:18

Nayo Yesu yakaza sunga behi nawo, yakawatya, “Ane mhegwa u wulajilize wose, wa ku wulanga, sunga na wa kono'nze.

Matayo 3:11

Ane nghumubaputizizenyi mu malenga, kulajila nha vyono mwanena. Ninga ayulya mono yakuza mu nyuma yangu, yo we vilungo yanyhizize na nene. Nane si nghwiliye hamba kugadinghula ne malatu gakwe. U Mwene komubaputizenyi ko Muhe Mono Yelile no ko moto.

Maluko 14:61

Ninga u mwene yakanyamala twii, hamba kulonga cinji. Mukohani Muwaha yakamuwuza kanyhi yakutya, “Ma, alu yo gwegwe Kilisito. U mwana wo Mulungu Mulugutizwe?”

Maluko 5:7

akuno yakulonga kwe'zi 'waha yakutya, “Gwe, Yesu, go Mwana wo Mulungu Mono Yalawiliciye, alu wina nghanici nane? Mwi'tagwa lyo Mulungu, nghulomba wulece kungaza!”

Luka 1:15

Kowa muwaha hali Muwaha Mulungu, si kolowa kung'wa divayi hamba cing'wegwa co wugale,

Luka 1:35

Malayika yakapitula yakamutya, “U Muhe mono yelile kokuziza, ne vilungo vyo Mulungu Mono Yalawiliciye vyokusiciliza. Holeka mwana mono kolela, kocemwa Yelile, Mwana wo Mulungu.

Luka 1:76

Nagwe, mwanangu, kocemwa muwizi wo Mulungu Mono Yalawiliciye muli vyose, hambi nha kolongola ha mwande yo Muwaha wumunozelezeze nzila yakwe.

Luka 3:16

Yohana yapitula yakawatya wose, “Ane nghumubaputizenyi mu malenga, ninga yakuza mono yali vilungo kuciza ane, hamba si nghwiliye kukowolola mikowa ye malatu gakwe, mwene komubaputizenyi mu Muhe Mono Yelile na mu Moto.

Luka 6:35

Vyo si yinha, ninga muwendaje walugu wenyu, muwatendelaje viswanu, mweze kuwakopesa, kuno si mukulanjilila kugomolelwa. No wuhumbilizwe wenyu wowa wuwaha, nanye mowa wana wo Mulungu Mono Yalawiliciye Muli Vyose: hambi mwene nha muswanu kuli wono wasina lilumbo na kuli wabi.

Yohana 12:34

Holeka lipuga lye wanhu likamupitula, likatya, “Ase cahulika mu Wulajilize, vyono Kilisito kekalaga cibitilila. Alu agwe kosuma nhawule kutya, ati, ‘U Mwana wo Munhu si koleka kwinulwa?’ Alu yuyo u Mwana wo Munhu yo nani.”

Yohana 6:69

Nase cihuwiye, kanyhi cimanyile, vyono yo gwegwe Mono Welile wo Mulungu.”

Metumo ge Watumwa 16:17

Hodu, muhinza yuyo, yakawa kumutyatya Pawulo na sese, akuno yakuzoza, yakutya, “Wanhu awa wo wetumami wo Mulungu Mono yalawiliciye Muli vyose, wono wakumuganulilenyi nzila ye mhonelo.”

Metumo ge Watumwa 2:30

Ninga Dawudi vyono yali muwizi, yali yamanyile vyono u Mulungu yamwilahila ko wilahe, vyono mu lulelo lwakwe, kolomwikaza yunji mwigoda lyakwe;

Metumo ge Watumwa 2:36

“Ne mhuga yose ya Isilayeli yiwanojeye wamanye manyi manyi, nha vyono, u Mulungu yamunoza yuyo, kuwa yo Muwaha kanyhi yo Kilisito, yuyo Yesu mono mwamutumbika nyenye.”

Metumo ge Watumwa 7:48

Ninga hamba nhavivyo u Mulungu Mono Yalawiliciye Muli vyose, nha si kekalaga mu zinyumba zono zizenjigwe ne wanhu, nha vyono yakutya muwizi,

Walumi 1:4

na ku soko yo wele wakwe wo Wulungu, yahomelelwa kwe vilungo viwaha vyono, u mwene yo Mwana wo Mulungu, ku so wuzuce wa muli wafu.

Wugubule 3:7

“Kuli malayika we likanisa lya Filadelifiya wandice nhavi, ‘Ayi yo nghani yono yikulawa kuli mwene mono yelile kanyhi we mbeka, mono yena wufunguwo wa Dawudi, mono kawudigulaga, hamba hasina kanyhi munhu mono kosuma kudinda, mono kadindaga, hamba hasina kanyhi munhu mono kosuma kuwudigula.