Luka 1:17 - Luganuzi Luswanu Kuli Wanhu Wose 2002

¹⁷ Kolowapitula wenji wa muli wana wa Isilayeli wamupitucile Muwaha Mulungu wawo. Nayo komulongolela Muwaha yakutongwa mu vilungo na mu Muhe kotya Eliya, no kuwalamula wasogo zo munhu ne wana wawo. Kowanoza we cibede, wawe mu mahala ge we ling'ani, kumuwikaniziza u Muwaha wanhu wakwe.”

I CILAGANE CIPYA 1991

¹⁷ Kolowapitula wenji wa muli wana wa Isilayeli wamupitucile Muwaha Mulungu wawo. Nayo komulongolela Muwaha yakutongwa mu vilungo na mu Muhe kotya Eliya, no kuwalamula wasogo zo munhu ne wana wawo. Kowanoza we cibede wawe mu mahala ge we lingʼani kumuwikaniziza u Muwaha wanhu wakwe.”

Luka 1:17 ပူးပေါင်းရင်းမြစ်များ

1 Watemi 17:1

Kwali no muwizi litagwa lyakwe Eliya, mulawa ku Tishibi mu yisi ya Gileyadi. Muwizi Eliya yakamulonjela mutemi Ahabu yakamutya, “Ane nghukulonjela mwi'tagwa lyo Muwaha Mulungu, u Mulungu mumi, u Mulungu wa Isilayeli, mono ane nghumwitumamila, nha vyono, kowa kusina buhe, hamba mvula yono yotonya, sunga yipulute myaka myejete, hamba midatu, sunga nene kanyhi kono nolotela.”

1 Watemi 18:18

Eliya yakamupitula yakatya, “Gwe mutemi, ane yo si nene mono nghumuletelenyi magazo, langa yo gwegwe hamonga no sogo Omuli, mono mukugaleta magayo gaga. Yo nyenye no sogo mono si mwasaka kugebata malajilizo go Muwaha Mulungu, kanyhi mukahemba vihwani vya Baali.

1 Watemi 21:20

Nayo Ahabu yali yeza kumuwona Eliya yakuza, yakamutya, “Alu langa izuwali, wanyibata go mulugu wangu.” Nayo Eliya yakamutya, “Heya nakwibata. Hambi nha kwiyendela gwegwe go mweneco kwituma zimbi hali Muwaha Mulungu.

2 Watemi 1:16

Nayo Eliya yakamulonjela mutemi yakatya, “U Muwaha Mulungu yakutya nhavi, ‘Alu vyono agwe watuma wanhu wabite wakakuwuzize kuli Baalizebubu, u mulungu we wa Ekiloni, nha kotya muli Isilayeli mwaweza musina Mulungu wo kuwuza, holeka ku soko yiyo, agwe nagwe hamba si konoga yaye, langa kofwa du!’ ”

1 Zinghomo 29:18

Gwe go Muwaha Mulungu u Mulungu we walezi wetu Abulahamu na Isaka, na Yakobo, wukangaze nghani yiyi cibitilila mu zinhumbula ze wanhu wako. Kanyhi wuwakamise, nhondo zose wekale wehuwilwa kuli'gwe.

2 Zinghomo 29:36

Mutemi Hezekiya, hamonga ne wanhu wose, wakasangalala muno, vyono Mulungu kawapela wutazi wo kwitumila zizi zose mbela mbela.

Zabuli 10:17

Gwe go Muwaha Mulungu, kubocelaga cililo co musocele, kumuhulicizaga no kumusikamya mu nhumbula yakwe.

Zabuli 111:10

Holeka mu wumogopa Muwaha Mulungu, wo musinji we mahala gose, nawo wose wono wakugebata malajilizo gakwe, wo wawo wono wakupegwa wizuce. No lukumyo lwakwe lwikalaga cibitilila.

Zabuli 78:8

Walece kuwa nha vyono wali i walezi wawo, wono wali wabedegazi kanyhi wafyuzi, lulelo lono lusina wulunji we nyikala, wono wukamile, u lulelo lono lusina wihuwilwa kuli Mulungu.

Isaya 29:24

Ne wanhu walele nawo wolotuga wizuce. Ne wanhu wono wekalaga wakung'ung'ulika nhondo zose, nawo wolokwenda kulanjizwa.”

Amosi 4:12

“Holeka anye nyo Waisilayeli, nane nomulipicizenyi. Holeka vyono nomunozezenyi zizi, ale nanye, mwiwikanizaje kuwitang'anila no wuling'anizi wangu!”

Matayo 11:14

Holeka hono musume kuvumila, ale, yuyu Yohana yo ayulya Eliya mono yali yaze.

Matayo 14:4

u mwene Yohana yamulonjela Helode, vyono, “Yili mwiko kuli'gwe kwikalana na yuyo u mugolece wa Filipo!”

Matayo 3:3

Yuyu Yohana yo yuyulya mono u muwizi Isaya yalonga izakwe, lono yatya, “Ilizi lyo munhu lihulikwa ku nyika, Muwikanizizenyi u Muwaha inzila yakwe, Muwugololaje u wukolo wakwe.”

Matayo 3:4

Nayo Yohana yavwalaga mwenda wono wali muhonwe no wusinga we ngamiya, kanyhi yali yewopile no musipi we nyhingo mu ciwino cakwe. Ne ndigwa yakwe yali nzije no wuci wa mu mbago.

Luka 1:16

nayo komemywa Muhe Mono Yelile ku wulawa mu'nda yo nyina.

Luka 1:76

Nagwe, mwanangu, kocemwa muwizi wo Mulungu Mono Yalawiliciye muli vyose, hambi nha kolongola ha mwande yo Muwaha wumunozelezeze nzila yakwe.

Yohana 1:13

Wono si waleleywe mu vilungo vye cimunhu munhu, hamba mu vilungo vyo munhu, hamba mu wuhile wo munhu, langa u Mulungu mweneco yo Sogo yawo.

Yohana 1:34

Nane nghondya kuwona, nane nghumulonjelenyi vyono yuyu yo Mwana wo Mulungu.”

Yohana 3:28

Nyenye nyo weneco muli wahomelezi wa vyono nalonga, ‘Ane yo si nene Kilisito, langa natumwa ho nimulongolele u mwene.’

Metumo ge Watumwa 10:33

Holeka nane nghawa kukutumila wanhu lwa kamonga, nagwe kunoza viswanu kuza. Alu ase wose cili baha hali Mulungu, cizihulicize zose zono Muwaha yakulajilize wulonje.

Walumi 9:23

Yakasaka kanyhi kuwulajila u winji wo lukumyo lwakwe, lono yacijidila ase mono cali yo soko yo lusungu lwakwe, ase mono yali yakondya kuciwikaniza ho cilubocele u lukumyo lwakwe.

Wakolosayi 1:12

Akuno mukumulumba kwa nyemo u Sogo yo munhu mono yamupelenyi u wusume ho muwe ne 'fungu lyenyu mu zinghani zo Mulungu zono yawawicila i wanhu wakwe mu wutemi wo wuzelu.

2 Timoteyo 2:21

Holeka hono munhu yeyeze ko kwilega ne makani gago gose go wavu, yuyo yo kowa co ciya ce vitumamilwa vye siya, vyono yakondya kuwikwa siya, nayo yuyo yakumunojezo Muwaha wakwe, nayo kanyhi yakuwa yewikanizize lukulu so mulimo wo wose muswanu.

1 Petelo 2:9

Ninga anye muli ndelwa hagulwa, iwakohani wo Mutemi, inghungugo yono yelile, i wanhu wo Mulungu mweneco, mono muhaguywe ho mwanze ze metumo mawaha go Mulungu mono yamucemenyi kulawa ku wutitu, yakamwinjizenyi mu wuzelu wakwe wo kwizina.

1 Yohana 2:28

Holeka mo wanangu mwikalaje muli mwene, ne lidaha lilaza kuwa lyaza, ciwe cikamile, ho cilece kuwa na soko yo kwihundika so cevu, mwizuwa lyo wuze wakwe.

Wugubule 20:4

Nghawona magoda ge citemi hamonga ne wanhu wono wali wagekaliye. I wanhu wawo, wakapegwa vilungo vyo kuling'aniza. Nghawona kanyhi ne zinhumbula za wono wadumulwa mitwe yawo ku soko yo kumuganula Yesu, na ku soko yo kuyiganula nghani yo Mulungu. Wawano wo wawo wono si walihemba lilimu lililya hamonga ne cihwani calyo, kanyhi hamba si wawicilwa citanjilo mu mahanda go wusu wawo, hamba mu miwoko yawo. Wakawumipa kanyhi, no kutema hamonga na Kilisito myaka elufu monga.

1 Samwili 7:5

Hanyuma, Samwili yakawa kuwacema Waisilayeli, wekonghole wose hamonga ku Mizipa, yakawa kuwalonjela yakutya, “Ane nomulombelenyi kuli Muwaha Mulungu kuko ku Mizipa.”