I Cililo 5:6 - Luganuzi Luswanu Kuli Wanhu Wose 2002

⁶ Na lono ciwe cikusaka ndigwa zono zicikwiliye, sunga cibite du cikelombeleze ku Misili, hamba ku Siliya.

I Cililo 5:6 ပူးပေါင်းရင်းမြစ်များ

Mwamulizo 24:2

Hodu, Abulahamu yakamulonjela u mwitumami wakwe, mono yali yo mukombi si nha wetumami wakwe wose, kanyhi yali yo mukamisa zisawo zakwe zose, yakamutya, “Ale wuwicilaje muwoko wako haciligati ye vima vyangu,

2 Watemi 10:15

Kanyhi Yehu yakawa kutuluka, na mumo mu nzila, viketang'anila na Yonadabu u mwana wa Lekabu, yakuza kumuhinjiliza. Yehu yakamulamusa, yakamutya, “Agwe na ane nghuwona nhumbula zetu zihwanile. Alu wule, kosuma kunhaza?” Nayo Yonadabu yakatya, “Heya nokutaza.” Yehu yakamutya, “Ale mhelaje muwoko wako.” Hodu wakawa kwilamusa. Nayo Yehu yakawa kumupaciza mu mutuka wakwe,

Isaya 57:9

Mukwitajila wugutika hamonga ne mafuta ge mhunjile, muwa kubita kumuhemba mulungu Moleki. Kanyhi mukutuma wanhu wabite sunga mu ma'si go kutali, sunga ko ku yisi ye wafu, ho wakamulondolelenyi milungu yono mowa kuyihemba.

Yelemiya 2:18

Alu mwene 'gwe, wukwihwesa kotuga cambuzici, hono wubite ku Misili, wukang'we i malenga ga mwi'kolongo lya Nile? Hamba wukwihwesa kotuga cambuzici lo, hono wubite ku Ashuli, wukang'we i malenga ga mwi'kolongo lya Efulata?

Yelemiya 2:36

Hambi nha mweyibedegala nyo weneco, mukawa kuyipitucila i milungu ye makungugo ganji. Ninga mumanye vyono molokozwa cevu ne yisi ya Misili, nha vyono mwakozwa cevu ne yisi ya Ashuli.

Yelemiya 50:15

Ale, mumuhomaje, akuno mukumuzozeza mbavu zose ze likaya! Alu, Babiloni yakondya kupilimwa mbavu zose. Ne majinji gayo gose gakondya kukumulwa no kugwiswa hasi. Nane nghwilipiciza cilipicizo kuli Wababiloni. Holeka mwilipicizaje cilipicizo cenyu muli wene. Muwatendele nawo nha vyono nawo wawatendelaga wanji.

I Cililo 4:17

Nase cikalanjilila, lunji cotuga wutazi, ninga calanjilila sunga cikakatala, hamba kuwutuga yaye. Cikajela kanyhi kulindila, lunji cotuga wutazi ku wulawa mwi'kungugo linji, ninga hamba si cawutuga yaye.

Ezekiyeli 17:18

Vyono mwene mutemi wa Yuda kabena cilagane hamonga no wilahize wakwe, na ku soko yo wituma zizi zose, holeka nayo hamba si kopona yaye.”

Hoseya 12:1

“Nghani zose zono Waisilayeli wakwituma, cilawa hakali mitondo, sunga cinyamihe, zisina cambuzi, kanyhi za wuhodanji du. Wukoci hamonga ne metumo go wu wula lusungu, gakonjelezeka muno muli wene. Wakulagana ne wanhu wa Ashuli no kusuluza hamonga ne Wamisili.”

Hoseya 5:13

“Nayo Isilayeli yali yeza kuwona vyono yatamwa, nayo Yuda yali yeza kuziwona zinghomele zakwe, hodu Isilayeli yakawa kubita ku yisi ya Siliya kulondola wutazi kuli wutemi wuwaha, ninga hamba nhavivyo, nayo hamba si kosuma kuwaponya, hamba kuzinoja zinghomele zawo.

Hoseya 7:11

Isilayeli yakuyumbayumba ako na ako kotya nziwa ndele, wanhu wakwe ha lulongozi wakasaka wutazi kuli Misili, na aluno kanyhi wakumanyhila ku Siliya.

Hoseya 9:3

Ne Waisilayeli siwokwikala mu'si yo Muwaha Mulungu, langa wowuya ku Misili, nawo wowa kulya ndigwa yono si swanu kuko ku Ashuli.