I Cililo 5:5 - Luganuzi Luswanu Kuli Wanhu Wose 2002

⁵ Wacimasha duu, kotya cili madogowe hamba ngamiya, sunga nhondo cakatala. Ninga hamba nhavivyo, si wakucileka ciceheze yaye.

I Cililo 5:5 ပူးပေါင်းရင်းမြစ်များ

Yelemiya 27:2

niyinozeze no mweneco lubano lwa viwopelo vya mikowa, hamonga ne mabici gayo, nivwice mu singo yangu.

Yelemiya 27:8

“Ninga hono haze hejele likungugo linji lyono si lyolosaka litemwe no mwene Nebukadineza, nane nololilipiciza likungugo lilyo no wulugu, ne nzala, hamonga ne matamwa, sunga kolo mutemi Nebukadineza yawe yakondya kulyongomezeza lukulu.

Yelemiya 28:14

U Muwaha Mulungu, we mihanga u Mulungu wa Isilayeli, kalonga nha vyono, kogavwika lubano lwa cuma i makungugo gaga gose, nago ho gajendelele kumwitumamila Nebukadineza, u mutemi wa Babiloni. Kanyhi u Muwaha Mulungu yalonga yakatya, nha vyono koganoza sunga ne malimu ga mu mbago gose, gamwitumamile Nebukadineza.”

Yelemiya 51:58

Ne majinji ge likaya lye vilungo Babiloni, golokumulwa gagwiswe ho hasi. Ne milango yayo mitali, nayo yolopembelwa moto yikongojele. Ne milimo yose ye makungugo, yo nghani ya bwete du, hambi u wuhidimbazi wawo nha wuli mu malambi go moto. Vyo nghutya, ane no Muwaha Mulungu.”

I Cililo 1:14

“No wubi wangu wose mwene yawuwene, kanyhi kawuwopeleza wose hamonga, kawutumbika mu singo yangu. Nane nghuwula vilungo, ku soko yo wuzito wayo. Muwaha Mulungu kanyinjiza mu miwoko ye walugu wangu, nane niwa sina wo kunhaza.

I Cililo 1:3

Nawo wanhu wa Yuda, weza wawanda lu, wono wasina wutazi wo wose. Hambi lu nha wakondya kuhamywa ku zikaya zawo. Weza wekala mu zi'si zinji, wasina hamba welecele wo wose. Wapilimwe ne walugu mbavu zose, wasina hamba nzila yo kwiponezya.

I Cililo 4:19

Nawo wono wacilondaga mu nyuma, wali wali musunho muno kuciza numba ya mu mwanya. Wakacityatya mu matunda, wakacisola, wakacitegula ku nyika.

Mika 2:3

Holeka Muwaha Mulungu yakutya, “Nghwihwesa nimuletelenyi magazo, gono si mosuma kupona, langa mokwiwona mwenjila du mu wugaye, wono womunozenyi mulece kwilumba kanyhi hamba hadodo.

Matayo 11:29

Mwiwicilaje u lubano lwangu, mwiyijize kuli'ne, hambi ane nha nili mupolo, kanyhi nili mwinenenyhezi mu nhumbula, nanye motuga wutuzwe mu zinhumbula zenyu.

Metumo ge Watumwa 15:10

Alu so cici mukumujela Mulungu, ko kuwatwika wawo iwejizwa u mutegulo wono hamba wa kuku zetu hamba sese du, si casuma kuwudinghula?

Wukumbucize wo Wulajilize 28:48

Holeka luno mojendelela kuwetumamila walugu wenyu wono Muwaha Mulungu kowaleka waze wamuhomenyi. Nanye modabuka muno, kanyhi mokaluka muno, kanyhi mowa kujenda cipwi, mowa mwina wanjile wuwaha muno. Nayo Muwaha Mulungu komupelenyi mikalo mikamu, sunga kolo yakumongomezenyi.