I Cililo 5:19 - Luganuzi Luswanu Kuli Wanhu Wose 2002

¹⁹ Ninga agwe go Muwaha Mulungu, yo gwegwe du wuli mutemi cibitilila, nagwe kotema sunga ko ku ndumo ye yinze.

I Cililo 5:19 ပူးပေါင်းရင်းမြစ်များ

Zabuli 10:16

Nayo Muwaha Mulungu, yo mutemi, cibitilila ne cibitilila! Ne makungugo gono si gamumanyile mwene, gokwajililila lukulu, hamba kwijela kanyhi mu yisi yakwe.

Zabuli 102:12

Ninga agwe go Muwaha Mulungu, wutemile cibitilila, ne litagwa lyako lyokumbucilwa mu zindelo zose.

Zabuli 145:13

No wutemi wako, wo wutemi we cibitilila, no wulajilize wako, nha wikalaga cibitilila. U Muwaha Mulungu nha mwihuwilwa, mu wihuwizo wakwe, kanyhi yali lusungu mu nyituma yakwe.

Zabuli 146:10

Muwaha Mulungu yatemile cibitilila, Mulungu wako 'gwe go Sayuni, yo mutemi muli zindelo zose. Mumulumbe Muwaha Mulungu!

Zabuli 29:10

U Muwaha Mulungu yo yatemile lihwazi lye malenga Muwaha Mulungu yo mutemi, yatemile cibitilila.

Zabuli 45:6

Ne ligoda lyako lyo wutemi, lye 'goda lyo Mulungu, likalaga cibitilila ne cibitilila. Nagwe wukuwatema wanhu wako ko wiling'ano.

Zabuli 9:7

Ninga Muwaha Mulungu yatemile cibitilila, yaliwicile ligoda lyakwe lyo wutemi, ho yasume kuling'aniza.

Zabuli 90:2

Agwe yo gwegwe go Mulungu, we cibitilila ne cibitilila, mono wali wuli baho du, sunga na lono matunda gali gakali si nawa, hamba yinze kuwumbwa.

Zabuli 93:2

Ne ligoda lyako lyo wutemi, lyawikwa ku wulawa katali. Nagwe wali wuli baho, ku wulawa cibitilila ne cibitilila.

Danyeli 2:44

Na mu vilo vyo wutemi wuwo wose, Mulungu wa ku wulanga, kolowusimya wutemi wunji wono siwuladuma yaye, hamba kusumwa yaye. No wutemi wuwo, wolowongomeza wutemi wose, ninga wene wokwikala cibitilila ne cibitilila.

Danyeli 7:14

Yakawa kupegwa vilungo ne lilumbo, hamonga no wutemi, i wanhu wose we zinghungugo zose, na we zimbeyu zose, na we milonjele yose, ho wamwitumamile mwene. Ne vilungo vyakwe vyokwikala cibitilila, no wutemi wakwe si wuladuma yaye.

Danyeli 7:27

Baho, i vilungo no wuwaha wo wutemi wose wa mono'nze, wolopegwa i wanhu wo Mulungu Mono Yalawiliciye. Ne vilungo vyo wutemi wawo, si viladuma yaye. Ne watemi wose wa mono'nze, wolowetumamila no kuwahulika.”

Habakuki 1:12

Muwaha Mulungu ku wulawa mwamulizo yo gwegwe Mulungu, agwe yo wuli Mulungu wangu, mono welile na we cibitilila, Muwaha Mulungu wangu no mudimi wangu. Alu wawahagula i Wababiloni no kuwanoza wawe ne vilungo, ho wasume kucilipiciza ase.

Yohana 1:38

Yesu yakapituka, yakawawona wawo wejizwa wakumutyatya, yakawatya, “Alo mukulondola cici?” Nawo wakamutya, “Labi (nhunizo yayo Mwijizi) kwikalaga hayi?”

Wukumbucize wo Wulajilize 33:27

Muwaha Mulungu yo mudimi wenyu nhondo zose. Ne miwoko yakwe ye cibitilila, wo wutazi wenyu. Kawawinjilaga kutali i walugu wenyu so cambuzi cenyu. Kanyhi yakumulonjelenyi muwongomeze wose.

1 Timoteyo 1:17

Ale, kuli mwene Mutemi we cibitilila na we sakalakale, mono sikawonagwa, umwene Mulungu we ciwene, lyeze lilumbo no lukumyo cibitilila na cibitilila! Heya.

Wahebelaniya 13:8

Yesu Kilisito yo yuyo du igolo ne zuwali, na ku cibitilila.

Wugubule 1:4

Ane yo nene Yohana mono nghugandicila makanisa mupunghati, gono gali mu yisi ya Asiya. Ilihewa no mulamu vyeze kuli'nye ku wulawa kuli mwene mono hoyuli, mono yali ho yali, kanyhi mono yakuza, na kanyhi ku wulawa kuli i myuhe mupunghati yono yikalaga he'goda lyakwe lyo lukumyo,

Wugubule 1:8

“Ane yo nene wo Mwamulizo na wo Mudumo,” vyo yakutya Muwaha Mulungu u Mudaha Vyose, mono hoyuli, mono yali ho yali, na mono yakuza.