I Cililo 5:17 - Luganuzi Luswanu Kuli Wanhu Wose 2002

¹⁷ Holeka zinhumbula zetu zizilice. Na ku soko ya zizo, ne meso getu si gakuwona viswanu.

I Cililo 5:17 ပူးပေါင်းရင်းမြစ်များ

Jobu 17:7

No wusungu wangu nhondo wambofuza, ne miwoko yangu, hamonga ne magulu gangu, vyasisilika vyawa nha muzizi.

Zabuli 31:9

Gwe go Muwaha Mulungu, wumbonele lusungu, hambi nha nili mu wugaye, meso gangu gavimba so wulila muno, ne vilungo vyangu vyose vyatimba.

Zabuli 38:8

Alu natimba, nadejepa muno, nghuzizidika muno so wusungu wa mu nhumbula.

Zabuli 6:7

Ne meso gangu gakatala so wukalale, gavimba ku soko yo wugazwe ne walugu.

Zabuli 69:3

Alu natimba muno so cililo cangu, sunga ne malaka gangu ganyala muno. Ne meso gangu geza si gakuwona viswanu, lono nghuwulondola wutazi wako.

Isaya 1:5

Ninga lu, ho so cici mukujendelela kumubedegala? Ane nghuwona, mukali mwendile mucile kulipicizwa. Alu mutwe wako Isilayeli, wakondya kutuga mazeya gose, nhumbula yako nayo, hamonga no mutima wako, vyose vyatimba.

Isaya 38:14

Ne lizi lyangu likasocela, likawa yidodo muno. Nane nghawa kulila nha nghunda. Ne meso gangu gakakatala so wugalamila kucanyha. Gwe go Muwaha Mulungu, wumhonye mu wugaye wuwu.

Yelemiya 46:5

Kanyhi u Muwaha Mulungu yakuwuza yakutya, “Alu, yo nghanici kanyhi yiyi yono nghuyiwona?” “Lanje ta! Weza kuwuya ne nyuma so woga. Ne wasilikale wawo weza kuwingwa, wakondya kusumwa so woga, nalu wakutiza wamanyhile muno muno. Hamba si wakwilenga kanyhi kunyuma.

Yelemiya 8:18

U wukalale wangu, hasina hamba yunji mono kosuma kuwuwusa yaye, hambi nha nhamigwe mu nhumbula yangu.

I Cililo 1:13

“Kagumila moto ku wulawa kucanyha, moto wono wukunyanya muli'ne. Kanhega no mutego, kangwisa ho hasi. Nalu yakondya kundeka nili wene, nili mu wusungu wuwaha.

I Cililo 1:22

“Wuwaling'anize so wubi wawo wose. Wuwalipicize nawo, nha vyono wundipicize nene so wubi wangu. Nghugula ko wusungu muno, ne nhumbula yangu yizilice.”

I Cililo 2:11

Woyi, he! Nhondo ne meso gangu, gapaya so cililo, ne nhumbula yangu nayo, yili mu wusungu wuwaha. No wusungu wanhamisa muno, ku soko yo wuhodanjice we wanhu wangu. Naluno i wana wadodo hamonga ne wagalika, wakuzilika du mu zinzila ze likaya.

Ezekiyeli 21:15

Wo mumaje wono wowanoza i wanhu wangu wawule vilungo no kwikobala. Nane nghugogofya i makaya gawo so mumaje wono wukung'alala nhe muli, wono wuwikanizwe ho wuwulaje.

Ezekiyeli 21:7

Nawo kolo wakukuwuza wakutya, nhawule lu wukugula, nagwe wuwalonjele nha vyono, wukugula ku soko ye zinghani zono zikuza. Na kolo zinghani zizo zikuza, i zinhumbula zawo zolomema woga, ne miwoko yawo yolonyenyanjika, no wusugu wawo wose wolomalika, ne mafugamilo gawo golocicima. Ne lipango lilyo lyaza, lyakondya kufika.” Vyo yakutya Muwaha Mulungu.

Walawi 26:36

Nawo wayenyu wono wosigala, nowapela woga wuwaha muno, u woga wono wowanoza, hamba wahulice lizi lye mbeho du yikuputa lihamha, hodu wene wowa kutiza du. Nanye mowa kumangha nha munhu mono yakuwingwa ku wulugu, mogwa caka sunga na hono hasina mulugu mono yali behi nanye.

Mika 6:13

Holeka nane nakondya kwiwikaniza so wongomezwe wenyu no wuhodangwe wenyu ku soko yo wubi wenyu.

Wukumbucize wo Wulajilize 28:65

Kanyhi si molowona mulamu hamba hadodo hanhu ho hose, hamba si molowa na hanhu ho hose hono molotya henyu nyo weneco. Nayo Muwaha Mulungu kolomumemyenyi mahwele no wu wula witumbilo, hamonga no wutukuwika mutima.