I Cililo 5:13 - Luganuzi Luswanu Kuli Wanhu Wose 2002

¹³ Nawo i wazelelo wetu, wakudindimizwa wakuzule wuhemba mu matuli nha wawanda. Nawo i wana wetu wadodo we cilume, wapebesukaga-pebesukaga so wudinghula mitegulo mizito ye zingwagu.

I Cililo 5:13 ပူးပေါင်းရင်းမြစ်များ

Jobu 31:10

hodu, lece mugolece wangu nayo yamuvujile wugali mulume yunji, kanyhi yagone nayo.

Wutuluce 1:11

Hobaho Wamisili, wakawa kuwawika wemilizi, wono wowetumya wanhu wa Isilayeli, no kuwadindimiza kwituma milimo mizito muno. Ale, Waisilayeli, wakawa kumuzenjela mutemi Falawo makaya ga Pitomu, na Lamesesi, so wuwicila viwutwa vyo mutemi.

Wutuluce 11:5

Ne wana we cilume walongozi kulelwa, wose wofwa. Ku wulawilila mwana we cilume wa Falawo, u mwana mono kowa yo muhazi wakwe wo wutemi, sunga ko mwana we cilume mulongozi kulelwa wo mwitumami we cicekulu mono yakusaga wuhemba. Sunga ne zinyana zose zinongozi kulelwa ze mitugo, nazo nhavivilya zofwa.

Wutuluce 2:11

Nayo Musa lono yali yawiluka yawa munhu mututu, mwi'zuwa linji yakabita kuwalamusa wanduguze Wahebelaniya. Yakawona vyono Wamisili wawetumyaga no kuwadindimiza kwituma cifugwa fugwa. Kanyhi yakamuwona Mumisili yunji yakumutowa Muhebelaniya yunji muyagwe ne wanduguze za Musa.

Wutuluce 23:5

Na hono wuyiwone ndogowe yo munhu mono yakusulile yigwiye hasi, yina no mutegulo wayo, ale, wumutazilizaje munhu yuyo kuyinula yiyo ndogowe yakwe, wulece kumuleka yaye wumupulute vyono yakusulile.

Isaya 47:2

Alu wusole zinzala! Wusaje wusaje! Wuwuse citambala cako co kugubika wusu wako, wuyiwopole ne myenda yako miswanu! Wukunyaje mwenda wako kusika, ho wulowoce vikolongo!

Isaya 58:6

“Ninga u wuleka kulya wono nyendile'ne wowu: Muwusize lukulu manyolo go wiwonela wanji, hamonga no wu wula ling'ani wenyu. Muwalecele wawe welecele wono wakwiwonelwa.

Yelemiya 7:18

I wana wawo, wo watenyi we zingwagu, i wasogo zawo, wo wapembi wo moto, i wanyina zawo, wo wavuwi wo wusaje ho wamunozeze mikate, u mulungu we cicekulu mono wamucemaga, mulungu we cicekulu wa ku wulanga. No kuyijidila milungu yinji, i vilavywa vye divayi, ho wanghoze likuwo'ne.

Matayo 23:4

Wene wawopaga imitegulo mizito, no kuwapiciza iwanhu mu mawega, ninga iweneco si wakusaka kugolola hamba cidole du bwete, ho wayidinghule imitegulo yiyo.

Walamuzi 16:21

Wafilisiti wakamwibata Samusoni wakamukopozola meso gakwe gose. Wakamutegula ku Gaza akuno wamuwopile ne manyolo ge shaba. Yakawikwa yawe kuwasajila wafungwa mu jela.