I Cililo 4:4 - Luganuzi Luswanu Kuli Wanhu Wose 2002

⁴ Wakuwaleka wana wawo wagalika wakufwa ne nzala, hamonga ne nyhilu ye malenga. Wana nawo wakwilombeleza ndigwa, yono hasina hamba mono kosuma kuwapela.

I Cililo 4:4 ပူးပေါင်းရင်းမြစ်များ

2 Watemi 18:27

Nayo yakapitula yakawatya, “Anye mukwihwesa vyono mutemi kanhuma nize nongane na nyenye du hamonga no mutemi? Aa ng'o. Ane nghulongana sunga ne wanhu wose wono wekaye mwi'jinji mucanyha, walye mavi gawo, wang'we ne matunzi gawo, sunga na nyenye.”

2 Watemi 25:3

Na mwizuwa lye licenda lya mu mwezi we'kane, wa mu mwaka wuwo, yikawa yagwa nzala, ne nzala yiyo yikawa nzala mbaha muno, sunga ne wanhu wakawa wasina hamba cinji co cose co kulya.

Zabuli 137:6

Hono ndece kukukumbucila gwegwe go Yelusalemi, na hono ndece kukwihwesa agwe go nyemo yangu.

Zabuli 22:15

Mumelo wangu wanyala nhe lizaye, no lulimilwangu lukwinamatila mu zinzagasa zangu, wandeka fwiye mu manghundi.

Isaya 5:13

Holeka ku soko yiyo, mosolwa mutegulwe ku yisi yo kutali so wuleka kumanya 'ne. Ne walongola wenyu wolofwa so nzala, ne wanhu wanji wose, wolofwa so nyhilu ye malenga.

Yelemiya 14:3

I wagoli nawo, wakuwatuma i wetumami wawo ku lulenga, wetumami wawa kubita ku visima, hamba kutuga malenga yaye. Hodu wawa kuwuya wali bwete wasina malenga. Akuno wakoligwe ne zisoni, wakuwona cevu, wakwihundika sunga no wusu wawo.

I Cililo 1:11

Nawo wanhu wakwe wose wakugula, wakulondola ndigwa. Wakukawa vinhu vyawo na ndigwa, ho walece kufwa. Holeka likaya likulila likutya, “Gwe go Muwaha Mulungu wunghumbucile, wugalanje magayo gangu.

Luka 10:11

‘Sunga ne manghundi ga mwi'kaya lyenyu gono gacinamatiye mu magulu getu, cikumukung'unhilenyi nyenye, ho yiwe suguzi kuli'nye. Ninga mumanye vyono wutemi wo Mulungu wakondya kumusejelelenyi.’

Wukumbucize wo Wulajilize 28:48

Holeka luno mojendelela kuwetumamila walugu wenyu wono Muwaha Mulungu kowaleka waze wamuhomenyi. Nanye modabuka muno, kanyhi mokaluka muno, kanyhi mowa kujenda cipwi, mowa mwina wanjile wuwaha muno. Nayo Muwaha Mulungu komupelenyi mikalo mikamu, sunga kolo yakumongomezenyi.

Wukumbucize wo Wulajilize 32:24

Nawo wofwa ku soko ye nzala ne mhungo, wofwa ku soko ye matamwa mabi. Noleta malimu ga mu mbago gawahawanje, ne mazoka gono gena sumu, gawalumanje.