I Cililo 4:21 - Luganuzi Luswanu Kuli Wanhu Wose 2002

²¹ Ale, musece du, no kusangalala mu nghango yenyu, anye nyo wanhu wa Edomu na Uzi. Ninga mumanye nha vyono, nanye magazo gakumuzizenyi nhavivyo, nanye molopuwa, muwe jenda cipwi mukoligwe ne cevu.

I Cililo 4:21 ပူးပေါင်းရင်းမြစ်များ

Mwamulizo 36:28

I wana wa Dishani nawo wali, Usi na Alani.

2 Zinghomo 28:19

Alu, vyono Ahazi mutemi wa Yuda, yali yakondya kuyihodanga ling'ani ye wanhu wakwe, na vyono kanyhi yali yakondya kulyavufya litagwa lyo Muwaha Mulugu, holeka nayo Muwaha Mulungu, yakawaletela Wayuda magazo mawaha.

Jobu 1:1

Kwali na munhu litagwa lyakwe Jobu, munhu yuyu, yekalaga mu yisi ya Uzi. Munhu yuyu yali muhembi muno, kanyhi mwihuwilwa kuli Mulungu. Kanyhi yali munhu muswanu, mono si yali yendile kwituma nghani yo yose 'mbi.

Zabuli 137:7

Gwe go Muwaha Mulungu, wulece kuzisemwa yaye zono wazituma Waedomu, lono Yelusalemi yasolelwa ne walugu, wukumbucile vyono watya, “Yimwagulenyi Yelusalemi! Sunga ne mabwe go musinji gose!”

Muganuzi 11:9

Gwe go muzelelo wusangalalile wudodo wako, nhumbula yako yiwusangalalile wuzelelo wako, witume nghani yo yose yono wendile kwituma, wutyatye wuhile we nhumbula yako, ninga akuno wukumbucile vyono Mulungu kokuling'aniza, mu nghango ya zizo zose.

Yelemiya 49:12

“Sunga na wose wono wali si wanojeye waling'anizwe, nawo wocing'wela du cikombe cico co wuling'anizwe. Hamba wukwihwesa nha vyono kolekwa wulece kutuga wuling'anizwe lo? Ng'o yaye, langa kocing'wa du cikombe cico co wuling'anizwe.

Yelemiya 49:7

Azi zo nghani zono u Muwaha Mulungu we mihanga, yakuzilonga kuli yisi ya Edomu, yakutya nhavi, “I wanhu wa Edomu, alo wakondya kwajiliza zinghani zawo zo wutonji lo? Ne watonji wawo nhondo, weza si wakuwalonjela lo zono ziwanojeye wetume? Ne mahala gawo gose nhondo gakondya kwajilila lo?

Ezekiyeli 25:6

“U Muwaha Mulungu kanyhi yakuzilonga azino yakutya, Anye mwatowaga maganza, hamonga no kuzumha-zumha so nyemo. Mukayibedegala yisi ya Isilayeli.

Ezekiyeli 25:8

U Muwaha Mulungu yakutya, “Vyono Mowabu yikutya yisi ya Yuda, yihwanile zinghungugo zinji zose.

Ezekiyeli 26:2

“Gwe go munhu, ayi yo nghani yono yikuleka wanhu wa mwi'kaya lya Tulo wakuyisekanga Yelusalemi wakutya, ‘Ahee, nhondo Yelusalemi yibenanjika! Ne vilungo vyayo vyo wusuluza alu nhondo vyamalika! Hamba si cokwisumaniza kanyhi nayo!’

Amosi 1:11

Muwaha Mulungu yakutya, “Wanhu wa Edomu, wetuma wubi kali kenji. Na ku soko yiyo, nane nowalipiciza. Hambi nha wawatendela vibi wandugu zawo, Waisilayeli, hamba kulajila lusungu yaye. Ne likuwo lyawo, likawa vyo lijendeleye du lisina wumalice yaye.

Obadiya 1:1

Awuno wo wugubulilwe wa Obadiya, wa zono Muwaha Mulungu yazilonga kuli likungugo lya Edomu. U Muwaha Mulungu yamutegula mutumwa wakwe kuli makungugo, nase cayihulika i nghani yakwe, yakutya, “Ale, wiwikanizaje! Cibite cikayihome Edomu!”

Mika 1:11

Anye nyo wanhu wa Shafila, mubite ku wuhamywe, muli cipwi, ne cevu. Na wawo wono wekaye mu Zanani, walecele lukulu kulawila mwi'kaya lyawo. Kolo mukuhulika wanhu wa Betizeli wakulila, ale momanya nha vyono kusina wutizizo kuko.

Habakuki 2:16

Ninga zizo zomuwuyilenyi nyo weneco, ne wanhu si womupelenyi cogopo yaye, nanye momema cevu ciwaha. Nanye nyo weneco mologala wujimbi no kupebesuka-pebesuka. Nayo Muwaha Mulungu kolomung'wesenyi cikombe co wulipicizwe nyenye nyo weneco. Ne cogopo cenyu colopituka ciwe cevu.

Wugubule 16:15

“Wuhulicize! Ane nghuza nha muhizi! Holeka, mumoti munhu mono yakwikala meso, no kuvwala myenda yakwe, ho yalece jenda cipwi ako na ako ha mwande ye wanhu.”