I Cililo 4:20 - Luganuzi Luswanu Kuli Wanhu Wose 2002

²⁰ Wakamusola u Wehele wo wumi wetu, u Mutemi, mono Muwaha Mulungu yamuhagula. U munhu mono cali cimwitumbiye, nha vyono yo kocitaza muli walugu wetu.

I Cililo 4:20 ပူးပေါင်းရင်းမြစ်များ

Mwamulizo 2:7

Baho u Mulungu, yakasola lilongo, yakamuwumba munhu, yakawa kumuputila u muhe wo wumi mu mhula, nayo munhu yuyo yakawa ciwumbwa cumi.

Mwamulizo 44:30

“Holeka 'gwe go mulumbwe, hono nimubitile baba, u mwitumami wako, akuno si nili hamonga no muzelelo yuyu, na kumbe wumi wa baba nawo wuli mu wumi wo muzelelo yuyu,

2 Samwili 1:14

Dawudi yakamuwuza kanyhi yakatya, “Alu 'gwe, nhawule kuwa kwijelela kumuwulaga u munhu mono Muwaha Mulungu yamuhagula yawe mutemi?”

2 Samwili 1:21

“Halece kuwa buhe hamba mvula, mu matunda ga Gilibowa, ne migunda yayo yose yeze hakavu! Hambi zingula ze citung'ati, nha ho hanhu hono zatajililwa wavufywe, ne ngula ya Sawuli, hamba si mbace ne mafuta yaye.

2 Samwili 18:3

Nawo wakamupitula wakamutya, “Aa, ng'o! Agwe wulece kuza, vyono hono wulece kuza howa hasina wisimajile kuli walugu, hono wanji wa muli sese watize, hamba wanji lunji wawulagwe, yowa si nghani yaye. Ninga agwe du wuli wene, winha cinhu co wuguzi wukamu muno, winha wanhu elufu yikumi wa muli sese. Holeka yowa yili ciba agwe wikale du, wuwe kuciletela wutazi ku wulawa mu muno mwi'kaya.”

2 Samwili 19:21

Ninga Abishayi u mwana we cilume wa Zeluya, yakenjilila hagati, yakatya, “Ayu Shimeyi yanojeye yawulagwe du. Hambi nha yakamulijita u munhu mono Muwaha Mulungu yamuhaguye yawe mutemi.”

2 Zinghomo 35:25

Nayo muwizi Yelemiya, yakatula lwimbo lo kumulilila mutemi Yosiya. Nawo wukawa wo moto we wembi wose mu yisi yose ya Isilayeli, we cilume na we cicekulu kulwimba lwimbo lulo, lono wakumulilila Yosiya. No lwimbo lulu, luli mu citabu ce Cililo.

Isaya 32:2

Nawo wawo wose, wolowa nho wihundiko so mbeho, kanyhi wolowa nho wicito so mukukunzo. Kanyhi wolowa nhe vikolongo vye malenga, vyono vikuhuluma mu nyika. Kanyhi wolowa nho mubeho muwaha we libwe liwaha, lyono lili mu yisi yono yilecigwe.

Yelemiya 39:5

Ninga nawo i wasilikale we Cibabiloni, wakawatyatya du, sunga wakawagana behi na Yeliko. Wakawa kumusola u mutemi Zedekiya, wakawa kumutegula kuli mutemi Nebukadineza, kwi 'kaya lya Libula, mu yisi ya Hamati, kono yali mwi'pango lilyo. Nayo Nebukadineza, yakawa kumuling'aniza Zedekiya yawulagwe.

Yelemiya 52:8

Ninga hamba nhavivyo, i wasilikale we Cibabiloni, wakamuwinga mutemi Zedekiya, sunga wakamwibatila mu mawimbi, behi ne yisi ya Yeliko. Ninga i wasilikale wakwe wose, wakatiza wakamuleka yali wene.

Yelemiya 52:9

Hobaho Zedekiya yakawa kusolwa, yakawa kutegulwa kuli mutemi Nebukadineza, na mwi'daha lilyo, mwene Nebukadineza, yali yali mwi'kaya lya Libula mu yisi ya Hamati. Nayo Nebukadineza yakawa kulavya wuling'anizi muli Zedekiya.

I Cililo 2:9

Nayo milango yayo, mifucizwe mu malowanjila, ne makomeyo gayo gose gabenanjice. U mutemi hamonga ne wanhu wakwe, wose wali ku wuhamywe. Alu nhondo, hamba Wulajilize weza si wukwijizwa yaye, ne wawizi nawo hamba si wakutuga wugubulilwe ku wulawa kuli Muwaha Mulungu.

Ezekiyeli 12:13

Ninga notandaza lwavu lwangu hanhu hose, ho nimugwizize mumo. Hanyuma niwe kumutegula sunga ko kwi'kaya lya Babiloni, i hanhu hono kolofwila, hamba kuyiwona ne yisi yeneco vyono yinha.

Ezekiyeli 17:18

Vyono mwene mutemi wa Yuda kabena cilagane hamonga no wilahize wakwe, na ku soko yo wituma zizi zose, holeka nayo hamba si kopona yaye.”

Ezekiyeli 31:17

Nayo vyabitana hamonga no mubici wuwo, sunga ko ku yisi ye wafu, vikekalane na wawo wono wakondya kuwulagwa. Na wose wono wali wekaye mu mubeho wayo haciligati ye makungugo.

Danyeli 4:12

Ne mahamha gayo, gali maswanu muno muno, nago gali gavunice mikalo, yono yali yikwiliye ku wulya wanhu wose we yinze. Vilimu vyose vya mu mbago, vikaceha mu mubeho wayo. Ne zindeje zikazenga manhuli gazo mu manhambi gayo, kanyhi ne viwumbwa vyose, vyalizaga mikalo yayo.

Hoseya 13:10

Mukalomba mutemi ne walongola, ninga woliponya nhawule likungugo?

Walamuzi 9:15

Nawo mukungugu wukaputula wukatya, ‘Hone mbeka mukusaka niwe mutemi wenyu, ale muze mucehe mu mubeho wangu. Ninga hono mulece kunoza nhavivyo, moto wolawila mu manhambi gangu ge mamiya, no kutakamiza mihagata yose ya Lebanoni.’ ”

1 Samwili 12:3

Alu, ane yone. Nghusaka munonjele hono yiwe namunozezenyi zimbi, ale muhomelele zuwali hali Muwaha Mulungu, hamonga no mutemi mono yamuhaguye. Hono niwe nasola ng'ombe ya munhu, hamba ndogowe yakwe? Hamba hono niwe namusolela yunji cinhu cakwe ko wusugu, hamba lunji namwiwonela yunji? Hamba lunji nabocela mafupo kuli yunji wa muli'nye? Na hono niwe netuma limonga lya muli makani gaga, ale nane nohaliza muli cinhu co cose cono nacisola.”

1 Samwili 12:5

Samwili nayo yakawapitula yakatya, “Ale, u Muwaha Mulungu hamonga no mutemi mono yamuhaguye, wo wahomelezi izuwali, lono mukuhomelela vyono ane nili mutelevu sina lisutya lyo lyose muli zizo.” Nawo wakatya, “Heya mbeka, Muwaha Mulungu yo muhomelezi wetu.”

1 Samwili 16:6

Nawo wali weza kuza, Samwili yakamuwona Eliyabi u mwana we cilume wa Yese, yakawa kumutya, “Ayu munhu mono yemile hali Muwaha Mulungu, ayu yo munhu mbeka mono Mulungu yamuhaguye.”

1 Samwili 24:10

Ale, alu kosuma kuwona go mweneco, vyono lulu baha du lono wali wuli mu mhango, Muwaha Mulungu yali yakutajila mu miwoko yangu. Ne wanhu wangu wanji, wali wanonjela vyono nghuwulaje kamonga du. Ninga ane nghukalalila muno muno, sunga niwa kutya, vyono si nosuma kukutamisa hamba hadodo, hambi agwe, nha yo gwegwe mono Muwaha Mulungu yakuhagula wuwe mutemi.

1 Samwili 24:6

yakawa kuwalonjela i wanhu wakwe, yakawatya, “Muwaha Mulungu, yanyhitile, ho ndece kwituma nghani yo yose ye citamisi kuli muwaha wangu, mono Muwaha Mulungu yamuhagula yawe mutemi! Holeka si yinojeye ane nimutamise hamba hadodo, hambi nha mutemi muhagulwa no Muwaha Mulungu!”

1 Samwili 26:16

Agwe Abineli, mulimo wako wakulemela agwe. Holeka nane nghukwilahiza hali Muwaha Mulungu mumi, vyono, anye wose munojeye mufwe, hambi nha mwalemegwa kumudima muwaha wenyu, mono Muwaha Mulungu yamunozize yawe mutemi. Alu wulanje ta, u mugoha wo mutemi wuli hayi lo? Sunga ne ciya cakwe cose ce malenga cono cali ciwice ha mhelo yo mutwe wakwe?”

1 Samwili 26:9

Ninga Dawudi yakamupitula Abishayi yakamutya, “Aa ng'o, wulecele lukulu kumutamisa! Hambi Muwaha Mulungu nayo nha komulipiciza munhu wo wose mono komutendela vibi u mutemi mono mwene Mulungu yamwitiye mafuta.