I Cililo 4:19 - Luganuzi Luswanu Kuli Wanhu Wose 2002

¹⁹ Nawo wono wacilondaga mu nyuma, wali wali musunho muno kuciza numba ya mu mwanya. Wakacityatya mu matunda, wakacisola, wakacitegula ku nyika.

I Cililo 4:19 ပူးပေါင်းရင်းမြစ်များ

Yelemiya 16:16

U Muwaha Mulungu yakutya nhavi, “Ane nowatuma wanimula somba wenji muno, waze wawanimule wanhu wawa. Hanyuma yayo, niwaceme i wapelembi wenji, waze wawapelembe mu wulawa mu matunda gose, na mu vigongo, sunga na mu zimhango ze mabwe.

Yelemiya 4:13

Ale, wulanje ta, i walugu wakuza wenji muno wenha mavunde. Ne magali gawo go wulugu, gehwanile libeho lyono likupilima-pilima, sunga ne zifwalasi zawo, zikumangha musunho muno muno kuciza 'ndi. Woyi hee! Alu langa cajilila! Alu ho cawona wusungu!

I Cililo 1:13

“Kagumila moto ku wulawa kucanyha, moto wono wukunyanya muli'ne. Kanhega no mutego, kangwisa ho hasi. Nalu yakondya kundeka nili wene, nili mu wusungu wuwaha.

Hoseya 8:1

Muwaha Mulungu yakutya, “Towe ndulele lizi lye citanjilo! Hambi walugu nha wakuzumha hasi, nha numba, mu'si yangu! Wanhu wangu wabena icilagane cono nalagana nawo, wabedegala no wulajilize wangu.

Hoseya 8:3

ninga wazilema ziswanu. Na ku soko ya zizo, i walugu wawo wowatyatilila.

Walawi 26:36

Nawo wayenyu wono wosigala, nowapela woga wuwaha muno, u woga wono wowanoza, hamba wahulice lizi lye mbeho du yikuputa lihamha, hodu wene wowa kutiza du. Nanye mowa kumangha nha munhu mono yakuwingwa ku wulugu, mogwa caka sunga na hono hasina mulugu mono yali behi nanye.

Amosi 2:14

Hamba no munhu mumanyhi sikolotiga yaye, no munhu we vilungo kolowula, vilungo vyakwe, no musilikale sikolosuma kuponya wumi wakwe.

Habakuki 1:8

“Ne zifwalasi zawo zowa zikumangha mbela mbela zicizize masuwi, kanyhi nghali, zicizize ne maminzi gono gadabuce. Ne wajendela zifwalasi wawo, wokuza wakuzimasha ku wulawa ma'si go kutali, fwalasi zawo zikwipalila hasi. Zikukola musunho muno muno kotya numba vyono yibataga mapelembo gayo.

Wukumbucize wo Wulajilize 28:49

Nayo Muwaha Mulungu, komuletelenyi likungugo ku wulawilila ku mhelo ye yinze, likungugo lyono hamba ne nonga yawo, anye si muyimanyile yaye. Ne wanhu wawo womuzizenyi nha numba.