I Cililo 4:17 - Luganuzi Luswanu Kuli Wanhu Wose 2002

¹⁷ Nase cikalanjilila, lunji cotuga wutazi, ninga calanjilila sunga cikakatala, hamba kuwutuga yaye. Cikajela kanyhi kulindila, lunji cotuga wutazi ku wulawa mwi'kungugo linji, ninga hamba si cawutuga yaye.

I Cililo 4:17 ပူးပေါင်းရင်းမြစ်များ

2 Watemi 24:7

Nayo mutemi wa Misili, hamba si yejelela kanyhi kuwuka mu yisi yakwe. Hambi mutemi wa Babiloni lulo, nha yo yali yayilongoze yisi yose ya Misili, ku wulawa kwi 'kolongo lya Efulata, sunga ko ku sumuka ye yisi ya Misili.

Isaya 20:5

Na wose wono wayitumbiye Kushi, no kwilumbila Misili, woloyilajila mbeka yawo kono ko yili, hambi witumbilo wawo nha wakondya kuhodanjika.

Isaya 28:18

Ne cilagane cenyu cono mwali mwalagana ne lifwa, hamonga ne yisi ye wafu, vyose vyowembulwa, hamba si vyokwima yaye. Ne lihuhuji kolo lyeza kuza, lyolomusumenyi.

Yelemiya 2:18

Alu mwene 'gwe, wukwihwesa kotuga cambuzici, hono wubite ku Misili, wukang'we i malenga ga mwi'kolongo lya Nile? Hamba wukwihwesa kotuga cambuzici lo, hono wubite ku Ashuli, wukang'we i malenga ga mwi'kolongo lya Efulata?

Yelemiya 2:36

Hambi nha mweyibedegala nyo weneco, mukawa kuyipitucila i milungu ye makungugo ganji. Ninga mumanye vyono molokozwa cevu ne yisi ya Misili, nha vyono mwakozwa cevu ne yisi ya Ashuli.

Yelemiya 2:37

Molosumwa ne Wamisili, mukolwe cevu. Ninga ane no Muwaha Mulungu, nane nawalema wawo wono muwetumbiye, hambi nha si motuga cambuzi co cose kuli wene.”

Yelemiya 8:20

Nawo i wanhu wo Mulungu wakulila wakutya, “Alu nhwanga yakondya kupuluta, ne cibahu naco capuluta, ninga ase hamba kupona yaye.”

I Cililo 1:19

“Nane nghawacema wono cali cilunzize nawo, ho waze wamhele wutazi, ninga wakalema kuza. I wakohani ne walongola, wose wakafwila mwi'kaya, lono walondolaga ndigwa, walece kufwa.

I Cililo 1:7

Na mu wutamiswe wuwo, alu Yelusalemi yikukumbucila zo lukumyo lwayo lwe katali. Na lono yagwizaga mu miwoko ye walugu, hali hasina hamba munya kumutaziza. Ne walugu wakwe wakasecelela muno so wugwe wakwe.

I Cililo 5:6

Na lono ciwe cikusaka ndigwa zono zicikwiliye, sunga cibite du cikelombeleze ku Misili, hamba ku Siliya.

Ezekiyeli 29:16

Sunga ne Waisilayeli nawo, hamba si walawetumbila kanyhi i Wamisili so wutazi wo wose. Ne nghani yiyo yolowamanyiza Waisilayeli, nha vyono kumbe yali nghani 'mbi muno yono wetuma, yo kuwetumbila wawo Wamisili. Na baho nawo Waisilayeli, ho wolomanyila vyono ane yo nene Muwaha Mulungu.”